រាជធានីភ្នំពេញ ៖ ខ្ចីម៉ូតូរបស់មិត្តភក្ដិទៅឌុបមិត្តភក្ដិម្នាក់ទៀត លុះជិះត្រឡប់មកវិញ ក៏ស្រាប់តែមានក្រុមជនស៊ីវិញ និងមានឯកសណ្ឋាន ដេញតាមឃាត់ពួកគេ ហើយចោទថា ពាក់ព័ន្ធគ្រឿងញៀ.ន និងបានយកម៉ូតូម៉ាកហុងដាឌ្រីម…
រាជធានីភ្នំពេញ ៖ ខ្ចីម៉ូតូរបស់មិត្តភក្ដិទៅឌុបមិត្តភក្ដិម្នាក់ទៀត លុះជិះត្រឡប់មកវិញ ក៏ស្រាប់តែមានក្រុមជនស៊ីវិញ និងមានឯកសណ្ឋាន ដេញតាមឃាត់ពួកគេ ហើយចោទថា ពាក់ព័ន្ធគ្រឿងញៀ.ន និងបានយកម៉ូតូម៉ាកហុងដាឌ្រីម សេរីឆ្នាំ២០២៤ មួយគ្រឿងយកទៅបាត់ បង្កអោយការភ្ញាក់ផ្អើល កាលពីវេលាម៉ោង១រំលងអធ្រាត្រ ឈានចូលថ្ងៃទី១១ ខែមិថុនា ឆ្នាំ២០២៤ ចំណុចម្តុំប្រឡាយទឹកស្អុយ ស្ពានអាកាសស្ទឹងមានជ័យ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ។
យុវជនទាំង២នាក់មិនបានអោយស្គាល់អត្តសញ្ញាណនោះទេ គ្រាន់តែដឹងថា ម៉ូតូដែលគេយកទៅ ម៉ាកហុងដាឌ្រីម សេរីឆ្នាំ២០២៤ ពណ៌ខ្មៅ ពាក់ស្លាកលេខ ភ្នំពេញ 1KS 1325 ។
តាមសម្តីរបស់យុវជនរងគ្រោះបានអោយដឹងថា មុនពេលកើតហេតុ ពួកគេបានខ្ចីម៉ូតូហុងដាឌ្រីម សេរីឆ្នាំ២០២៤ ពណ៌ខ្មៅរបស់មិត្តភក្ដិម្នាក់ជាម្ចាស់ម៉ូតូ ហើយគោលបំណងទៅឌុបមិត្តភក្ដិម្នាក់ទៀត នៅម្តុំមាត់ប្រឡាយម្ខាងទៀត ដែលនៅក្បែរនោះដែរទេ។
ប្រភពដដែលបានបន្តទៀតថា លុះពេលឌុបមិត្តភក្ដិម្នាក់មកពួកគេគ្នា២នាក់បានជិះម៉ូតូត្រឡប់មកវិញ ដល់ចំណុចផ្លូវកោងស្ពានអាកាសស្ទឹងមានជ័យ ក៏ស្រាប់តែមានក្រុមស៊ីវិលមួយក្រុមមានគ្នីគ្នាជាច្រើនអ្នកជិះម៉ូតូ និងរថយន្តលុចស៊ីស RX330 ពណ៌ស អត់មានស្លាកលេខជិះដេញតាមកាក់ ឃាត់ម៉ូតូពួកគេ ហើយចោទថា ពួកគេពាក់ព័ន្ធករណីគ្រឿងញៀ.ន ពេលនោះពួកគេភិតភ័យក៏បាននាំរត់គ្នាចូលក្នុងភូមិក្បែរកន្លែងកើតហេតុ ហើយក៏ស្រាប់តែក្រុមជនស៊ីវិល រួមទាំងឯកសណ្ឋាន បានយកម៉ូតូរបស់ពួកគេនាំគ្នាប្រញាប់ប្រញាល់ជិះចេញទៅបាត់អស់ទៅ។
ទោះជាយ៉ាងណាក៏ដោយ ក្នុងករណីនេះដែរ បន្តិចក្រោយមកក៏មានកម្លាំងសមត្ថកិច្ចអន្តរាគមន៍ពិសេសខណ្ឌមានជ័យជាកម្លាំងប៉ុស្តិ៍នគរបាលមូលដ្ឋានបានចុះទៅកន្លែងកើតហេតុ ដើម្បីសួរនាំរួចហើយ បាននាំជនរងគ្រោះជាម្ចាស់ម៉ូតូទៅប៉ុស្តិ៍នគរបាលរដ្ឋបាលស្ទឹងមានជ័យទី២ ដើម្បីសួរនាំបន្ត និងដាក់ពាក្យបណ្ដឹងផងដែរ ៕
ចែករំលែកព័តមាននេះ