ខេត្តកំពង់ស្ពឺ ៖ ល្បែងស៊ីសងគ្រប់ប្រភេទដែលបើកលេងនៅក្នុងស្រុកភ្នំស្រួចយ៉ាងរលូនអាជ្ញាធរ និង សមត្ថកិច្ច ហាក់គ្មានអើពើបង្ក្រាបទាល់តែសោះ ។ ការមិនបង្ក្រាបនេះទំនងជាខ្លាចអំណាចមេល្បែងឈ្មោះប្រុសដែលជាមន្ត្រីយោធានៅមជ្ឈមណ្ឌលអភិវឌ្ឈន៍ចម្ការចេកហើយមើលទៅ ឬមួយក៏ពាក់ព័ន្ធបានសើមមាត់សើម.កខ្លះដែរទើបម្នាក់ៗសំងំឈឹងបែបនេះ ។…
ខេត្តកំពង់ស្ពឺ ៖ ល្បែងស៊ីសងគ្រប់ប្រភេទដែលបើកលេងនៅក្នុងស្រុកភ្នំស្រួចយ៉ាងរលូនអាជ្ញាធរ និង សមត្ថកិច្ច ហាក់គ្មានអើពើបង្ក្រាបទាល់តែសោះ ។ ការមិនបង្ក្រាបនេះទំនងជាខ្លាចអំណាចមេល្បែងឈ្មោះប្រុសដែលជាមន្ត្រីយោធានៅមជ្ឈមណ្ឌលអភិវឌ្ឈន៍ចម្ការចេកហើយមើលទៅ ឬមួយក៏ពាក់ព័ន្ធបានសើមមាត់សើម.កខ្លះដែរទើបម្នាក់ៗសំងំឈឹងបែបនេះ ។
ទីតាំងល្បែងស៊ីសងគ្រប់ប្រភេទមាន (បញ្ជល់មាន់ ជល់មាន់តាមអនឡាញ បៀរ អាប៉ោង និងកន្ទុយលេខ) ខុសច្បាប់ជាច្រើនកន្លែងនៅម្តុំផ្សារត្រែងត្រយឹង ស្រុកភ្នំស្រួច ខេត្តកំពង់ស្ពឺ ក្នុងនោះ មានមួយកន្លែងធំជាងគេដែលគេស្គាល់ម្ចាស់ គឺលោកវរសេនីយ៍ត្រី ខុម សុឃីម ហៅប្រុសជាមន្ត្រីយោធា) ។
លោក ខុម សុឃីម ហៅប្រុសនេះ ត្រូវបានប្រភពបង្ហើបថា មានខ្នងបង្អែកគ្រាក់ៗនៅពីក្រោយជាមន្ត្រីនគរបាលខេត្តឋាន:ជាប្រធានការិយាល័យម្នាក់ ធ្វើជាខ្នងបង្អែកពីក្រោយខ្នងទៀតផង ទើបហ៊ានលេងទាំងថ្ងៃទាំងយប់មិនខ្លាចញញើតច្បាប់បន្តិចសោះឡើយ ។
ប្រភពបន្តថា បើទោះបីជាកន្លងទៅឯកឧត្តម វ៉ី សំណាង អភិបាលខេត្តបានចេញបញ្ជាឱ្យសមត្ថកិច្ចធ្វើការបង្ក្រាបល្បែងស៊ីសងគ្រប់ប្រភេទក៏ដោយ ក៏ឈ្មោះខុម សុឃីម ហៅប្រុស នៅតែគឃ្លើនមិនខ្លាចឡើយ ។
ប្រភពព័ត៌មានពីប្រជាពលរដ្ឋបានបង្ហើបឲ្យដឹងថា ល្បែងស៊ីសងគ្រប់ប្រភេទនៅម្តុំផ្សារត្រែងត្រយឹងនេះ បើកលេងរាប់ខែឆ្នាំមកហើយ ។ ហើយក្នុងនោះគេសង្កេតឃើញជាទីតាំងមួយកន្លែងធំជាងគេ (មានលេងមាន់ជល់ បៀរ និងអាប៉ោង) ក្នុងមួយថ្ងៃៗអ្នកចាញ់រាប់ម៉ឺនដុល្លារអាមេរិកឯណោះ ។ ប៉ុន្តែអាជ្ញាធរនិងសមត្ថកិច្ច ហាក់គ្មានវិធានការទប់ស្កាត់ ឬមានឆន្ទះក្នុងការបង្ក្រាបទីតាំងល្បែងគ្រប់ប្រភេទនេះឡើយ។
ប្រជាពលរដ្ឋដដែលបន្ថែមថា ការលេងល្បែងខាងលើនេះ បើគ្មានការឃុបឃិតគ្នាជាប្រព័ន្ធ និងបើកភ្លើងខៀវពីមន្ត្រីពាក់ព័ន្ឋទេនោះ មិនអាចអង្គុយអ៊ុតអាប៉ោង និងលេងជល់មាន់បានឡើយ ។ មិនតែប៉ុណ្ណោះ ប្រជាពលរដ្ឋដាក់ការសង្ស័យថា លោក (ប្រុស) មានខ្នងបង្អែក គ្រាក់ៗនៅពីក្រោយខ្នងផងក៏មិនដឹង ព្រោះថា ម្ចាស់ទីតាំងនិងបក្សពួករបស់ខ្លួនមិនអាចសាងភាពល្បីល្បាញខាងបើកល្បែងស៊ីសង(ជល់មាន់និងអាប៉ោង)ខុសច្បាប់នៅលើទឹកដី ស្រុកភ្នំស្រួច ខេត្តកំពង់ស្ពឺ បានឡើយ បើគ្មានអ្នកជួយនោះ ។
