រាជធានីភ្នំពេញ ៖ តារាសម្តែងនាង ព្រះកាយច័ន្ទ បានស្នើដល់មហាជនចូលរួមទស្សនាឲ្យបានច្រើននូវការសម្តែងល្ខោនក្បាច់បុរាណខ្មែររឿង «ព្រះបាទជ័យរវ្ម័នទី៧ ដែលគ្រោងសម្តែងនាពេលខាងមុខ ខណះពេលដែលនាងចាត់ទុកការចូលរួមទស្សនារបស់មហាជនគឺជាឱកាសបង្ហាញនូវទឹកចិត្តស្រឡាញ់ និងចង់ថែរក្សាសិល្បះវប្បធម៌របស់ខ្មែរ ។…
រាជធានីភ្នំពេញ ៖ តារាសម្តែងនាង ព្រះកាយច័ន្ទ បានស្នើដល់មហាជនចូលរួមទស្សនាឲ្យបានច្រើននូវការសម្តែងល្ខោនក្បាច់បុរាណខ្មែររឿង «ព្រះបាទជ័យរវ្ម័នទី៧ ដែលគ្រោងសម្តែងនាពេលខាងមុខ ខណះពេលដែលនាងចាត់ទុកការចូលរួមទស្សនារបស់មហាជនគឺជាឱកាសបង្ហាញនូវទឹកចិត្តស្រឡាញ់ និងចង់ថែរក្សាសិល្បះវប្បធម៌របស់ខ្មែរ ។
ក្នុងនាមជាអ្នកសិល្បះមួយរូបដែលមានឱកាសចូលរួមសម្តែងក្នុងទស្សនីយភាពដ៏អស្ចារ្យមួយនេះ ព្រះកាយច័ន្ទ បានបង្ហាញនូវក្តីរំភើបសម្រាប់វត្តមានរបស់ខ្លួននៅក្នុងកម្មវិធីខាងលើនេះ ក្នុងពេលដែលនាងក៏បានអំពាវនាវឲ្យមហាជនចូលរួមទស្សនាឲ្យបានច្រើន ។
តាមរយះសំណេរដែលបានសសេរបង្ហោះតាមបណ្តាញសង្គមហ្វេសប៊ុក ព្រះកាយច័ន្ទ បានលើកឡើងថា នាងខ្ញុំពិតជាមានកិត្តយសរំភើបហួសនឹងថ្លែង ដែលមាននិស្ស័យ និងមានសំណាងដែលមានវត្តមានក្នុងកាសម្តែងល្ខោនក្បាច់របាំបុរាណខ្មែររឿង «ព្រះបាទជ័យរវ្ម័នទី៧ ដកស្រង់ត្រង់ឈុត ស្នាព្រះហស្ថ និងសមិទ្ធផលនៃមហាវីរក្សត្រទាំង៣អង្គ» ។
នាងបញ្ជាក់ថា បងប្អូនដែលស្រលាញ់នឹងចង់ថែនៅសិល្បៈវប្បធម៌យើងដល់ពេលដែលអ្នកទាំងអស់ត្រូវបង្ហាញហើយ ។
ជាការកត់សម្គាល់សម្រាប់ការចូលរួមសម្តែងនូវទស្សនីយភាពខាងលើនេះមិនមែនមានតែ ព្រះកាយច័ន្ទ ម្នាក់ទេ ពោលក៏មានអ្នកសិល្បះមួយចំនួនទៀតក៏ត្រូវបានអញ្ជើញឲ្យចូលរួមសម្តែងក្នុងកម្មវិធីមួយនេះផងដែរ ។
គួរបញ្ជាក់ថា ទស្សនីយភាពល្ខោនក្បាច់បុរាណខ្មែររឿង «ព្រះបាទជ័យរវ្ម័នទី៧ ដកស្រង់ត្រង់ឈុតស្នាព្រះហស្ថ និងសមិទ្ធផលនៃមហាវីរក្សត្រទាំង៣អង្គ» ត្រូវបានតំឡើងដោយអ្នកគ្រូសាស្ត្រាចារ្យ ឱម យុវណ្ណឌី នឹងធ្វើការសម្តែងជូនទស្សនិកជនទស្សនានៅថ្ងៃទី២៨-២៩ ខែកញ្ញា ឆ្នាំ២០២៤ នៅសាលមហោស្រពកោះពេជ្រ ។
គោលបំណងនៅក្នុងការរៀបចំទស្សនីយភាពនេះឡើងគឺជាការចូលរួមចំណែកនៅក្នុងការផ្សព្វផ្សាយសិល្បះវប្បធម៌ជាតិ ជូនសាធារណៈជន និងភ្ញៀវអន្តរជាតិ និងផ្តល់ឱកាសដល់ប្អូនៗសិស្សានុសិស្ស ជាសិល្បះករក្រៅប្រព័ន្ធ បានបង្ហាញស្នាដៃរបស់ខ្លួនក្រោយឆ្លៀតពេលទំនេរពីការសិក្សាហាត់រៀនរបាំក្បាច់បុរាណខ្មែរ ។
ជាងនេះទៅទៀតផ្តល់ឱកាសឲ្យប្រជាជន ពិសេសយុវវ័យ និងកុមារមានលទ្ធភាពចូលរួមក្នុងសកម្មភាពវប្បធម៌ និងទទួលផលពីវិស័យវប្បធម៌ប្រកបដោយសមធម៌ និងបង្កើនការយល់ដឹងពីតម្លៃពិតនៃវប្បធម៌ ប្រពៃណី ទំនៀមទម្លាប់របស់ជាតិ និងភាពផ្សេងៗគ្នានៃសម្បត្តិវប្បធម៌ ជាមួយនឹងការបង្កើនការយកចិត្តទុកដាក់លើកកម្ពស់ការងារផ្នែកសិល្បះវប្បធម៌ ៕
ចែករំលែកព័តមាននេះ