ADផ្ទាំងផ្សព្វផ្សាយពាណិជ្ជកម្ម

Picture

រឿ​ន ណាត និង លាវ វេ​ង​ហួរ សារភាព​ហើយ កំពុង​សាង​ស្នេហ៍​ក្រៅ​ឆាក​ជាមួយ​គ្នា

1 អាទិត្យ មុន
  • ភ្នំពេញ

រាជធានីភ្នំពេញ ៖ តារា​សម្តែង រឿ​ន ណាត និង​តារា​ប្រុស​លោក លាវ វេ​ង​ហួរ បាន​សារភាព​ចំ​ៗ​ថា អ្នក​ទាំង​ពីរ​កំពុង​សាង​ស្នេហ៍​ក្រៅ​ឆាក​ជាមួយ​គ្នា​យ៉ាង​ពិតប្រាកដ…

រាជធានីភ្នំពេញ ៖ តារា​សម្តែង រឿ​ន ណាត និង​តារា​ប្រុស​លោក លាវ វេ​ង​ហួរ បាន​សារភាព​ចំ​ៗ​ថា អ្នក​ទាំង​ពីរ​កំពុង​សាង​ស្នេហ៍​ក្រៅ​ឆាក​ជាមួយ​គ្នា​យ៉ាង​ពិតប្រាកដ បន្ទាប់​ពី​អ្នក​ទាំង​ពីរ​បាន​បង្ហាញ
​ទ​ង្វើ​ស្និទ្ធ​ស្នាល​ជាមួយ​គ្នា​ជា​បន្តបន្ទាប់​នៅ​លើ​បណ្តាញ​សង្គម​ ក្នុង​រយៈ​ពេល​ចុង​ក្រោយ​នេះ ។

កន្លង​មក​ មហាជន ជា​ពិសេស​បណ្តា​អ្នកលេង​បណ្តាញ​សង្គម​បាន​ដាក់​ការ​សង្ស័យ​ថា តារា​សម្តែង​ទាំង​ពីរ​អាច​នឹង​កំពុង​កសាង​ទំនាក់ទំនង​ស្នេហ៍​ជាមួយ​គ្នា ក្រោយ​គេ​បានឃើញ​សកម្មភាព​ស្និទ្ធ​ស្នាល​អំឡុង​ពេល​អ្នក​ទាំង​ពីរ​បាន​ចេញ​ទៅ​ដើរ​លេង​កំសាន្ត​ទាំង​ក្នុង​និង​ក្រៅប្រទេស ។

ចំណង​ស្នេហ៍​របស់​ពួក​គេ​ហាក់​មិន​បាន​លាក់លៀម​ពី​ភ្នែក​មហាជន​ឡើយ ពោល​ស្នេហា​របស់​ពួក​គេ​បាន​បើកចំហរ​ជា​សាធារណៈ ដោយ​មិន​ខ្វល់​ពី​ភ្នែក​មហាជន​ដែល​គិត​មក​រូបគេ​បែប​ណា​នោះ​ឡើយ ក្នុង​ពេល​ដែល​ពួក​គេ​កំពុង​ដើរ​នៅ​លើ​ផ្លូវ​សិ​ល្បះ​ដូច​គ្នា​ក៏​ដោយ ។

យ៉ាងណា នៅ​ទៅ​បំផុត​ទាំង រឿ​ន ណាត និង លាវ វេ​ង​ហួរ ក៏​បាន​ចេញ​សារភាព​ដោយ​មិន​លាក់​លៀម​ថា អ្នក​ទាំង​ពីរ​ពិតជា​កំពុង​កសាង​ទំនាក់ទំនង​ស្នេហា​ជាមួយ​គ្នា​ពិតប្រាកដ​មែន ខ​ណៈ​ពេល​ដែល​ទំនាក់ទំនង​មួយ​កាន់តែ​ល្អ​ប្រសើរ​ទៅ​មុខ​ផង​ដែរ ។


