(អន្តរជាតិ)៖ ជាប់ឈ្មោះជាមហាសេដ្ឋី មានទ្រព្យសម្បត្តិរាប់ពាន់លានដុល្លារ តារាចម្រៀងអាមេរិក Taylor Swift តែងត្រូវបានសាធារណជនតាមដានជានិច្ចនូវសកម្មភាពគ្រប់យ៉ាងរបស់នាង ជាពិសេសរឿងឯកជនរបស់តារាចម្រៀងរូបនេះតែម្តង។

នៅថ្ងៃនេះផងដែរ សារព័ត៌មានកោះសន្តិភាព នឹងទម្លាយតម្លៃកាបូបដៃស្ពាយនីមួយៗរបស់តារាចម្រៀងដ៏ល្បីរូបនេះថាម៉ាកប្រេនអ្វីមានតម្លៃប៉ុន្មានដែរ?

១.  កាលពីថ្ងៃទី២៦ ខែមីនា សារព័ត៌មាន People បានរាយការណ៍ថា ក្នុងថ្ងៃណាត់ជួបជាមួយមិត្តប្រុស Travis Kelce នៅទីក្រុង Malibu សហរដ្ឋអាមេរិកTaylor Swift បានពាក់អាវរងា រួមបញ្ចូលគ្នាជាមួយនឹងសំពត់ខ្លីសាមញ្ញ បង្កើតភាពលេចធ្លោជាមួយនឹងកាបូបដៃ Joseph Duclos Diane Crossbody ដ៏ឆើតឆាយ  តម្លៃរបស់វាគឺរហូតដល់ ៦,១០០ដុល្លារ។

២. Saint Laurent Le 5 à 7 Supple ដែល Taylor Swift បានថតផ្សព្វផ្សាយជាមួយនឹងអាវធំដែលមើលទៅមានភាពទាក់ទាញ សាមញ្ញ តែថ្លៃថ្នូរ នៅលើគេហទំព័រ កាបូបនេះត្រូវបានចុះបញ្ជីក្នុងតម្លៃ ២,៦៥០ដុល្លារ ។

៣. កាបូប Louis Vuitton ដែលមានរាងជ្រុង មើលទៅទោះបុរាណ តែទាន់សម័យ។ មិន​ត្រឹម​តែ​ Taylor Swift ទេ តារា​ហូលីវូដ​ជា​ច្រើន​ក៏​ចាប់​អារម្មណ៍​នឹង​ម៉ូដ​កាបូប​តូច​នេះ​ដែល​មាន​តម្លៃ​ជាង ៣,៤០០ ដុល្លារ ។

៤. ផលិតដោយម៉ាកយីហោអ៊ីតាលី Roger Vivier Viv’ Choc គឺជាផលិតផលធ្វើដោយដៃ ១០០% ជាមួយនឹងរចនាប័ទ្មមិនចេះចប់។ តារា​ចម្រៀង​រូប​នេះ​បាន​ចំណាយ​ប្រាក់​ជាង ១,៣០០ ដុល្លារ ​ដើម្បី​កាន់​កាបូប​នេះ។

៥. Prada Executive Tote មានតម្លៃ ២,៤៣០ ដុល្លារ និងកាបូបម៉ាក Max Mara J តម្លៃ ១,២៩០ ដុល្លារ គឺជាកាបូបម៉ាកល្បីពីរក្នុងចំណោមម៉ូដែលម៉ាកល្បីៗជាច្រើនដែលតារាចម្រៀងរូបនេះប្រើញឹកញាប់។