ប្រជាពលរដ្ឋដែលរស់នៅម្តុំផ្សារត្រែងត្រយឹងនោះ មានការសង្ស័យថា មន្ត្រីអាជ្ញាធរ និងសមត្ថកិច្ចពាក់ព័ន្ធក្នុងមូលដ្ឋានសំងំទទួលលាភសក្ការៈ និងផលប្រយោជន៍ ខ្លះៗសម្រាប់ចូលឆ្នាំថ្មីពីម្ចាស់ទីតាំងល្បែងគ្រប់កន្លែងនេះ រួចហើយផងក៏មិនដឹង0x017d7 ទើបហ៊ានបើកល្បែងស៊ីសងដូចជា (ជល់មាន់និងអាប៉ោង) ខុសច្បាប់ ទុកឲ្យក្រុមញៀនល្បែងទាំងនោះទៅលេងភ្លូកទឹក ភ្លូកដី គ្មានអាជ្ញាធរនិងសមត្ថកិច្ចមូលដ្ឋាន ចុះបង្ក្រាប ឬទប់ស្កាត់ទាល់តែសោះ ។
បើនិយាយពីល្បែងកន្ទុយលេខវិញ នៅក្នុងផ្សារត្រែងត្រយឹង មានមិនក្រោមពី១០កន្លែងឡើយ និយាយរួមផ្សារត្រែងត្រយឹងនិងប៉ុស្តិនគរបាលរដ្ឋបាលឃុំត្រែងត្រយឹងនៅក្បែរគ្នា ប្រសិនបើសមត្ថកិច្ចមានឆន្ទះក្នុងការទប់ស្កាត់ និងបង្ក្រាបមែននោះ ច្បាស់ជាអ្នកលេងល្បែងមិនហ៊ានលេងឡើយ ។
ប្រជាពលរដ្ឋលើកឡើងបន្ថែមទៀតថា បុគ្គល (លោកប្រុស) ដែលហ៊ានបើកល្បែងស៊ីសងគ្រប់ប្រភេទដោយខុសច្បាប់ដែលមានទីតាំងខាងលើ កំពុងឲ្យបក្ខពួករបស់ខ្លួនដើរកៀងគរក្រុមញៀនល្បែងគ្រប់មជ្ឈដ្ឋានឲ្យទៅលេងភ្នាល់លុយ ចាញ់ឈ្នះ រាប់លានរៀល ដល់រាប់ពាន់ម៉ឺនដុល្លារ ឯណោះ (ពោលគឺ) ភ្នាល់លុយច្រើនៗទៅតាមការកំណត់គ្នា គូធម្មតា ឬគូពិសេស ។
បើនិយាយពីការប៉ុងលុយ និងដកតុងក្នុងការជល់មាន់វិញមិនក្រោមពី20លានរៀលនោះទេក្នុងមួយថ្ងៃ ។ ដោយឡែក ប្រភពពីមន្ត្រីនគរបាលព្រហ្មទណ្ឌកម្រិតស្រាលខេត្តមួយរូបបានបង្ហើបប្រាប់ផងដែរថា ថ្នាក់ត្រឹមព្រហ្មទណ្ឌកម្រិតស្រាល និងការិយាល័យព្រហ្មទណ្ឌកម្រិតធ្ងន់ខេត្ត មិនហ៊ានប៉ះពាល់នោះទេ ព្រោះលោកស័ក្តិ4 ខុម សុឃីម នេះ មានខ្នងបង្អែកជាប្រធានការិយាល័យមួយនៅស្នងការនគរបាលខេត្តយើងនេះម្នាក់នោះគឺលោកវរសេនីយ៍ឯក ហេង សំរេច។
ទាក់ទិននឹងការបង្ហើបប្រាប់នេះផងដែរ នាថ្ងៃទី០៩ ខែមេសា ២០២៤ អ្នកយកព័ត៌មានយើងបានសុំការពន្យល់បកស្រាយពីលោកវរសេនីយ៍ឯក ហេង សំរេច ដោយលោកប្រាប់ថា លោកពុំមានពាក់ព័ន្ធនឹងរឿងកាងឲ្យមានការលេងល្បែងទាំងនេះទេ ជាធម្មតាអ្នកដែលមិនចូលចិត្តលោកតែងតែនិយាយមិនល្អអំពីលោកបែបនេះហើយ ។
ប្រជាពលរដ្ឋជាច្រើនរូបរស់នៅតំបន់ត្រែងត្រយឹងបានបង្ហាញនូវក្តីកង្វល់ថា រស់នៅសព្វថ្ងៃនេះ ពួកគាត់មានការព្រួយបារម្ភយ៉ាងខ្លាំង បញ្ហាសុខទុក្ខ សុវត្ថិភាពរបស់ពួកគាត់ ព្រោះថា ទីណាមានល្បែងស៊ីសង ទីនោះ មិនយូរមិនឆាប់នោះទេ និងកើតមានបទល្មើសផ្សេងៗដូចជា ចោរលួច ឆក់ ប្លន់ ជាពិសេស អំពើហិង្សាក្នុងគ្រួសារជាដើម ។ល។
ព័ត៌មានបន្ថែមមានផ្សាយជូននៅលើកាសែតកោះសន្តិភាព ។
ចែករំលែកព័តមាននេះ