វិស័យសំណង់អាចកម្រើកឡើងវិញ ស្របពេលដែលស្ថិតិនៃការនាំចូលដែក និងដែកថែបនៅឆមាសទី១ ដើមឆ្នាំកើនឡើង រហូតដល់៥៤,២ភាគរយ ។ ស្ថិតិដែលប្រកាសដោយអគ្គនាយកដ្ឋានគយ និងរដ្ឋាករ កាលពីពេលថ្មីៗនេះបានឲ្យដឹងថា នៅឆមាសទី១…
វិស័យសំណង់អាចកម្រើកឡើងវិញ ស្របពេលដែលស្ថិតិនៃការនាំចូលដែក និងដែកថែបនៅឆមាសទី១ ដើមឆ្នាំកើនឡើង រហូតដល់៥៤,២ភាគរយ ។
ស្ថិតិដែលប្រកាសដោយអគ្គនាយកដ្ឋានគយ និងរដ្ឋាករ កាលពីពេលថ្មីៗនេះបានឲ្យដឹងថា នៅឆមាសទី១ ដើមឆ្នាំ២០២៤ នេះការនាំចូលដែក និងដែកថែបមានតម្លៃសរុប ប្រមាណជា ២៩៦,៤ លានដុល្លារ កើនឡើងធៀបនឹងតម្លៃ១៩២,២ លានដុល្លារកាលពីរយៈពេលដដែលនៅក្នុងឆ្នាំ២០២៣ ។
ស្ថិតិនៃកំណើននេះ គឺខ្ពស់ បើប្រៀបធៀបការនាំចូលដែកនៅឆមាសទីមួយ នៃឆ្នាំ២០២៣ និងឆមាសទី១ ដើមឆ្នាំ២០២២ ។ ស្ថិតិរបស់អគ្គនាយកដ្ឋានគយ និងរដ្ឋាករកម្ពុជាបង្ហាញថា ចាប់ពីខែមករា-ខែមិថុនា ឆ្នាំ ២០២៣ ទឹកប្រាក់ដែលកម្ពុជាបញ្ចេញលើការនាំចូលដែក និងដែកថែប មានចំនួន ១៩២,២៨ លានដុល្លារ កើនឡើងតែ៣,៥ ភាគរយប៉ុណ្ណោះ បើធៀបទៅនឹងរយៈពេលដូចគ្នាឆ្នាំ ២០២២ ដែលមាន ១៨៥,៧លានដុល្លារ ៕
ចែករំលែកព័តមាននេះ