នគរបាលស្រុកបសេដ្ឋ ឃាត់មុខសញ្ញាគ្រឿងញៀ.ន២នាក់ ដកហូតវត្ថុតាងមួយចំនួន
ខេត្តកំពង់ស្ពឺ ៖ ដោយអនុវត្ដបទបញ្ជាលោកឧត្តមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងដឹកនាំផ្ទាល់ពីលោកវរសេនីយ៍ឯក ចន សុភីត អធិការនគរបាលស្រុកបសេដ្ឋ…
ខេត្តកំពង់ស្ពឺ ៖ ដោយអនុវត្ដបទបញ្ជាលោកឧត្តមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ និងដឹកនាំផ្ទាល់ពីលោកវរសេនីយ៍ឯក ចន សុភីត អធិការនគរបាលស្រុកបសេដ្ឋ កម្លាំងជំនាញអធិការដ្ឋាននគរបាលស្រុកបសេដ្ឋ នៅវេលាម៉ោង១០និង៥០នាទីថ្ងៃទី២៧ ខែធ្នូ ឆ្នាំ២០២៤ បានបើកប្រតិបត្ដិការស្រាវជ្រាវករណីមុខសញ្ញាគ្រឿងញៀនខុសច្បាប់ នៅចំណុចដីឡូតិ៍ទំនេរមួយកន្លែង ស្ថិតក្នុងភូមិថ្លុកបី ឃុំកាត់ភ្លុក ស្រុកបសេដ្ឋ ខេត្តកំពង់ស្ពឺ ។
ក្នុងប្រតិបត្ដិការខាងលើនេះ កម្លាំងជំនាញបានឃាត់ជនសង្ស័យ ចំនួន០២នាក់ រួមមាន ៖
១. ឈ្មោះ ប៉ុម រ៉ា ហៅ ស្នា ភេទប្រុស អាយុ៣៨ឆ្នាំ ។
២. ឈ្មោះ ប៊ូ សុភាន់ ភេទប្រុស អាយុ៣៥ឆ្នាំ ។
និងឆែកឆេររកឃើញអាវុធកែឆ្នៃខ្លី-វែង ចំនួន២ដើម និងវត្ថុតាងមួយចំនួនទៀត ។
សមត្ថកិច្ច បានដកហូតវត្ថុតាង រួមមាន ៖
-ម្សៅក្រាម សថ្លា សង្ស័យជាគ្រឿងញៀន ចំនួន០២កញ្ចប់ (ធំ១កញ្ចប់តូច១កញ្ចប់)
-ក្រដាសប្រាក់ ប្រភេទដុល្លារសហរដ្ឋអាមេរិក ចំនួន៧,០០០ដុល្លារ (ប្រាំពីរពាន់) មិនដឹងថាសុទ្ធ ឬក្លែងក្លាយ
-ប្រាក់រៀល ៥០០,០០០៛ (ប្រាំសែនរៀល)
-ទូរសព្ទដៃ ០១គ្រឿង
-ដាវ ០១ដើម
-អាវុធវៃង កែច្នៃ ប្រភេទប្រើហ្គាស ០១ដើម ទិញពីក្រៅប្រទេស
-អាវុធខ្លី កែច្នៃ ប្រភេទប្រើហ្គាស ០១ដើម
-បង់កាំភ្លើងខ្លី ចំនួន០២
-គ្រាប់កាំភ្លើង ប្រភេទចម្រុះ ចំនួន០៤គ្រាប់
-កាំបិតក្វាវ ០១ដើម
-កំប៉ុងហ្គាស សម្រាប់បញ្ចូលអាវុធកែច្នៃ ០១កំប៉ុង
-ជញ្ជីងសម្រាប់ថ្លឹងគ្រឿងញៀន ០១គ្រឿង
-ម៉ូតូម៉ាកហុងដាសេ១២៥ ពណ័ខ្មៅ សេរីឆ្នាំ២០២៤ ស្លាកលេខកំពង់ស្ពឺ 1Z-7372 ០១គ្រឿង
-ថង់ផ្លាស់ស្ទីក សម្រាប់ច្រកសារធាតុគ្រឿងញៀន មួយចំនួន
និងឧបករណ៍សម្រាប់ប្រើប្រាស់គ្រឿងញៀន មួយចំនួនទៀត ។
ករណីនេះ កម្លាំងជំនាញផ្នែកប្រឆាំងគ្រឿងញៀន បានកសាងសំណុំរឿងបញ្ជូនទៅកាន់ការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្ត ចាត់ការបន្ដតាមនិតិវិធី ៕
ចែករំលែកព័តមាននេះ