រាជធានីភ្នំពេញ ៖ នៅរសៀលថ្ងៃទី២៣ ខែខែវិច្ឆិកា ឆ្នាំ២០២៤នេះ ស្នងការនគរបាលរាជធានីភ្នំពេញ បានបង្ហាញមុខជនសង្ស័យចំនួន១៣នាក់ ភាគច្រើនសុទ្ធតែអាយុ១៧ឆ្នាំ ដែលបង្កហិ.ង្សាដោយចេតនា កា.ប់…
រាជធានីភ្នំពេញ ៖ នៅរសៀលថ្ងៃទី២៣ ខែខែវិច្ឆិកា ឆ្នាំ២០២៤នេះ ស្នងការនគរបាលរាជធានីភ្នំពេញ បានបង្ហាញមុខជនសង្ស័យចំនួន១៣នាក់ ភាគច្រើនសុទ្ធតែអាយុ១៧ឆ្នាំ ដែលបង្កហិ.ង្សាដោយចេតនា កា.ប់ និងវាយទៅលើជនរងគ្រោះបណ្ដាលឲ្យរងរបួសជាច្រើននាក់និងបង្កឲ្យខូចខាតម៉ូតូជាច្រើនគ្រឿង ក្នុង៤ករណីផ្សេងគ្នា ។
ជនសង្ស័យដែលបង្ហាញមុខ រួមមាន ៖
១-ឈ្មោះ ជៀម ហេងប៉ោ ភេទប្រុស អាយុ១៧ឆ្នាំ
២-ឈ្មោះ ហេង ប៊ុនលាភ ភេទប្រុស អាយុ១៧ឆ្នាំ
៣-ឈ្មោះ ហុង សូសែន ភេទប្រុស អាយុ១៧ឆ្នាំ
៤-ឈ្មោះ វត្ថា ឧត្តម ភេទប្រុស អាយុ១៧ឆ្នាំ
៥-ឈ្មោះ ហ៊ុន សីហា ភេទប្រុស អាយុ១៧ឆ្នាំ
៦-ឈ្មោះ ជា គឹមឡៃគេង ភេទប្រុស អាយុ១៧ឆ្នាំ
៧-ឈ្មោះ ហន បញ្ញា ភេទប្រុស អាយុ១៧ឆ្នាំ
៨-ឈ្មោះ ញ៉ែម ស៊ីណា ភេទប្រុស អាយុ១៧ឆ្នាំ
៩-ឈ្មោះ តាំង ឈុនហូ ភេទប្រុស អាយុ១៧ឆ្នាំ
១០-ឈ្មោះ វឌ្ឍនៈ រ័ត្នវិបុល ភេទប្រុស អាយុ១៧ឆ្នាំ
១១-ឈ្មោះ សំអុល ភិរៈយុទ្ធ ភេទប្រុស អាយុ១៧ឆ្នាំ
១២-ឈ្មោះ រៀម គឹមឡាយ ភេទប្រុស អាយុ១៧ឆ្នាំ
និង១៣-ឈ្មោះ ស៊ីណាត ផេង ភេទប្រុស អាយុ១៩ឆ្នាំ ។
លោកវរសេនីយ៍ឯក ម៉ម សាវន ប្រធានការិយាល័យព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ បានអោយដឹងថា ដោយមានបទបញ្ជាពីលោកឧត្តមសេនីយ៍ឯក ជួន ណារិន្ទ អគ្គស្នងការរង នគរបាលជាតិ និងជាស្នងការនគរបាលរាជធានីភ្នំពេញ និងលោកឧត្តមសេនីយ៍ ប៊ុន សត្យា ស្នងការរង នគបាលរាជធានីភ្នំពេញ ទទួលផែននគរបាលព្រហ្មទណ្ឌ នគរបាល ការិយាល័យព្រហ្មទណ្ឌកំរិតស្រាល នៃស្នងការនគបាលរាជធានីភ្នំពេញ ក៏បានបង្ហាញជនសង្ស័យ ចំនួន ១៣នាក់ ដែលសមត្ថកិច្ចជំនាញសហការជាមួយតាមបណ្ដាខណ្ឌនានា បង្ក្រាបបានជាបន្តបន្ទាប់ ។
លោកវរសេនីយ៍ឯក ម៉ម សាវន បានហើយដឹងទៀតថា នៅថ្ងៃទី២១ ខែវិច្ឆិកា ឆ្នាំ២០២៤ វេលាម៉ោង២០និង០០នាទី ការិយាល័យនគរបាលព្រហ្មទណ្ឌកំរិតស្រាល បានស្រាវជ្រាវឃាត់ខ្លួនជនសង្ស័យជាប្រភេទក្មេងទំនើង ចំនួន០៣ក្រុម មានគ្នាសរុបចំនួន១៣នាក់ គឺក្រុមវត្តកោះ រឺធើន (WKR) ចំនួន០៣នាក់ ក្រុមតែទឹកកក (IT) ចំនួន៩ នាក់ និងក្រុមយើងស្រឡាញ់គ្នា (YSK) ចំនួន ០១នាក់ ពាក់ព័ន្ធប្រព្រឹត្តបទល្មើស ហិ.ង្សាដោយចេតនា មានស្ថានទម្ងន់ទោស (យកដាវ ជំពាមកៅស៊ូ និងមួកសុវត្ថិភាព កាប់ បាញ់ និងវាយបណ្តាលឲ្យរងរបួស) ប្រព្រឹត្តនៅរាជធានីភ្នំពេញ ចំនួន ០៤ករណី មាន ៖
