រាជធានីភ្នំពេញ ៖ បើតាមការបញ្ជាក់របស់រដ្ឋមន្ត្រីក្រសួងអប់រំយុវជន និងកីឡាបានអះអាងថា ការធ្វើកំណែរទម្រង់វិស័យអប់រំ ពិសេសការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបនោះមានការពិបាក រហូតរដល់មានការដាក់ទោសទណ្ឌចំពោះបេក្ខជនដែលមិនគោរព បទប្បញ្ញត្តិ តែនៅឆ្នាំបន្តបន្ទាប់មានភាពល្អ ជាដើមហេតុធ្វើឲ្យមានការកែទម្រង់វិស័យអប់រំនៅតាមសាលារៀនមានភាពល្អប្រសើរ ។
ឯកឧត្តម ហង់ ជួនណារ៉ុន ឧបនាយករដ្ឋមន្ត្រីរដ្ឋមន្ត្រីក្រសួងអប់រំយុវជន និងកីឡាបានបញ្ជាក់ប្រាប់ក្រុមអ្នកសារព័ត៌មាន នៅមុនបើកប្រធានវិញ្ញាសាប្រឡងបាក់ឌុប នាព្រឹកថ្ងៃទី៨ ខែតុលា ឆ្នាំ២០២៤ នៅវិទ្យាល័យព្រះស៊ីសុវត្ថិយ៉ាងដូច្នេះថា យើងឃើញថា នៅឆ្នាំដំបូងនៃការធ្វើកំណែទម្រង់ប្រឡងបាក់ឌុបឃើញថា មានកំហុសច្រើន ដោយសារតែបេក្ខជនមិនទាន់យល់ដឹង ក៏មានការ នាំចូលនូវសំណៅឯកសារច្រើន ហើយក៏មានការនាំចូលឧបករណ៍អេឡិចត្រូនិច និងអ្នកប្រឡងជំនួ សជាដើមដែលនេះជាបញ្ហាធំៗយើងមើលឃើញ»។
បន្ទាប់ពីមានការដាក់ទោសទណ្ឌចំពោះបេក្ខជនចូលរួមប្រឡងតាមច្បាប់ប្បញត្តិនៅឆ្នាំកន្លងមកឯកឧត្តមរដ្ឋមន្ត្រីក្រសួងអប់រំបានអះអាងសិស្សានុសិស្សបានខិតខំប្រឹងប្រែងរៀនសូត្រ ហើយគ្រូក៏ខិតខំក្នុងការបង្រៀនដែលចំណុចដែលត្រូវដោះស្រាយ។
ឯកឧត្តមរដ្ឋមន្ត្រីបានគូសបញ្ជាក់បន្ថែមថា «អីញ្ចឹងនៅពេលដែលយើងដឹងថា បញ្ហាប្រឈម ហើយដោះស្រាយចំពោះមិនសូវចេះនោះក្រសួង ក៏រៀបចំសង្ខេបនូវឯកសារសំខាន់ៗមួយចំនួន និង មានការប្រឡងជាលើកទី២ និងមានការបង្រៀនបំប៉នដោយមានការចូលរួមសហភាពសព័ន្ធ យុវជន និងភាគីពាក់ព័ន្ធនោះយើងឃើញថា រយៈពេល១០ឆ្នាំមកនេះឃើញថាមានភាពល្អ»។
បើតាមឯកឧត្តមរដ្ឋមន្ត្រីបានអះអាងថាតាមរយៈធ្វើកំណែទម្រង់ការប្រឡងបាក់ឌុបនេះ ធ្វើឲ្យក្រសួងយកមកអនុវត្តនៅតាមសាលារៀន ដោយសិស្សត្រូវខិតខំរៀន ហើយគ្រូខិតខំបង្រៀន ព្រមទាំងឲ្យសិស្សធ្វើស្វ័យសិក្សាតាមរយៈផ្នែកឌីជីថលផងដែរ។
ឯកឧត្តមហង់ ជួនណារ៉ុន បានលើកឡើងទៀតថា កក្តាដែលធ្វើឲ្យវិស័យអប់រំមានភាពល្អ ប្រសើរមានទាំងយន្តការប្រឡងដែលទទួលយកបានដោយធ្វើការពង្រឹងការគ្រប់គ្រង ផ្តល់ឲ្យសិស្សរៀនបានច្រើន ក្នុងនោះ គ្រូខំប្រឹងបង្រៀន សិស្សខំប្រឹងរៀន ហើយឪពុកម្តាយ ក៏ខំប្រឹងជំរុញកូនឲ្យខិតខំរៀន៕
ចែករំលែកព័តមាននេះ