(អន្តរជាតិ)៖ ករណីបាក់ស្ពាននាពេលថ្មីៗនេះបង្ហាញថាស្ពានចាស់ៗត្រូវតែកែលម្អ ឬការពារបន្ថែម ដោយសារកប៉ាល់ដឹកទំនិញកាន់តែទំនើបកាន់តែធំឡើងៗ។
Benjamin Chambers/Delaware News Journal, NYT.
បើយោងតាម CNN ករណីបាក់ស្ពានដោយសារតែកប៉ាល់ពាណិជ្ជកម្មធំៗបុក បានកើតឡើង៣ករណីមកហើយរយៈពេលត្រឹមតែបីខែដំបូងនៃឆ្នាំនេះ។
១. ការបាក់ស្ពាន Francis Scott Key ក្នុងទីក្រុង Baltimore សហរដ្ឋអាមេរិក កាលពីថ្ងៃទី២៦ ខែមីនា កប៉ាល់កុងតឺន័រទម្ងន់ ៩៥ម៉ឺនតោន បានទៅបុកស្ពានឱ្យរលំ មូលហេតុអាចដោយសារចាក់ប្រេងលាយ នាំឱ្យគាំងម៉ាស៊ីន គ្មានថាមពលអគ្គីសនីគ្រប់គ្រាន់ ហើយនាវឹកមិនអាចបញ្ជាបាន ទើបរេទៅបុកសរសរស្ពាន បណ្តាលឱ្យរថយន្តនិងមនុស្ស ធ្លាក់ចូលទឹក ហើយមកទល់ពេលនេះមានមនុស្ស៦នាក់បាត់បង់ជីវិត។
Benjamin Chambers/Delaware News Journal, NYT.
២. ឧប្បត្តិហេតុនៅក្នុងប្រទេសចិនបានកើតឡើងកាលពីចុងខែកុម្ភៈ ទូរទស្សន៍រដ្ឋ CCTV បានរាយការណ៍ថា មនុស្ស ២នាក់បានស្លាប់ និង ៣នាក់ទៀតបាត់ខ្លួន បន្ទាប់ពីកប៉ាល់ដឹកទំនិញមួយបានបុកជាមួយស្ពានឆ្លងទន្លេមួយក្នុងតំបន់ដីសណ្ដទន្លេ គជ់ ក្នុងទីក្រុងក្វាងចូវ របស់ប្រទេសចិន។
CCTV
៣. នៅចុងខែមករា កប៉ាល់ដឹកទំនិញដ៏ធំមួយបានបុកជាមួយស្ពាន Zárate-Brazo Largo នៅលើទន្លេ Prana ក្នុងប្រទេសអាហ្សង់ទីន នេះបើយោងតាម Télam ។ ឧបទ្ទវហេតុនេះបានធ្វើឱ្យខូចខាតយ៉ាងធ្ងន់ធ្ងរដល់កប៉ាល់ ហើយស្ពានពុំមានការបាក់រលំដូច២ករណីខាងលើឡើយ។ ប្រភព៖ CNN / Zing News
mercopress
ចែករំលែកព័តមាននេះ