ខេត្តព្រះសីហនុ ៖ នៅវេលាម៉ោង០៩:០០នាទី ព្រឹកថ្ងៃទី ១៦ ខែសីហា ឆ្នាំ២០២៤ នាវាចម្បាំងកងទ័ពជើងទឹកឥណ្ឌូនេស៊ីចំនួន ០១គ្រឿង បានចូលសំចតក្នងកំពង់ផែស្វយ័តក្រុងព្រះសីហនុប្រកបដោយសុវត្ថិភាព…
ខេត្តព្រះសីហនុ ៖ នៅវេលាម៉ោង០៩:០០នាទី ព្រឹកថ្ងៃទី ១៦ ខែសីហា ឆ្នាំ២០២៤ នាវាចម្បាំងកងទ័ពជើងទឹកឥណ្ឌូនេស៊ីចំនួន ០១គ្រឿង បានចូលសំចតក្នងកំពង់ផែស្វយ័តក្រុងព្រះសីហនុប្រកបដោយសុវត្ថិភាព ។
យោងតាមឯកសារពីការចូលចតនាវាខាងលើដែលទទួលបានពីលោកនាយរដ្ឋបាលមូលដ្ឋានសមុទ្ររាមបានបញ្ជាក់ឲ្យដឹងថានាវា ឈ្មោះ KRI Bima Suci (ប្រភេទក្តោង)មានបណ្តោយប្រវែង ១១១,២០ម៉ែត្រ និងទទឹងប្រវែង ១៣,៦៥ ម៉ែត្រ ជម្រៅទឹកប្រវែង ៦ ម៉ែត្រ។តាមការគ្រោងទុក
នាវាចូលសំចតចាប់ពីថ្ងៃទី១៦ ដល់ថ្ងៃទី១៩ ខែសីហា ឆ្នាំ២០២៤។នាវិកនៅលើនាវាសរុបចំនួន ២៨១នាក់។
ដឹកនាំដោយលោក វរនាវីទោ Hastaria Dwi prakoso មេបញ្ជាការនាវា។នៅក្នុងឱកាសនៃការចូលចតបានប្រកបដោយសុវត្ថិភាពរួចហើយប្រតិភូនៅលើនាវាត្រូវបានទទួលស្វាគមន៍ដោយ លោកឧត្តមនាវីទោ ម៉ី ឌីណា មេបញ្ជារការមូលដ្ឋានសមុទ្ររាម,នាយនាវីរង,ពលនាវីជាច្រើនរូបផងដែរ។
នៅក្នុងឱកាសនៃការចូលចតតាមការគ្រោងទុកខាងលើនេះប្រតិភូនៅលើនាវាមានគម្រោងដំណើរទស្សនៈកិច្ចនៅមូលដ្ឋានសមុទ្ររាម,ចូលជួបសម្តែងការគួរសមជាមួយលោកអភិបាលខេត្តព្រះសីហនុ,ធ្វើដំណើរទស្សនៈកិច្ចទៅកាន់រាជធានីភ្នំពេញនិងដំណើរកំសាន្តតាមតំបន់ឆ្នេរអូរឈើទាលតំបន់ឆ្នេរកំសាន្តមួយចំនួនទៀតនៅក្នុងក្រុងព្រះសីហនុ ដើម្បីឈ្វេងយល់ពីសក្តារនុពលនៃតំបន់ទេសចរណ៍និងការរីកចំរើននៅក្នុងខេត្តព្រះសីហនុ។
នៅក្នុងឯកសារនៃការចូលចតបានឲ្យដឹងបន្ថែមទៀតថា÷នៅថ្ងៃទី១៨ ខែ សីហា ឆ្នាំ ២០២៤ ស្ថានទូតឥណ្ឌូណេស៊ី ប្រចាំព្រះរាជាណាចក្រកម្ពុជា បានរៀបចំឲ្យប្រតិភូនៅលើធ្វើពិធីដំណើរព្យុះហយាត្រា ដែលរៀបចំឡើងនៅបណ្តោយឆ្នេរអូរត្រេះ,កម្មវិធីបន្តមានពិធីជប់លៀងនៅលើនាវាKRI Bima Suci ក្រោមអធិបតីភាពលោកនាយឧត្តមនាវី ទៀ វិញ អគ្គមេបញ្ជារការងនៃកងយោធពលខេរភូមិន្ទនិងជាមេបញ្ជាការកងទព័ជើងទឹកនិងឯកឧត្តម SanT0DarmoSumato ឯកអគ្គរដ្ឋទូតឥណ្ឌូណេស៊ី ប្រចាំព្រះរាជាណាចក្រកម្ពុជា លុះដល់ថ្ងៃទី១៩ ខែ សីហា ឆ្នាំ ២០២៤ ប្រតិភូនាវាខាងលើធ្វើដំណើរមាតុភូមិនិវត្តន៍៕
ចែករំលែកព័តមាននេះ