ក្នុង​បទ​សម្ភាសន៍​តាម​រយៈ​កម្មវិធី​នៅ​ស្ថានីយទូរទស្សន៍​ក្នុងស្រុក​មួយ អតីត កញ្ញាឯក Miss Universe Cambodia 2018 រឿ​ន ណាត បាន​អះអាង​ថា នាង​បាន​ចាប់អារម្មណ៍​ទៅ​លើ​លោក លាវ វេ​ង​ហួរ ក្នុង​ពេល​ដែល​នាង​បាន​ចាប់​ដៃគូ​ថត​រឿង​ជា​លើក​ដំបូង​ជាមួយ​គ្នា ។

នាង​បញ្ជាក់​ថា ស្នាមញញឹម និង​ភាព​រីករាយ​របស់ លាវ វេ​ង​ហួរ គឺជា​មាន​ទាក់ទាញ និង​ចាប់ អារម្មណ៍​សម្រាប់​រូប​នាង ហើយ​អ្នក​ទាំង​ពីរ​កាន់តែ​យល់ចិត្ត​គ្នា​កាន់តែ​ខ្លាំង ក្នុង​ពេល​ដែល​ចាប់​ដៃគូ​សម្តែង​ជា​ប្តី​ប្រពន្ធ​នឹង​គ្នា ។

នាង​ថា ដំបូង​ឡើយ ​នាង​បាន​ស្នើ​សុំ​ទៅ​កាន់​អ្នកដឹកនាំ​រឿង ដើម្បី​ចង់​ដឹង​តួ​ប្រុស​ដែល​ត្រូវ​សម្តែង​ជាមួយ​នាង​ក្នុង​រឿង​ថ្មី ហើយ​ពេល​នោះ​អ្នកដឹកនាំ​ក៏​បាន​ឲ្យ​រូបថត​លោក លាវ វេ​ង​ហួរ ឲ្យ​នាង​មើល ពេល​នោះ​នាង​ក៏​យល់ព្រម​ថត ដើម្បី​សាកល្បង​សម្តែង​ជាមួយ​តួ​ថ្មី ខ​ណៈ​ពេល​ដែល​នាង​ក៏​ខកខាន​ពី​ការ​ថត​នេះ​យូរហើយ​ដែរ ។

នាង​បន្ថែម​ថា ក្រោយ​ពេល​ចាប់ផ្តើម​ថត​ជាមួយ​គ្នា​នាង និង​លោក លា​វ វេ​ង​ហួរ តែងតែ​ជួប​គ្នា និង​ចាប់ផ្តើម​បង្កើន​ទំនាក់ទំនង​ជាមួយ​គ្នា​ច្រើន ក្នុង​ន័យ​ឲ្យ​កាន់តែ​មានការ​យល់ចិត្ត​គ្នា​ងាយស្រួល​សម្រាប់​ការ​សម្តែង​រឿង​ថ្មី​ៗ​នេះ ។

នាង​បញ្ជាក់​ថា ការ​បង្កើន​ទំនាក់ទំនង​នេះ​បាន​ធ្វើ​ឲ្យ​កាន់តែ​មានការ​ចាប់អារម្មណ៍​មក​លើ​លោក លី វេ​ង​ហួរ រហូត​ធ្វើ​ឲ្យ​នាង​មានចិត្ត​មក​លើ​តារា​សម្តែង​ប្រុស​រូប​នេះ​ទាំង​មិនដឹង​ខ្លួន​ថែម​ទៀត​ផង ។
ដោយឡែក ​សម្រាប់​តារា​សម្តែង​ប្រុស​រូប​សង្សារលោក លាវ វេ​ង​ហួរ វិញ​ក៏​បាន​លើក​ឡើង​ថា ដំបូង​ឡើយ​លោក​ក៏​មិន​បាន​គិត​ទៅ​ដល់​ទេ​ថា ស្នេហា​រវាង​លោក និង រឿ​ន​ណាត អាច​កើតឡើង​បាន​នា​ពេល​នេះ ។

