រាជធានីភ្នំពេញ ៖ ដូចណាស់ ដូចប៉ុន្មានភាគរយបងប្អូន? ចំពោះការត្រាប់សំឡេងរបស់បុរសរូបនេះធ្វើអោយមហាជនលានមាត់គ្រប់គ្នាថា លោកមានសំឡេងល្អពីធម្មជាតិ ដូចលោកព្រាប សុវត្ថិ ក្រោយមុខមាត់ រូបរាង…
រាជធានីភ្នំពេញ ៖ ដូចណាស់ ដូចប៉ុន្មានភាគរយបងប្អូន? ចំពោះការត្រាប់សំឡេងរបស់បុរសរូបនេះធ្វើអោយមហាជនលានមាត់គ្រប់គ្នាថា លោកមានសំឡេងល្អពីធម្មជាតិ ដូចលោកព្រាប សុវត្ថិ ក្រោយមុខមាត់ រូបរាង សំឡេង ប្រហាក់ប្រហែលនឹងកំពូលតារាចម្រៀងជួរមុខលោក ព្រាប សុវត្ថិ ដោយមើលមួយភ្លេតអាចនឹងច្រឡំនោះ ។
ជាការពិតណាស់ តើបុរសរូបនេះ ជានរណា? ម្តេចលោកមានសំឡេងដូច ឬប្រហាក់ប្រហែល និងលោក ព្រាប សុវត្ថិម្ល៉េះ? តើប្អូនយល់ថា ដូចប៉ុន្មានភាគរយ? ក្រោយបងប្អូនមួយចំនួនមើលស្ទើរតែច្រឡំនោះ ក៏មានមហាជនខ្លះបានដាក់រហ័សនាមអោយលោកថាជា លោក ព្រាបសុវត្ថិទី២ ព្រោះសំឡេង និងកាយវិការ ស្ទាយច្រៀងរបស់លោកស្ទើរតែដូចកំពូលតារាចម្រៀងរូបនោះ ។
ទន្ទឹងនឹងនេះដែរ មហាជនខ្លះបានលើកឡើងថា « ដូចទាំងមុខដូចទាំងសំឡេង លោកព្រាប សុវត្ថិទី២» ។ មហាជនខ្លះទៀតបានសរសើរថា « ពិរោះណាស់បង អាយដល ដូចលោកព្រាប សុវត្ថិណាស់បង»។ អ្នកគាំទ្រផ្សេងទៀតលើកឡើងបែបនេះ « បងមុខដូចពូ ព្រាប សុវត្ថិ ហើយសំឡេងក៏ពីរោះប្រហាក់ប្រហែលទៀត ចូលសិល្បៈទៅបង»។
ក្នុងនេះដែរឃើញថា មានបងប្អូនយើងជាច្រើនចាប់អារម្មណ៍នឹងសំឡេ ងរបស់បុរសរូបនេះ ដោយបានកោតសរសើរមិនដាច់ពីមាត់ ខ្លះទៅក៏សំណូមពរជាបទចម្រៀង ខ្លះក៏ចង់អោយលោកប្រឡងចម្រៀង ព្រោះសំឡេងក៏ពិរោះ មុខមាត់ក៏សង្ហារ ដូចទៅនឹងកំពូលតារាចម្រៀងលោកព្រាប សុវត្ថិនោះ ។ តើបងប្អូនយល់ថា ដូចប៉ុនា្មនភាគរយ ហើយអោយប៉ុន្មានពិន្ទុ ក្រោយស្តាប់ការបកស្រាយរបស់លោកនោះ?
តាមរយៈបទសម្ភាសន៍ជាមួយសារព័ត៌មានកោះសន្តិភាព លោក សុខ សោភ័ណ្ឌ ដែលមានមុខមាត់ប្រហាក់ប្រហែលលោកព្រាប សុវត្ថិនោះ លោកថា ពិតជាស្រឡាញ់កំពូលតារាចម្រៀងរូបនេះខ្លាំងណាស់ ដោយតាំងពីលោកដឹងក្តីមក លោកតែងតែត្រាប់សំឡេងរបស់លោក មិនថា ការនិយាយស្តី កាយវិការ អោយដូចទៅនឹងតារាចម្រៀងជួរមុខលោក ព្រាប សុវត្ថិនោះ ។
លោក ព្រាប សុវត្ថិទី២បន្តថា លោកត្រាប់កំពូលតារាចម្រៀងរូបនេះ ទីមួយមកពីការស្រឡាញ់ និងទីពីរ អាចថា អំណោយទានពីធម្មជាតិ ទេពកោសល្យ សមត្ថភាព ជាមួយការខិតខំប្រឹងប្រែង ។ លោកថា កាលពីកន្លងទៅក៏មានមហាជនខ្លះថា លោកមានមុខមាត់សំឡេង ប្រហាក់ប្រហែលលោកព្រាប សុវត្ថិ ផងដែរ។ តែលោកក៏ដឹងខ្លួនឯងច្បាស់ថា សមត្ថភាពលោកនៅមានកម្រិត ហើយលោកក៏មិនដែលឆ្លងកាត់ការប្រឡងចម្រៀងអ្វីនោះទេ ។ ចំពោះការច្រៀងនេះទៀតសោត លោកថា លោកធ្លាប់តែច្រៀងនៅសាលា ច្រៀងកម្សាន្តលេង ម្តងម្តាល ដោយពេលទៅសាលាជនកាលក៏គ្រូអោយច្រៀងអោយមិត្តរួមថ្នាក់ស្តាប់ផងដែរ ព្រោះឃើញថា លោកមានសំឡេង និងអំណោយទានពីធម្មជាតិមកនោះ ។
សម្រាប់បទដែលលោក សុខ សោភ័ណ្ឌអាចច្រៀទៅបាន មានច្រើនបទ ដូចជាបទ « ខ្លុយស្នេហ៍ត្នោតទេរ » « បើសៀវភៅឃើញស្នេហ៍ » « Call tune តំណាងចិត្តស្មោះ » ដែលលោកអាចបកស្រាយទៅបាន លើសពីនេះក៏មានបទ « ទឹកភ្នែកបងស្រក់មិនមែនគ្មានបញ្ហា » « គោះទ្វារបេះដូង » និងបទ« ចាំទឹកភ្នែកបងស្ងួតសិន » ដែលសុទ្ធសឹងតែបទដែលល្បីៗទទួលបានការគាំទ្រខ្លាងកាលពីកន្លងទៅនោះ ។
ជាចុងក្រោយ លោកបន្ថែមថា លោកពិតជាអរគុណខ្លាំងណាស់ ចំពោះការសរសើរនិងការគាំទ្រសម្រាប់លោកផ្ទាល់ បន្ថែមពីនេះ ប្រសិនបើមានឪកាសលោកក៏ចង់បង្ហាញសមត្ថភាពប្រឡងតាមកម្មវិធីលើកកញ្ចក់ទូរទស្សន៍ និងសមត្ថភាពច្រៀងរបស់លោក៕ ដោយ៖លីហួ គីមឆាយ
ចែករំលែកព័តមាននេះ