ខេត្តស្វាយរៀង ៖ មានករណីគ្រោះថ្នាក់ចរាចរណ៍ ០២កន្លែងផ្សេងគ្នា បណ្តាលឲ្យមនុស្សម្នាក់ស្លាប់ភ្លាមៗនៅនឹងកន្លែង និង០៥នាក់ផ្សេងទៀត របួសធ្ងន់ស្រាលគួរឲ្យរន្ធត់ ។
ករណីទី១ ៖ កើតឡើងនៅវេលាម៉ោង០៩និង០០នាទីយប់ថ្ងៃទី២១ ខែកក្កដា ឆ្នាំ២០២៤ នៅលើកំណាត់ផ្លូវជាតិលេខ១៣ ស្ថិតក្នុង ភូមិគោកស្រម៉ ឃុំសង្កែ ស្រុករំដួល រវាងម៉ូតូជាមួយម៉ូតូ ហើយជនរងគ្រោះម្នាក់ ដួលចូលរថយន្ត កិនចំក្បាលស្លា.ប់ភ្លាមៗ (ក្នុងទិសដៅបញ្ច្រាសគ្នា) និងរបួសធ្ងន់០១នាក់ របួសស្រាល០១នាក់ ។
បើតាមសមត្ថកិច្ច បានឲ្យដឹងថា ជនរងគ្រោះ ទី១. ឈ្មោះ បូ រតនៈ ភេទប្រុស អាយុ២៥ឆ្នាំ រស់នៅភូមិត្រពាំងពោន ឃុំធ្មា ស្រុករំដួល ខេត្តស្វាយរៀង (របួសស្រាល) អ្នករួមដំណើរឈ្មោះ ហែម សោភា ភេទប្រុស អាយុ២៥ឆ្នាំ រស់នៅភូមិស្វាយរលំ ឃុំកំពង់អំពិល ស្រុករំដួល(ស្លាប់) ជិះម៉ូតូម៉ាក ហុងដា C១២៥ ស៊េរីឆ្នាំ ២០២២ ពណ៌ខ្មៅ ស្លាកលេខ ភ្នំពេញ 1O.0966 ។ ភាគីទី២. ឈ្មោះ ឃុន ប៊ុននីចេន ភេទប្រុស អាយុ២០ឆ្នាំ រស់នៅ ភូមិទួលសាលា ឃុំជ្រុងពពេល ស្រុករំដួល បើកបរម៉ូតូម៉ាកហុងដា សេ១២៥ ពណ៌ខ្មៅ ស៊េរីឆ្នាំ ២០២៣ ពាក់ស្លាកលេខ ភ្នំពេញ 1KU.4541 (របួសធ្ងន់) ចំណែកអ្នកបើកបររថយន្ត មិនស្គាល់អត្តសញ្ញាណ បង្កគ្រោះថ្នាក់រួច បើកបររថយន្តគេចខ្លួនពីកន្លែងកើតហេតុ បាត់ស្រម៉ោល ។
បន្ទាប់មកសមត្ថកិច្ច បានហៅរថយន្តសាម៉ុយ ដឹកជនរងគ្រោះទាំង២នាក់ ទៅមន្ទីរពេទ្យស្រុករំដួល ដើម្បីសង្គ្រោះ។ ចំណែកស.ពជនរងគ្រោះ ប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណី ។
សមត្ថកិច្ចសន្និដ្ឋានបឋមថា មូលហេតុ អ្នកបើកបរម៉ូតូឈ្មោះ បូ រតនៈ វ៉ាជែងក្នុងស្ថានភាពគ្រោះថ្នាក់ រួចក៏បុកគ្នាជាមួយម៉ូតូ១គ្រឿងទៀត បណ្តាលឲ្យដួលចូលរថយន្តកិនស្លា.ប់អ្នករួមដំណើរ ។
បច្ចុប្បន្ន មធ្យោបាយធ្វើដំណើររក្សាទុកនៅអធិការដ្ឋាននគរបាលស្រុករំដួល ដើម្បីដោះស្រាយតាមនីតិវិធី ។
ករណីទី២ ៖ កើតឡើងនៅវេលាម៉ោង០៩និង១០នាទីយប់ថ្ងៃទី២១ ខែកក្កដា ឆ្នាំ២០២៤ នៅលើកំណាត់ផ្លូវជាតិលេខ១ ត្រង់ចំណុចច្រមុះជ្រូក រូបគោ២ ស្ថិតនៅភូមិថ្មី សង្កាត់សង្ឃរ័ ក្រុងស្វាយរៀង រវាងម៉ូតូនិងម៉ូតូ បណ្តាលឲ្យរងស្ត្រីម្នាក់របួសធ្ងន់ និងបុរសម្នាក់របួសស្រាល ត្រូវសមត្ថកិច្ចបញ្ជូនទៅសង្គ្រោះនៅមន្ទីរពេទ្យខេត្តស្វាយរៀង ។ មធ្យោបាយ សមត្ថកិច្ចយកទៅរក្សាទុកនៅអធិការក្រុងស្វាយរៀង រង់ចាំដោះស្រាយតាមនីតិវិធី ។ មូលហេតុបើកបរខ្វះការប្រុងប្រយត្ន័ (ម៉ូតូ១គ្រឿងបត់ឆ្វេង)
ចែករំលែកព័តមាននេះ