មហាជន ជាពិសេស បណ្តាអ្នកលេងបណ្តាញសង្គមជាច្រើនបានសម្តែងមោទនភាព និងកោតសសើរយ៉ាងខ្លាំងទៅកាន់ល្អហួស ដែលបានព្យាយាមជម្នះនូវភាពត្រជាក់ខ្លាំង ប្រឹងសម្តែង និងបង្ហាញពីរបាំអប្សរាខ្មែរឲ្យបរទេសបានស្គាល់នៅលើផ្ទាំងទឹកកកនៅក្នុងខេត្តមួយនាឯប្រទេសចិន ។ ល្អ ហួស…
មហាជន ជាពិសេស បណ្តាអ្នកលេងបណ្តាញសង្គមជាច្រើនបានសម្តែងមោទនភាព និងកោតសសើរយ៉ាងខ្លាំងទៅកាន់ល្អហួស ដែលបានព្យាយាមជម្នះនូវភាពត្រជាក់ខ្លាំង ប្រឹងសម្តែង និងបង្ហាញពីរបាំអប្សរាខ្មែរឲ្យបរទេសបានស្គាល់នៅលើផ្ទាំងទឹកកកនៅក្នុងខេត្តមួយនាឯប្រទេស
ចិន ។
ល្អ ហួស បានបង្ហាញរូបភាពជាបន្តបន្ទាប់លើបណ្តាញសង្គម ស្តីពីសកម្មភាពរបស់ខ្លួនមុន និងក្រោយការសម្តែងរបាំអប្សរានៅទីកន្លែងមួយដែលមានសីតុណ្ហភាពត្រជាក់ខ្លាំង រហូតដកសូន្យក្នុងប្រទេសចិន ជាទីដែលនាងត្រូវបានអញ្ជើញដោយរដ្ឋបាលខេត្តហាឡប៊ិន ប្រទេសចិន ដើម្បីបង្ហាញវប្បធម៌កម្ពុជា និងចូលរួមការប្រគំតន្ត្រីនៅទីនោះ ។
តាមរយៈសកម្មភាពនេះ ល្អ ហួស ត្រូវបានគេមើលឃើញថា នាងបានខិតខំប្រឹងប្រែងយ៉ាងខ្លាំង ជាពិសេស ការអត់ធ្មត់ចំពោះអាកាសធាតុដ៏ត្រជាក់ខ្លាំង ដើម្បីសម្តែងរបាំអប្សរារហូតដល់ចប់ប្រកបដោយភាពជោគជ័យ នៅពីមុខផ្ទាំងទឹកកកដែលត្រូវបានគេឆ្លាក់ជារូបប្រាសាទបាយ័ន ។
ជាមួយនឹងការបង្ហាញរូបភាពនៃការសម្តែងរបាំអប្សរានៅលើបណ្តាញសង្គមនោះ ល្អ ហួស ក៏បានភ្ជាប់ជាមួយសំណេរថា អប្សរាសក់ខ្មៅ កំពុងបង្ហាញខ្លួននៅលើផ្ទាំងទឹកកកនៅឯប្រទេសចិន ផ្ការំដួលមួយទងនេះនិងធ្វើអោយប្រទេសកម្ពុជាកាន់តែមានក្លិនក្រអូប ទោះបីជាត្រជាក់យ៉ាងណា ក៏កូនស្រីកម្ពុជា អាចស៊ូបាន ទាំងស្នាមញញឹម 😊 « របាំអប្សរា » ឧបសគ្គមិនឈ្នះការព្យាយាម កូនស្រីកម្ពុជាអាចធ្វើបាន ។
សូមអរគុណដល់ពុកម៉ែបងប្អូនទាំងអស់គ្នា សម្រាប់ការគាំទ្រក្នុងការផ្សព្វផ្សាយវប្បធម៍ខ្មែរនៅប្រទេសចិន នាងខ្ញុំពិតជារំភើប និងមានមោទនភាពដែរបានកើតជាកូនខ្មែរ ។
បើតាមការអះអាងពីក្រុមគ្រួសារបានបញ្ជាក់ថា អំឡុងពេលសម្តែងនៅទីនោះ ល្អ ហួស ពិតជាមានការខិតខំ និងព្យាយាមយ៉ាងខ្លាំងដោយជម្នះភាពដ៏ត្រជាក់ខ្លាំងសម្រាប់ការសមមុនសម្តែង និងពេលសម្តែង ។ ក្រោយការសម្តែងចប់ ល្អ ហួស ស្ទើរទ្រាំមិនបាន ដោយសារភាពត្រជាក់នោះបានធ្វើឲ្យនាងស្ពឹកអស់ដៃជើង និងច្រមុះ ប៉ុន្តែនាងក៏នៅតែធ្វើបានល្អ ដើម្បីបំពេញក្តីស្រមៃរបស់នាង ។
យ៉ាងណា ក្រុមគ្រួសារបានធ្វើការថ្លែងអំណរគុណទៅដល់ក្រុមការងារដែលបានយកចិត្តទុកដាក់យ៉ាងខ្លាំងចំពោះ ល្អ ហួស ដែលធ្វើឲ្យការងារមួយនេះប្រព្រឹត្តទៅដោយរលូន ក្នុងពេលដែលក្រុមគ្រួសារក៏មានមោទនភាពចំពោះកូស្រីម្នាក់នេះផងដែរ ។
ជាការកត់សម្គាល់ នេះចាត់ទុកនេះមិនមែនជាលើកទីមួយទេដែលអ្នកសិល្បៈខ្មែរបាននំយកការសម្តែងអប្សរាខ្មែរនៅលើផ្ទាំងទឹកកកបែបនេះ ពោលកន្លងមកនាដការី សុខគា គឹមលាង ក៏បានសម្តែង និងការថតជាអប្សរារាំលើកំពូលភ្នំទឹកកក នៅប្រទេសញ៉ូវហ្សេលែនផងដែរ ។
តាមរយៈសកម្មភាពនេះ សុខគា គឹមលាង បានសម្តែងក្តីរំភើបយ៉ាងខ្លាំង ដោយនាងសារមានបងប្អូនយើងគាំទ្រច្រើន និងបានចែកចាយពេញបណ្តាញសង្គម ខណៈពេលដែលនាងមិនទាន់បានវិលមកប្រទេសវិញផងនោះ ។
ផ្ទាំងទស្សនីយភាពដែលនាងបានធ្វើនេះពិតជាមានភាពល្បីល្បាញ ហើយនាងពិតជាមានមោទនភាពជាខ្លាំង ដោយបានធ្វើរឿងមួយនេះ ហើយទទួលបានការលើកសសើរពីប្រមុខរាជរដ្ឋាភិបាល និងបងប្អូនខ្មែរយើងជាច្រើន ហើយរិតតែពិសេសជាងនេះទៀតគឺនាងបានឃើញរូបភាពរបស់ខ្លួនត្រូវបានបង្ហាញតាមBanner ធំៗតាមដងផ្លូវ ដែលនេះគឺជាលើកដំបូងសម្រាប់នាង ៕
ចែករំលែកព័តមាននេះ