ប្រាសាទអង្គរវត្ត ត្រូវបានចាត់ទុកថា ជាគោលដៅទេសចរណ៍ដ៏ល្បីល្បាញបំផុតលំដាប់ទី១២ក្នុងចំណោមគោលដៅជាច្រើនក្នុងពិភពលោក ។ នេះបើយោងតាមការជ្រើសរើសដោយ TripAdviser. ក្រសួងទេសចរណ៍កម្ពុជាបានសរសេរនៅតាមហ្វេសប៊ុករបស់ខ្លួននៅថ្ងៃទី២៧ ខែមិថុនា ថា «អបអរសាទរប្រាសាទអង្គរវត្តជាប់ចំណាត់ថ្នាក់ជាគោលដៅទាក់ទាញទេសចរណ៍ល្អបំផុត លំដាប់ទី១២ លើពិភពលោកដោយ TripAdvisor’s Traveler Choice Awards. » ។
ប្រាសាទបុរាណរបស់កម្ពុជាបានធ្វើឱ្យអ្នកធ្វើដំណើរមកពីជុំវិញពិភពលោក មានការភ្ញាក់ផ្អើលចំពោះស្ថាបត្យកម្មដ៏អស្ចារ្យ ចម្លាក់ដ៏ប្រណីត និងប្រវត្តិសាស្ត្រដ៏សម្បូរបែប ។ ប្រាសាទអង្គរវត្ត គឺសម្បត្តិដ៏មានតម្លៃបំផុតដែលជួយធ្វើអោយប្រទេសកម្ពុជាទាក់ទាញទេសចរណ៍បរទេសជាច្រើនលាននាក់មកលេងប្រទេសកម្ពុជា ហើយប្រាសាទនេះក៏ជួយដល់កំណើនសេដ្ឋកិច្ចរបស់កម្ពុជា តាមរយ:វិស័យទេសចរណ៍ ។
គួរបញ្ជាក់ផងដែរ គោលដៅទេសចរណ៍ទាក់ទាញបំផុតចំនួន៥ រួមមាន៖ អគារ Empire State របស់អាមេរិក តួអេហ្វែលរបស់បារាំង វិមាន Anne Frank House ព្រះវិហារ Basilica De La Sagrada Famalia និង ល្អាង Cayman Crystal Caves។
ចែករំលែកព័តមាននេះ