រាជធានីភ្នំពេញ ៖ កម្លាំងការិយាល័យនគរបាលព្រហ្មទណ្ឌកម្រិតស្រាល សហការជាមួយកម្លាំងប៉ុស្តិ៍នគរបាលរដ្ឋបាលដង្កោ ស្រាវជ្រាវឃាត់ខ្លួនជនសង្ស័យចំនួន០៣នាក់ កាលពីវេលាម៉ោង១៥និង៤០នាទីថ្ងៃទី០៩ ខែកុម្ភៈ ឆ្នាំ២០២៥ នៅចំណុចផ្ទះសំណាក់ស្លឹកមាស ផ្លូវលេខ៣៧១…
រាជធានីភ្នំពេញ ៖ កម្លាំងការិយាល័យនគរបាលព្រហ្មទណ្ឌកម្រិតស្រាល សហការជាមួយកម្លាំងប៉ុស្តិ៍នគរបាលរដ្ឋបាលដង្កោ ស្រាវជ្រាវឃាត់ខ្លួនជនសង្ស័យចំនួន០៣នាក់ កាលពីវេលាម៉ោង១៥និង៤០នាទីថ្ងៃទី០៩ ខែកុម្ភៈ ឆ្នាំ២០២៥ នៅចំណុចផ្ទះសំណាក់ស្លឹកមាស ផ្លូវលេខ៣៧១ ភូមិម័ល សង្កាត់ដង្កោ ខណ្ឌដង្កោ ពាក់ព័ន្ធករណីឆក់យកទូរសព្ទដៃ ប្រព្រឹត្តនៅចំណុចមុខផ្ទះលេខ១៥១ ផ្លូវលេខ១២៣ ភូមិ៥ សង្កាត់ទួលទំពូង១ ខណ្ឌចំការមន កាលពីថ្ងៃទី០៩ ខែកុម្ភៈ ឆ្នាំ២០២៥ ។
យោងតាមស្នងការដ្ឋាននគរបាលរាជធានីភ្នំពេញ បានអោយដឹងថា ជនសង្ស័យចំនួន០៣នាក់ រួមមាន ៖
១-ឈ្មោះ ផេង សុក្រវិរៈ ភេទ ប្រុស ជនជាតិ ខ្មែរ។
២-ឈ្មោះ ទី សត្រារដ្ឋា ហៅ តួ ភេទ ប្រុស ជនជាតិ ខ្មែរ។
៣-ឈ្មោះ ពេជ្រ ម៉ានី ហៅ សាយ ភេទប្រុស ជនជាតិ ខ្មែរ។
វត្ថុតាងចាប់យក៖ ទូរសព្ទដៃម៉ាក អាយហ្វូន១៥ផ្លឹស ពណ៌ខ្មៅ របស់ជនរងគ្រោះ, សម្ភារៈប្រើប្រាស់សារធាតុញៀនមួយចំនួន, ម៉ូតូម៉ាកហុងដា សេ១២៥ ពណ៌ ខ្មៅ សេរីឆ្នាំ២០២៤ ពាក់ផ្លាកលេខ ភ្នំពេញ 1KK-3203, ម៉ូតូម៉ាកហុងដាធូដេ ពណ៌ស មិនចាំសេរី ពាក់ផ្លាកលេខ ភ្នំពេញ 1DB-5085 ។
បច្ចុប្បន្នជនសង្ស័យ និងវត្ថុតាងខាងលើ កំពុងឃាត់ខ្លួននៅការិយាល័យ ដើម្បីចាត់ការតាមនិតិវិធី ៕
ចែករំលែកព័តមាននេះ