នាវាទេសចរណ៍ធំ១គ្រឿងនាំភ្ញៀវជាង១៨០០នាក់ ចូលចតកំពង់ផែស្វយ័តក្រុងព្រះសីហនុ
- ព្រះសីហនុ
ខេត្តព្រះសីហនុ ៖ កាលពីវេលាម៉ោង៦ និង៣០នាទីព្រឹកថ្ងៃទី១៩ វិច្ឆិកា ឆ្នាំ២០២៤ នាវាទេសចរណ៍ចំនួន១គ្រឿង ឈ្មោះ NOOR DAM…
ខេត្តព្រះសីហនុ ៖ កាលពីវេលាម៉ោង៦ និង៣០នាទីព្រឹកថ្ងៃទី១៩ វិច្ឆិកា ឆ្នាំ២០២៤ នាវាទេសចរណ៍ចំនួន១គ្រឿង ឈ្មោះ NOOR DAM សញ្ជាតិ NETHERLAND បានចូលចតនៅកំពង់ផែស្វយ័ត ក្រុងព្រះសីហនុ ដោយបាននាំភ្ញៀវទេសចរចំនួន១៨៦៥នាក់ ក្នុងនោះ មានស្រី៩៨៧នាក់ មាន៤៣សញ្ជាតិ មាននាវិកចំនួន៧៧៦នាក់ ក្នុងនោះ ស្រី១៣៦នាក់ មាន៣៨សញ្ជាតិ ។
ចំពោះលក្ខណៈបច្ចេកទេសនាវាមានប្រវែងបណ្តោយ២៨៥.៤៣ម៉ែត្រ, ទទឹង៣២.២៥ម៉ែត្រ នងជម្រៅទឹក៨ម៉ែត្រ ។ នាវាបានធ្វើដំណើរមកពីប្រទេសវៀតណាមមកកាន់ប្រទេសកម្ពុជា និងបន្តដំណើរត្រឡប់ទៅប្រទេសថៃវិញ នៅវេលាម៉ោង១៦ និង៣០នាទីថ្ងៃទី១៩ ខែវិច្ឆិកា ឆ្នាំ២០២៤ ។
ក្នុងនាវានេះ ភ្ញៀវច្រើនជាងគេ គឺសញ្ជាតិអាមេរិកចំនួន៦៧៧នាក់ ហើយភ្ញៀវទេសចរចេញវិញតាមយន្តហោះចំនួន២នាក់ មាន២សញ្ជាតិ និងភ្ញៀវទេសចរមកពីសៀមរាបចេញវិញតាមនាវាចំនួន១៦នាក់ ស្រី ១៥នាក់ មាន២សញ្ជាតិ ។
ចែករំលែកព័តមាននេះ