លោក​បញ្ជាក់​ថា លោក​មិន​ដែល​ហ៊ាន​គិតដល់​រឿង​ស្នេហា​ឡើយ ដោយសារ រឿ​ន ណាត ជាតា​រា​ស្រី​ស្រស់​ស្អាត និង​មាន​ភាព​ល្បីល្បាញ ចំណែក​លោក​គ្រាន់តែ​ជាតា​រា​ថ្មី​ម្នាក់​ប៉ុណ្ណោះ ដោយ​មិន​ដែល​គិតដល់​រឿង​មាន​ស្នេហា​ជាមួយ​គ្នា​ឡើយ ។

លោក​បន្ថែម​ថា ប៉ុន្តែ​លុះ​ក្រោយមក​មាន​ចំណុច​មួយ​ដែល​លោក​មានការ​ចាប់អារម្មណ៍​ខ្លាំង ដោយ​ឃើញ រឿ​ន ណាត បង្ហោះ​សំ​ណេ​រ (Status)​លើ​បណ្តាញ​សង្គម​ដោយ​លើក​ឡើង​ថា ជួប​ហេតុ ឃើញ​ភ្លេ​ត​ស្រឡាញ់​ភ្លាម ដែល​ចំណុច​បាន​ធ្វើ​ឲ្យ​លោក​ដាក់​ជា​ច​ម្ង​ល់ និង​សង្ស័យ​ថា រឿ​ន ណាត ចង់​សំដៅ​មក​លើ​រូប​លោក​ឬ​យ៉ាងណា ។

លោក លាវ វេ​ង​ហួរ បាន​លើក​ឡើង​បន្ថែម​ថា ចាប់ពី​ពេល​នោះ​មក​​ លោក​ក៏​បាន​ព្យាយាម​ធ្វើ​អ្វី​ៗ​ក្នុង​ន័យ​បញ្ជាក់​ពី​ការ​ស្រឡាញ់​មក​លើ រឿ​ន ណាត ជា​ពិសេស​ គឺ​ការ​ណាត់ជួប​គ្នា​ជូន​ផ្កា​នៅ​ថ្ងៃ​បុណ្យ​នៃ​ក្តី​ស្រឡាញ់ និង​ការ​ហ៊ាន​និយាយ​ប្រាប់​មិត្តភក្តិ​របស់​ខ្លួន​ថា រឿ​ន ណាត ជា​សង្សារ​ផង​
ដែរ ។

យ៉ាងណា​ទាំង រឿ​ន ណាត និង​លោក លាវ វេ​ង​ហួរ បាន​សារភាព​ថា អ្នក​ទាំង​ពីរ​ពិតជា​បាន​ចាប់​ស្រឡាញ់​គ្នា​យ៉ាង​ពិតប្រាកដ​មែន ហើយ​ចំណង​ស្នេហ៍​របស់​ពួក​គេ​នា​ពេល​នេះ​គឺ​ទើបតែ​ចាប់ផ្តើម​ប៉ុណ្ណោះ ប៉ុន្តែ​អ្នក​ទាំង​ពីរ​បាន​យល់ចិត្ត​គ្នា​ច្រើន ។

ទោះជា​យ៉ាងណា​មហាជន ជា​ពិសេស ​បណ្តា​អ្នកគាំទ្រ​បាន​សម្តែង​ការ​អបអរសាទរ​ចំពោះ​ចំណងស្នេហា​របស់​អ្នក​ទាំង​ពីរ​នា​ពេល​នេះ ហើយ​គេ​រំពឹង​ថា ចំណងស្នេហា​របស់​ពួក​គេ​នឹង​កាន់តែ​ល្អ​ប្រសើរ​យូរអង្វែង​ទៅ​មុខ ៕​

អត្ថបទសរសេរ ដោយ