ប្រិយមិត្តទូរទស្សនិជនអាចនឹងធ្លាប់បានស្តាប់ហើយនៅបទចម្រៀងមួយបទក្រោមចំណងជើងថា«លលកវាយំ» ដែលជាការបកស្រាយដោយអ្នកនាង សូ សាវឿន ដោយតាមរយៈបទមួយនេះពិតជាទទួលបានការគាំទ្រខ្លាំងរហូតតារាចម្រៀងជំនាន់ក្រោយលើកយកមក Cover ជាហូរហែ ។ តែអ្វីដែលគួរឱ្យរន្ធត់នោះ គឺលោក…
ប្រិយមិត្តទូរទស្សនិជនអាចនឹងធ្លាប់បានស្តាប់ហើយនៅបទចម្រៀងមួយបទក្រោមចំណងជើងថា«លលកវាយំ» ដែលជាការបកស្រាយដោយអ្នកនាង សូ សាវឿន ដោយតាមរយៈបទមួយនេះពិតជាទទួលបានការគាំទ្រខ្លាំងរហូតតារាចម្រៀងជំនាន់ក្រោយលើកយកមក Cover ជាហូរហែ ។
តែអ្វីដែលគួរឱ្យរន្ធត់នោះ គឺលោក វ៉ែន សុន កវីនិពន្ធដ៏ល្បីល្បាញមួយរូបដែលបាននិពន្ធបទចម្រៀងពេញនិយមមួយនេះបានទទួលមរណភាព ក្នុងអាយុ៨៤ឆ្នាំ ដោយជរាពាធ នាថ្ងៃទី២៨ ខែតុលា ។ នេះបើតាមសារលិខិតរំលែកមរណទុក្ខពីសំណាក់សមាគមអ្នកនិពន្ធខ្មែរ ។ ដែលនេះចាត់ទុកជាដំណឹងដ៏សោកសៅមួយសម្រាប់អ្នកគាំទ្រផងដែរ ។
កវីនិពន្ធទំនុកច្រៀងលោក ព្រឹទ្ធាចារ្យ វ៉ែន សុន ដែលមានឈ្មោះពិតថា រិត សុន្ទសារី លោកបានបានទទួលមរណភាព ក្នុងអាយុ៨៦ឆ្នាំ ដោយជរាពាធ នាថ្ងៃទី២៨ ខែតុលា ឆ្នាំ២០២៤ ។
បើតាមការបង្ហោះសារលិខិតរំលែកមរណទុក្ខពីសំណាក់សមាគមអ្នកនិពន្ធខ្មែរថា«សារលិខិតរំលែកមរណទុក្ខជូនចំពោះក្រុមគ្រួសារ គរុវិជ្ជាចារ្យកវីនិពន្ធ វ៉ែន សុន យើងខ្ញុំទាំងអស់គ្នាជាថ្នាក់ដឹកនាំ សមាជិក សមាគមអ្នកនិពន្ធខ្មែរ សូមចូលរួមរំលែកមរណទុក្ខយ៉ាងក្រៀមក្រំបំផុតចំពោះមរណភាពរបស់គរុវិជ្ជាចារ្យកវីនិពន្ធ ប៉ែន សុន ជាគរុវិជ្ជាចារ្យ កវីនិពន្ធ កវីនិពន្ធជាតិ សមាជិកក្រុមប្រឹក្សាភិបាលសមាគមអ្នកនិពន្ធខ្មែរ និងជាកវីនិពន្ធឆ្នើមពានរង្វាន់អាស៊ីអាគ្នេយ៍ (S.E.A. Writer Award, 2019) ដែលទទួលមរណភាព នៅថ្ងៃទី២៨ ខែតុលា ឆ្នាំ២០២៤ ក្នុងជន្មាយុ៨៦ឆ្នាំ ដោយជរាពាធ សូមដួងវិញ្ញាណក្ខន្ធគរុវិជ្ជាចារ្យកវីនិពន្ធ វ៉ែន សុន បានទៅដល់ឋានបរមសុខកុំបីឃ្លៀងឃ្លាតឡើយ» ។
កវីនិពន្ធ វ៉ែន សុន ដែលសល់ពីសង្គមចាស់សម័យសង្គមរាស្ត្រនិយមដោយលោកបានបន្សល់ស្នាដៃជាច្រើនដូចជា អត្ថបទកំណាព្យ មានរឿងប្រលោមលោកវែង និងប្រលោមលោកខ្លីៗទៅតាមប្រធានបទនីមួយៗ ។ ក្នុងនេះដែរក្នុងចំណោមកូនទាំង៨នាក់របស់គាត់មិនទាន់ឃើញមានកូនប្រុសស្រីណាម្នាក់ចាប់យកអាជីពជាកវីនិពន្ធ បន្តពីលោកនៅឡើយទេ ។
គួរបញ្ជាក់ដែរថា កាលពីលោកកវីនិពន្ធ វ៉ែន សុន នៅមានជីវិតលោកថា ពិតជាឈឺចាប់ណាស់ចំពោះការមិនគោរពសិទ្ធអ្នកនិពន្ធដូចជាបទ«លលកវាយំ» ដែលយកទៅប្តូរចំណងថា«លលកស្រីយំ» ជាដើមនោះ ៕ ដោយ៖លីហួ គីមឆាយ
ចែករំលែកព័តមាននេះ