ខេត្តតាកែវ ៖ ដូចការគ្រោងទុកមែន នៅរសៀលថ្ងៃទី១៥ ខែកក្កដា ឆ្នាំ២០២៤នេះ មានបងប្អូនប្រជាពលរដ្ឋ ក្នុងភូមិព្រៃស្នួលប្រមាណ៧០ភាគរយ នៃចំនួនអ្នករស់នៅក្នុងភូមិពិតប្រាកដ បាននាំគ្នាផ្តិតមេដៃ…
ខេត្តតាកែវ ៖ ដូចការគ្រោងទុកមែន នៅរសៀលថ្ងៃទី១៥ ខែកក្កដា ឆ្នាំ២០២៤នេះ មានបងប្អូនប្រជាពលរដ្ឋ ក្នុងភូមិព្រៃស្នួលប្រមាណ៧០ភាគរយ នៃចំនួនអ្នករស់នៅក្នុងភូមិពិតប្រាកដ បាននាំគ្នាផ្តិតមេដៃ ស្នើសុំផ្លាស់ប្តូរមេភូមិចេញ និងស្នើសុំឲ្យបិទការដ្ឋានជីកដីអូប្រឡាយរួមរបស់អ្នកស្រុកលក់ ដែលបង្កការក្តៅក្រហាយដល់បងប្អូនប្រជាពលរដ្ឋ ។
ប្រជាពលរដ្ឋ លើកឡើងថា ក្រុមអ្នកកាងឡានដឹកដី ដែលជាអ្នកកាសែតអនឡាញមួយរូបឈ្មោះ សែន ឧត្តម និងអ្នកកាសែតមួយក្រុមផ្សេងទៀត បានប្រមាថមើលងាយអ្នកភូមិម្ចាស់ស្រុក នូវពាក្យអសុរោះ ធ្ងន់ធ្ងរណាស់ ក្នុងគោលបំណងគំរាមកំហែងមិនឲ្យបងប្អូនងើបមុខតវ៉ាជាមួយពួកគេឡើយ ដោយជ្រកក្រោមផ្លាកអភិវឌ្ឍន៍ ។ ផ្តើមចេញពីបញ្ហានេះ ទើបបងប្អូននាំគ្នាផ្តិតមេដៃ សុំឲ្យបិទការដ្ឋាន ជីកដីដឹកលក់ និងស្នើសុំឲ្យទម្លាក់លោក ម៉ឹង សន ចេញពីដំណែងមេភូមិ ដោយសារលោក ម៉ឹង សន បើកដៃរកស៊ីជាមួយក្រុមឈ្នួញ ដោយយកក្រុមអ្នកកាសែតកាងពីក្រោយ ៕
ចែករំលែកព័តមាននេះ