រន្ធ.ត់ណាស់! ម្ចាស់ចម្ការជីកដីប៉ះគ្រាប់ ផ្ទុះលាន់ផ្អើលភូមិ
- ត្បូងឃ្មុំ
ខេត្តត្បូងឃ្មុំ ៖ បុរសចំណាស់ជាម្ចាស់ចម្ការម្នាក់បានស្លា.ប់ ដោយបំណែកខ្លួនប្រាណប៉ើងរប៉ាត់រប៉ាយ
ខេត្តត្បូងឃ្មុំ ៖ បុរសចំណាស់ជាម្ចាស់ចម្ការម្នាក់បានស្លា.ប់ ដោយបំណែកខ្លួនប្រាណប៉ើងរប៉ាត់រប៉ាយ
ខេត្តត្បូងឃ្មុំ ៖ បុរសចំណាស់ជាម្ចាស់ចម្ការម្នាក់បានស្លា.ប់ ដោយបំណែកខ្លួនប្រាណប៉ើងរប៉ាត់រប៉ាយមើលសពលែងស្គាល់ បន្ទាប់ពីជនរងគ្រោះជិះដីប៉ះគ្រាប់ បណ្តាលឱ្យផ្ទុះលាន់យ៉ាងទ្រឹង នៅចំណុចចំការឬសី្សពីងពង់ អូតាលី ស្ថិតក្នុងភូមិត្រពាំងរំសែង ឃុំត្រពាំងផ្លុង ស្រុកពញាក្រែក ជាប់ព្រំដែនប្រទេសវៀតណាម បង្កការភ្ញាក់ផ្អើលកាលពីវេលាម៉ោង១១និង៥៨នាទីព្រឹកថ្ងៃទី១ កក្កដា ឆ្នាំ ២០២៤ ។ ហើយគ្រាប់ដែលផ្ទុះនេះគឺជាប្រភេទគ្រាប់ដែលបន្សល់ទុកតាំងពីសម័យសង្គ្រាម ។
សមត្ថកិច្ចមូលដ្ឋានប្រាប់ឲ្យដឹងកាលពីរសៀលថ្ងៃទី៣ កក្កដា ម្សិលមិញនេះថា បុរសចំណាស់ជាម្ចាស់ចំការដែលស្លា.ប់ដោយផ្ទុះគ្រាប់ខាងលើនោះឈ្មោះឡេង ឋាន អាយុ៦៧ឆ្នាំ រស់នៅភូមិឃុំកើតហេតុខាងលើ។ ក្រោយឮសំឡេងផ្ទុះ បានធ្វើឱ្យកូនចៅរបស់ជនរងគ្រោះ ដែលកំពុងធ្វើចម្ការនៅមិនឆ្ងាយពីកន្លែងកើតហេតុនោះភ្ញាក់ផ្អើល រួមទាំងបងប្អូនប្រជាកសិករផ្សេងទៀតផងដែរ ប៉ុន្តែភ្លាមៗនោះមិនមាននរណាម្នាក់ហ៊ានចូលទៅកន្លែងផ្ទុះគ្រាប់នោះឡើយ។
សមត្ថកិច្ចមូលដ្ឋានប្រាប់បន្តឲ្យដឹងទៀតថា ដីចម្ការខាងលើនេះ ត្រូវបានជនរងគ្រោះជាម្ចាស់ចម្ការបង្កបង្កើនផលតាំងពីក្នុងអំឡុងឆ្នាំ១៩៨០-១៩៨១ បន្តរហូតមកដល់សព្វថ្ងៃនេះ មិនមានបញ្ហាណាមួយកើតឡើងនោះទេ ។ ស្រាប់តែនៅវេលាម៉ោង១១និង៥៨នាទីព្រឹកថ្ងៃទី០១កក្កដា ឆ្នាំ ២០២៤ ខណៈជនរងគ្រោះជាម្ចាស់ចម្ការរូបនោះបានជីកដី ដើម្បីដាំបង្គោលព្រំរបងការពារកុំឲ្យសត្វគោចូលស៊ីផលដំណាំ ខណៈពេលដែលកំពុងតែជីកដីនោះក៏ប៉ះគ្រាប់ បណ្តាលឱ្យផ្ទុះលាន់ភូមិតែម្ដង។
សូមបញ្ជាក់ថា នៅចំណុចទីតាំងផ្ទុះគ្រាប់ខាងលើនេះ ធ្លាប់មានប្រជាពលរដ្ឋរងគ្រោះប៉ុន្មាននាក់មកហើយតាំងពីក្រោយឆ្នាំ១៩៧៩ គឺខានផ្ទុះរយៈពេលជាង៣០ឆ្នាំ ទើបតែផ្ទុះនៅលើកនេះទេ។
សមាជិកក្រុមគ្រួសារអ្នករងគ្រោះមិនមាននរណាម្នាក់ហ៊ានចូលទៅយកសពនោះទេ ព្រោះខ្លាចគ្រាប់ផ្សេងទៀតផ្ទុះឡើង។ បន្ទាប់មកលោកវរសេនីយ៍ឯកថាញ់ សុវ៉ាត អធិការនគរបាលស្រុកពញាក្រែក បានទាក់ទងទៅលោកឧត្តមសេនីយ៍ស្នងការនគរបាលខេត្ត ដោយមានការស្នើសុំពីកម្លាំងស៊ីម៉ាក
ឱ្យចុះមករាវរកគ្រាប់នារសៀលថ្ងៃកើតហេតុដែរ តែមិនប្រទះឃើញគ្រាប់ផ្សេងទៀតនោះទេ ។ ទើបអនុញ្ញាតឱ្យក្រុមសាច់ញាតិដើរប្រមូលយកបំណែកសាកសពបានប្រមាណ១កញ្ចប់យកមកផ្ទះដើម្បីធ្វើបុណ្យតាមប្រពៃណី ។
ទាក់ទិននឹងករណីខាងលើនេះដែរ សមត្ថកិច្ចមូលដ្ឋាននិងជំនាញស៊ីម៉ាក សូមអំពាវនាវដល់បងប្អូនប្រជាពលរដ្ឋរស់នៅក្នុងទឹកដីខេត្តត្បូងឃ្មុំ បើប្រទះឃើញគ្រាប់មិនទាន់ផ្ទុះ សូមប្រញាប់រាយការណ៍ជូនអាជ្ញាធរមូលដ្ឋានចៀសវាងកុំប៉ះគ្រាប់នោះ អាចបណ្ដាលឲ្យផ្ទុះប៉ះពាល់ដល់អាយុជីវិត។
នៅលើទឹកដីខេត្តត្បូងឃ្មុំមួយរយៈចុងក្រោយនេះ ក្រៅពីប្រភេទគ្រាប់ដែលផ្ទុះនេះ គឺមានគ្រាប់ប្រភេទMK82 ទម្លាក់ពីលើយន្តហោះក្នុងសម័យសង្គ្រាម ត្រូវបានជំនាញស៊ីម៉ាក់ រកឃើញនិងយកទៅបន្សាប ដើម្បីចៀសវាងកុំឱ្យគ្រោះថ្នាក់ដល់ប្រជាពលរដ្ឋ ៕
ចែករំលែកព័តមាននេះ