រាជធានីភ្នំពេញ ៖ តារាចម្រៀងលោក ខេមរះ សិរីមន្ត នឹងចេញទៅសម្តែងច្រៀងនៅលើទឹកដីអាមេរិកនៅអំឡុងចុងខែកញ្ញាខាងមុខនេះ ក្នុងកម្មវិធីផ្សព្វផ្សាយវប្បធម៌ និងផលិតផលខ្មែរទៅកាន់ពីភពលោក ខណៈពេលដែលលោក គឺជាតារាចម្រៀងតំណាងសិល្បករផ្នែកសម័យដែលមកពីកម្ពុជា…
រាជធានីភ្នំពេញ ៖ តារាចម្រៀងលោក ខេមរះ សិរីមន្ត នឹងចេញទៅសម្តែងច្រៀងនៅលើទឹកដីអាមេរិកនៅអំឡុងចុងខែកញ្ញាខាងមុខនេះ ក្នុងកម្មវិធីផ្សព្វផ្សាយវប្បធម៌ និងផលិតផលខ្មែរទៅកាន់ពីភពលោក ខណៈពេលដែលលោក គឺជាតារាចម្រៀងតំណាងសិល្បករផ្នែកសម័យដែលមកពីកម្ពុជា ។
តាមរយៈសំណេរដែលបង្ហោះលើបណ្តាញសង្គម ដោយក្តីគោរពខ្ញុំបាទតំណាងសិល្បករកម្ពុជាផ្នែកសម័យ 🙏🏻នឹងទៅជួបជាមួយបងប្អូនពូមីងនៅ«សហរដ្ឋអាមេរិក»តំបន់ ញូវញៀនស្វែរ ទីក្រុង សាន់ហ្វ្រាន់ស៊ីស្កូ ក្នុងកម្មវិធី The Inaugural Cambodia Day នៅថ្ងៃទី 28 ខែ កញ្ញាឆ្នាំ 2024 ។
លោកបញ្ជាក់ថា កម្មវិធីនេះ មានសារសំខាន់ខ្លាំងណាស់ ដើម្បីផ្សព្វផ្សាយវប្បធម៌អរិយធម៌ខ្មែរ និងផលិតផលខ្មែរទៅកាន់ពិភពលោក សូមពូមីងបងប្អូននៅសហរដ្ឋអាមេរិកចូលរួមទាំងអស់គ្នាដោយសេរី ដើម្បីបុព្វហេតុរួមចំណែកផ្សព្វផ្សាយកម្ពុជាទៅកាន់ពិភពលោក ។
តារាចម្រៀងរូបនេះបានលើកឡើងបន្ថែមថា លោកបានទទួលការអញ្ជើញជាពិសេសមួយ សម្រាប់ការចូលរួមក្នុងការប្រគុំតន្ត្រីដ៏មួយនៅលើទឹកដីអាមេរិក ដោយនៅកម្មវិធីខាងលើនេះក៏បានការតាំងពីព័របង្ហាញពីផលិតផលជាច្រើនមុខទៅកាន់ពិភពលោក ។
លោកបបញ្ជាក់ថា ការចេញទៅនេះគឺលោកជាសិល្បះករកម្ពុជាតំណាងឲ្យសិល្បៈផ្នែកសម័យ ហើយក៏មានសិល្បៈផ្នែកបុរាណជាច្រើនទៅចេញពីកម្ពុជា ដោយប្រមូលផ្តុំគ្នាសម្តែងជាមួយតន្ត្រីករនៅទឹកដីអាមេរិកផងដែរ ។
បើតាមលោក ខេមរៈ សិរីមន្ត លោករំពឹងថា កម្មវិធីមួយនេះនឹងមានការចូលរួមពីបងប្អូនខ្មែរយើងជាច្រើន ដើម្បីគាំទ្រ និងលើកស្ទួយសិល្បៈ វប្បធម៌ អរីយធម៌ខ្មែរ និងផលិតផលខ្មែរយើងទៅកាន់ពិភពលោកឲ្យកាន់តែទូលំទូលាយ ។
ជាការកត់សម្គាល់ នេះមិនមែនជាលើកទីមួយឡើយ ដែលតារាចម្រៀងលំដាប់កំពូលលោក ខេមរៈ សិរីមន្ត បានចេញទៅច្រៀងនៅលើទឹកដីមហាជនអំណាចមួយនេះ ពោលលោកធ្លាប់ដឹកដៃតារាចម្រៀងល្បីទៅច្រៀងរាំនៅទីនោះជាបន្តបន្ទាប់កាលពីពេលកន្លងទៅ តាមការទទូចចង់បានពីបងប្អូនខ្មែរដែលរស់នៅឯនាយសមុទ្រ ។
យ៉ាងណាគេរំពឹងថា ការចេញទៅសម្តែងរបស់លោក ខេមរះ សិរីមន្ត នៅលើទឹកដីសហរដ្ឋអាមេរិកនាពេលនេះនឹងទទួលបានជោគជ័យ បើទោះបីជាមួយរយះនេះលោកបានខកខានមិនបានចេញទៅសម្តែងនៅឯក្រៅប្រទេសក៏ដោយ ៕
ចែករំលែកព័តមាននេះ