ខេត្តបាត់ដំបង ៖ កម្លាំងសមត្ថកិច្ចនៃអធិការក្រុងបាត់ដំបង នៅព្រឹកថ្ងៃទី២១ មករា បានធ្វើការអំពាវនាវ ហើយថែមទាំងបានចុះណែនាំ និងធ្វើកិច្ចសន្យាផ្ទាល់ជាមួយអាជីវករនានានៅក្នុងក្រុង ហាមមិនឲ្យមានការដាក់តាំងលក់ «ផាវបំផ្ទុះ»…
ខេត្តបាត់ដំបង ៖ កម្លាំងសមត្ថកិច្ចនៃអធិការក្រុងបាត់ដំបង នៅព្រឹកថ្ងៃទី២១ មករា បានធ្វើការអំពាវនាវ ហើយថែមទាំងបានចុះណែនាំ និងធ្វើកិច្ចសន្យាផ្ទាល់ជាមួយអាជីវករនានានៅក្នុងក្រុង ហាមមិនឲ្យមានការដាក់តាំងលក់ «ផាវបំផ្ទុះ» ក្នុងឱកាស«បុណ្យចូលឆ្នាំប្រពៃណីចិន»នាពេលខាងមុខនេះ ជាប្រយោជន៍ ដើម្បីទប់ស្កាត់នូវគ្រោះថ្នាក់នានាដែលអាចកើតឡើងដោយយថា
ហេតុ ។
អធិការក្រុងបាត់ដំបង លោកពេជ្រ សារ៉ែន បាននិយាយថា ការណែនាំ និងចុះធ្វើកិច្ចសន្យាជាមួយអាជីវករនានា ហាមមិនឲ្យដាក់តាំងលក់ «ផាវ» ក្នុងឱកាស«បុណ្យចូលឆ្នាំចិន»នេះ ប្រាកដណាស់យើងមិនអាចរារាំងពួកគេបានទាំងស្រុងនោះទេ ។ ប៉ុន្តែអាចកាត់បន្ថយបានខ្លះ និងជាការទប់ស្កាត់ កុំឲ្យមានការដាក់តាំងលក់គ្រឿងផ្ទុះនេះ នៅតាមទីសាធារណៈព្រោងព្រាតពេក ព្រោះ«ផាវ»នេះវាអាចបង្កឲ្យមានគ្រោះថ្នាក់បាន ។
បង្កឲ្យមានគ្រោះថ្នាក់ ឬគ្រោះមហន្តរាយ ដូចជាបង្កជាអគ្គិភ័យ និងបង្កគ្រោះថ្នាក់ដល់មនុស្ស ។ ហើយក៏អាចធ្វើឲ្យមានការភាន់ច្រឡំទៅនឹងបទល្មើសផ្សេងៗ ដែលបានកើតឡើងដោយសារតែស្នូរផ្ទុះ (ស្នូរផ្ទុះកាំភ្លើង និងស្នូរផ្ទុះផាវ) ។
ពិធី«បុណ្យឆ្នាំប្រពៃណីចិន-វៀតណាម»នឹងប្រព្រឹត្តទៅនាប៉ុន្មានថ្ងៃខាងមុខនេះហើយ ។ នេះបើតាមខ្មែរ កាត់ចិន ឬវៀតណាមបាននិយាយប្រាប់ ។ ជាមួយគ្នានេះ គេឃើញនៅតាមបណ្ដាហាងលក់ទំនិញនានាក្នុងក្រុងបាត់ដំបង ចាប់ផ្ដើមមានការដាក់តាំងលក់ព្រោងព្រាតនូវគ្រឿងលម្អរគ្រប់ប្រភេទ សម្រាប់ខ្មែរ សែស្រឡាយចិន វៀតណាម ទិញយកទៅតុបតែង និងតាំងលម្អរខាងមុខផ្ទះ ។
ដោយឡែក បើនិយាយពីគ្រឿងផ្ទុះ «ផាវ» វិញ ជារៀងរាល់ឆ្នាំ គេមិនសូវឃើញមានដាក់តាំងលក់ «ចំហរឬសម្អែង» ឲ្យសមត្ថកិច្ចឃើញទេ ។ ប៉ុន្តែបើអតិថិជនចង់ទិញអាចសួរនាំអ្នកលក់ផ្ទាល់ ចង់បានប៉ុន្មានកញ្ឆេរ ក៏គេមានលក់ជូនយកទៅដុតបង្អើលអ្នកភូមិដែរ ។
ត្រង់ចំណុចនេះ លោក ពេជ្រ សារ៉ែន អធិការក្រុងបាត់ដំបងក៏បានទទូលស្គាល់ថា «អ្នកលក់គ្រឿងផ្ទុះទាំងនេះឆ្លាតដែរ ។ ពួកគេមិនដាក់លក់ជាចំហរទេ តែបើអ្នកទិញសួររក ចង់បានប៉ុន្មានក៏គេមានដែរ» ។
ប៉ុន្តែយ៉ាងណា លោកអធិការក្រុងបានអំពាវនាវសុំកុំឲ្យមានការដាក់តាំងលក់នូវគ្រឿងបំផ្ទុះ(ផាវ) នេះ ជាសាធារណៈនៅក្នុងឱកាស«បុណ្យចូលឆ្នាំចិន-វៀតណាម» នាពេលខាងមុខនេះ។ ព្រោះគ្រឿងផ្ទុះនេះ អាចបង្កគ្រោះមហន្តរាយបានដល់ផ្ទះសម្បែង ឬបង្កគ្រោះថា្នក់ដល់មនុស្ស ឬបង្កជាបញ្ហាផ្សេងៗដោយយថាហេតុបានយ៉ាងងាយបំផុត ៕
ចែករំលែកព័តមាននេះ