ករណីទី១ ៖ ហិ.ង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនាមានស្ថានទម្ងន់ទោស (ត្រួត គ្នាយកដាវ ជំពាមកៅស៊ូ និងដៃ វាយគ្នាទៅវិញទៅមក រវាងក្រុមក្មេងទំនើងឈ្មោះ ក្រុមតែទឹកកក(IT) ជាមួយ ក្រុមក្មេងទំនើងឈ្មោះ វត្តកោះរីធើន (WKR) និងក្រុមចាក់ស្លុយ បណ្តាលឲ្យក្រុមក្មេងទំនើងឈ្មោះ ក្រុមតែទឹក កក(IT) រងរបួសចំមុខមួយគ្រាប់ជំពាម និងខូច ខាតម៉ូតូចំនួន ០១ គ្រឿង) ។ អំពើហិ.ង្សានេះ នៅចំណុចតាមដងផ្លូវសាធារ ណៈគល់ស្ពានកោះពេជ្រ កោះនរា ផ្លូវបេតុង ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី២១ ខែវិច្ឆិកា ឆ្នាំ២០២៤ វេលាម៉ោង២០និង៣០នាទី ។
ករណីទី២ ៖ ហិ.ង្សាដោយចេតនា មានស្ថានទម្ងន់ទោស និងធ្វើឲ្យខូចខាតដោយចេតនាមានស្ថានទម្ងន់ទោស (ព្រួតគ្នាយកកាំបិតខ្វែង និងកាំបិតប៉័ងតោ កាប់ជនរងគ្រោះតែមិនត្រូវ និងកាប់ម៉ូតូបណ្តាលឲ្យខូចខាតចំនួន ០២គ្រឿង) ប្រព្រឹត្តនៅចំណុចមុខផ្ទះលេខ២៧០ ផ្លូវលេខ៦៥៦ ក្រុម៣២ ភូមិ១២ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ កាលពីយប់ថ្ងៃទី២៦ ខែតុលា ឆ្នាំ២០២៤ ។
ករណីទី៣ ៖ ហិ.ង្សាដោយចេតនា មានស្ថានទម្ងន់ទោស (ត្រួតគ្នាយកដាវកាប់បណ្តាលឲ្យរងរបួស) ប្រព្រឹត្តនៅចំណុចបរិវេណកោះពេជ្រ ទល់មុខមហោស្រពកោះពេជ្រ ផ្លូវបេតុង ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីយប់ថ្ងៃទី១២ ខែកញ្ញា ឆ្នាំ២០២៤ ។
និងករណីទី៤ ៖ ហិ.ង្សាដោយចេតនា មានស្ថានទម្ងន់ទោស និងធ្វើឲ្យខូចខាតដោយចេតនាមានស្ថានទម្ងន់ទោស (ប្រើដាវចំនួន០២ដើម, កាំបិតប៉័ងតោ ចំនួន០១ដើម ព្រួតគ្នាកាប់ និងវាយលើជនរងគ្រោះបណ្តាលឲ្យរងរបួស និងកាប់ម៉ូតូបណ្តាលឲ្យរងការខូចខាតចំនួន០២គ្រឿង) ប្រព្រឹត្តនៅចំណុចក្នុងផ្ទះលក់ដូរផ្ទះលេខ២៨ ផ្លូវលេខ២៤២ ភូមិ៦ សង្កាត់ចតុមុខ ខណ្ឌដូនពេញ រាជធានីភ្នំពេញ កាលពីយប់រំលងអាធាត្រចូលថ្ងៃទី២៦ ខែធ្នូ ឆ្នាំ២០២៣ ។
បន្ទាប់ពីបង្ហាញមុខរួចមក ជនសង្ស័យទាំង១៣នាក់ ត្រូវបានសមត្ថកិច្ចបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមនិតិវិធី ៕
ចែករំលែកព័តមាននេះ