រាជធានីភ្នំពេញ ៖ នៅទីបំផុត បុគ្គលិកដែលបានលួចលុយពីក្រុមហ៊ុនរបស់តារាចម្រៀងអ្នកនាង សួសវីហ្សា រាប់ពាន់ដុល្លារនោះបានចូលខ្លួនធ្វើកិច្ចសន្យាយល់ព្រមសងលុយទាំងអស់មកកាន់រូបនាងវិញខណៈពេលដែលនាងកំពុងរង់ចាំមើលដល់ថ្ងៃកំណត់ នៅមុនពេលដែលនាងនឹងចាត់វិធានការតាមផ្លូវច្បាប់ ដោយមិនមានការលើកលែង ។ តាមការអះអាងពីតារាស្រីរូបនេះបានបញ្ជាក់ថា…
រាជធានីភ្នំពេញ ៖ នៅទីបំផុត បុគ្គលិកដែលបានលួចលុយពីក្រុមហ៊ុនរបស់តារាចម្រៀងអ្នកនាង សួសវីហ្សា រាប់ពាន់ដុល្លារនោះបានចូលខ្លួនធ្វើកិច្ចសន្យាយល់ព្រមសងលុយទាំងអស់មកកាន់រូបនាងវិញខណៈពេលដែលនាងកំពុងរង់ចាំមើលដល់ថ្ងៃកំណត់ នៅមុនពេលដែលនាងនឹងចាត់វិធានការតាមផ្លូវច្បាប់ ដោយមិនមានការលើកលែង ។
តាមការអះអាងពីតារាស្រីរូបនេះបានបញ្ជាក់ថា បុគ្គលិកក្រុមហ៊ុនរបស់នាងបានធ្វើកិច្ចសន្យាថា នឹងធ្វើការសងលុយគ្រប់ចំនួនមកឲ្យនាងវិញ នៅក្នុងថ្ងៃទី១២ ខែមករា ឆ្នាំ២០២៥ បន្ទាប់ពីនាងបានព្រមានចាត់វិធានការតាមផ្លូវច្បាប់ ដោយសំអាងនាងមានភស្តុតាងគ្រប់គ្រាន់រួចហើយ ។
តាមរយៈបណ្តាញសង្គមអ្នកនាង សួស វីហ្សា បានលើកឡើងថា បុគ្គលិកដែលបានលួចលុយខ្ញុំ ជិត6K$ បានធ្វើកិច្ចសន្យាថា នឹងសងលុយវិញគ្រប់ចំនួននាថ្ងៃទី12.01.2025ខាងមុខនេះ អញ្ចឹងចាំអ៊ុតមើលទាំងអស់គ្នា សូម្បីបងៗប៉ូលិសក៏កំពុងរង់ចាំដូចគ្នា ។
អ្នកនាងបញ្ជាក់ថា 😊ពីពេលនេះ លែងមានមនោសញ្ចេតនាជាមួយអ្នកណាផ្តេសផ្តាស់ទៀតហើយ មនុស្សណាក្បត់ គឺបញ្ជូនអោយច្បាប់ជាអ្នកចាត់ការចុះ ។
ជាការកត់សម្គាល់ ពាក់ព័ន្ធបញ្ហាខាងលើនេះ កន្លងទៅថ្មីៗ តារាចម្រៀងអ្នកនាង សួស វីហ្សា បានបង្ហោះសំណេរខ្លីមួយលើបណ្តាញសង្គមគួរឲ្យភ្ញាក់ផ្អើលថា ញរ័សាច់ណាស់ កំពុងប្រមូលភស្តុតាងបន្ថែម ។ នាងបញ្ជាក់ថា «ខ្ញុំចាប់បានបុគ្គលិកលួចលុយក្រុមហ៊ុនរបស់ខ្ញុំ ដំបូងញ៉ែតៗមិនសារភាពទេ តែពេលប្រមូលភស្ភុតាងបានគ្រប់គ្រាន់គាត់ក៏ព្រមសារភាព វាបន្លំទាំងQRក្រុមហ៊ុន មិនដាក់អីវ៉ាន់អោយភ្ញៀវ បោកភ្ញៀវបំផ្លាញកិត្តិយសប្តីប្រពន្ធខ្ញុំ» ។
ដោយឡែក ស្វាមីរបស់ សួស វីហ្សា ក៏បានបញ្ចេញសំណេរលើបណ្តាញសង្គមពាក់ព័ន្ធបញ្ហានេះដែរថា បានថៅកែដូចពីរនាក់ប្តីប្រពន្ធខ្ញុំហើយ ថែមទាំងមានចិត្តបុណ្យ ចិត្តល្អ ជួយគ្រប់ពេល ហុចលុយអោយចាយពេញៗដៃ និងស្រលាញ់រាប់អានដូចបងប្អូន តែសហាវណាស់ហ៊ានលួចលុយក្រុមហ៊ុន ហើយគិតថាថៅកែមិនដឹងរឿង ល្ងង់ជាងខ្លួនមែនទេ ។ នេះបានថា អំពើល្អរមែងជួបរឿងល្អ សាងអាក្រក់បានផលអាក្រក់ ប្តីប្រពន្ធខ្ញុំពិតជាស្តាយទឹកចិត្តណាស់ បាត់លុយមិនសំខាន់ទេ តែអ្វីសំខាន់គឺបាត់ទំនុកចិត្ត និងក្តីស្រលាញ់។
លោកក៏បានបញ្ជាក់ដែរថា ពេលនេះក្រុមហ៊ុន កំពុងមានវិធានការតាមផ្លូវច្បាប់ ចំពោះបុគលិករូបនោះផងដែរ ៕
ចែករំលែកព័តមាននេះ