ពិធីមង្គលការហេង វិសាល និងស្រីនា ផ្ទុះខ្លាំងលើបណ្តាញសង្គមថ្ងៃនេះ
- ភ្នំពេញ
រាជធានីភ្នំពេញ ៖ មង្គលការ Influencer ដ៏ល្បីលំដាប់ប្រទេស លោកហេង វិសាល និងនាង ស្រីនា ត្រូវបានគេចាត់ទុកជាមង្គលការដ៏ធំប្រចាំឆ្នាំ…
រាជធានីភ្នំពេញ ៖ មង្គលការ Influencer ដ៏ល្បីលំដាប់ប្រទេស លោកហេង វិសាល និងនាង ស្រីនា ត្រូវបានគេចាត់ទុកជាមង្គលការដ៏ធំប្រចាំឆ្នាំ ខណៈពេលដែលពិធីមង្គលរបស់អ្នកទាំងពីកំពុងតែផ្ទុះពេញបំណ្តាញសង្គមហ្វេសប៊ុក ដោយសារមានការចែករំលែករូបភាពយ៉ាងច្រើនសន្ធឹក
សន្ធាប់ ។
ដូចការគ្រងទុក នៅទីបំផុត មង្គលការរបស់លោក ហេង វិសាល និងនាង ស្រីនា បានប្រារព្ធធ្វើឡើងយ៉ាងឱឡារឹក នៅថ្ងៃទី២៧ និង២៨ ខែមីនា ឆ្នាំ២០២៤ នេះ ដោយបានរៀបចំដល់ទៅ៥ អគារចូលគ្នានៅមជ្ឈមណ្ឌល The Premier Center Sen Sok ។
ពិធីមង្គលការទាំងមូល ត្រូវបានរៀបចំឡើងយ៉ាងស្រស់ស្អាត និងប្រណីត ជាមួយការតុបតែងលម្អជាមួយផ្កាចំម្រុះពណ៌ ហើយពិធីមង្គលការរបស់ពួកគេក៍ត្រូវបានគេលើកសសើរពីការរៀបចំតាមបែបប្រពៃណីខ្មែរយ៉ាងល្អផងដែរ ។
ជាមួយនឹងការតុបតែងកន្លែងពិធីយ៉ាងស្រស់ស្អាតហើយនោះ នៅក្នុងបរិវេណកន្លែងប្រារព្ធពិធីគេក៏ឃើញមានការរៀបចំស្តង់អាហារ និងភេសជ្ជះ រួមទាំងការចាប់ឆ្នោតផ្សងសំណាងសម្រាប់ភ្ញៀវកិត្តិយសដែលអញ្ជើញចូលរួមផងដែរ។
អ្វីដែលពិសេសថែមទៀតនោះ មង្គលការរបស់លោក ហេង វិសាល និងនាង ស្រីនា ក៏មានវត្តមានបុគ្គលល្បី រួមទាំងអ្នកសិល្បៈជាច្រើនបានចូលរួម ដោយនៅក្នុងនោះក៏មានវត្តមានព្រះនាងតូច នរោត្តម ជេនណា យាងចូលរួមនៅ និងប្រទានកាដូនាឡិកាដាំពេជ្រដ៏មានតម្លៃសម្រាប់អ្នកទាំងពីរផងដែរ ។
ដោយឡែក សម្រាប់បណ្តាអ្នកលេងបណ្តាញសង្គមនានា បាននាំគ្នាចែកចាយនូវរូបភាពទិដ្ឋភាពពិធីមង្គលការរបស់ហេង វិសាល និងនាង ស្រីនា ជាបន្តបន្ទាប់ ជាមួយនឹងការចូលរួមអបអរសាទរ ជូរពរអ្នកទាំងពីរ និងបានលើកសសើរអ្នកទាំងពីរថា ពិតជាគូស្នេហ៍ដ៏សាកមគ្នាខ្លាំង ។
សម្រាប់ពាក្យពេចន៍ជូនពរទាំងអស់នោះលោក ហេង វិសាល ក៏បានបង្ហោះសារលើបណ្តាញសង្គមថា «ខ្ញុំបើកហ្វេកបុកបានឃើញពាក្យជូនពររបស់មិត្តភក្តិ បងប្អូន បងៗអ្នកសារព័ត៌មាន និងអ្នកគាំទ្រជាច្រើន ខ្ញុំពិតជារំភើបណាស់ អរគុណសម្រាប់ក្តីស្រឡាញ់ និងភាពកក់ក្តៅពីបងប្អូនទាំងអស់គ្នា ខ្ញុំនិងក្រុមគ្រួសារពិតជាអរគុណ និងដឹងគុណបងប្អូនណាស់។ នៅថ្ងៃពិសេសនេះខ្ញុំសូមជូនពរបងប្អូនជួបតែភាពសប្បាយរីករាយ ក្តីសុខ និងសុភមង្គល🙏🏻 ហើយចង់ប្រាប់បងប្អូនថា ខ្ញុំមានប្រពន្ធហើយ» ៕
ចែករំលែកព័តមាននេះ