សម្តេចធិបតី ៖ រយៈ៦ខែ កម្ពុជាមានគម្រោងវិនិយោគថ្មី ចំនួន១៧៣ ក្នុងទំហំទឹកប្រាក់ជាង៤ពាន់លានដុល្លារ
រាជធានីភ្នំពេញ ៖ សម្តេចធិបតី ហ៊ុន ម៉ាណែត បានគូសបញ្ជាក់ថា គម្រោងថ្មី រយៈពេល៦ខែ មកនេះ មាន១៧៣គម្រោង…
រាជធានីភ្នំពេញ ៖ សម្តេចធិបតី ហ៊ុន ម៉ាណែត បានគូសបញ្ជាក់ថា គម្រោងថ្មី រយៈពេល៦ខែ មកនេះ មាន១៧៣គម្រោង…
រាជធានីភ្នំពេញ ៖ សម្តេចធិបតី ហ៊ុន ម៉ាណែត បានគូសបញ្ជាក់ថា គម្រោងថ្មី រយៈពេល៦ខែ មកនេះ មាន១៧៣គម្រោង មកចុះបញ្ជីធ្វើការវិនិយោគនៅកម្ពុជា និងមានទំហំទឹកប្រាក់ជាង ៤ពាន់លានដុល្លារ ។
ក្នុងឱកាសអញ្ជើញជាអធិបតីដឹកនាំកិច្ចប្រជុំពេញអង្គគណៈរដ្ឋមន្ត្រី នៅព្រឹកថ្ងៃទី១៥ ខែមីនា ឆ្នាំ២០២៤ ដែលប្រារព្ធ នៅវិមានសន្តិភាព សម្តេចធិបតី ហ៊ុន ម៉ាណែត បានគូសបញ្ជាក់ថា គម្រោងថ្មី រយៈពេល៦ខែ មាន១៧៣គម្រោង មកចុះបញ្ជីវិនិយោគនៅកម្ពុជា និងមានទំហំទឹកប្រាក់ជាង៤ពាន់លានដុល្លារ។ គម្រោងទាំង១៧៣នោះ ត្រូវបានចុះបញ្ជីនៅ CDC រួចរាល់ហើយ ថែមទាំងមានការជ្រើសរើសទីតាំងថែមទៀតផង ដែលត្រូវបានគេព្យាករថា គម្រោងទាំងនេះ នឹងផ្តល់ឱកាសការងារជាង ១៧ម៉ឺនកន្លែងសម្រាប់ប្រជាពលរដ្ឋ ។
សម្តេចធិបតី ហ៊ុន ម៉ាណែត ក៏បានគូសបញ្ជាក់ថា រាជរដ្ឋាភិបាល កំពុងបន្តខិតខំប្រឹងប្រែងលើកកម្ពស់បរិយាកាសធុរកិច្ច និងជំរុញការវិនិយោគនៅកម្ពុជា ដើម្បីបង្កើតការងារ បន្ថែមទៀត ជូនប្រជាពលរដ្ឋ ។
ថ្លែងក្នុងកិច្ចប្រជុំ ដោយមានផ្សាយផ្ទាល់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានគូសបញ្ជាក់ថា រាជរដ្ឋាភិបាល បាននិងកំពុងធ្វើការលើកទឹកចិត្តដល់អ្នកវិនិយោគ ដើម្បីជំរុញ និងបង្កើនសកម្មភាពសេដ្ឋកិច្ច និងបង្កើនការងារ ។
សម្តេចបញ្ជាក់ថា ៖ «ជាក់ស្តែងរូបខ្ញុំផ្ទាល់ និងថ្នាក់ដឹកនាំយើងជាច្រើន ទាំងថ្នាក់ដឹកនាំជាតិ និងក្រោមជាតិ បានជួបប្រជុំជាមួយវិស័យឯកជនជាច្រើន ទាំងក្នុង និងក្រៅប្រទេស ពោលគឺតាំង ពីរាជរដ្ឋាភិបាលបង្កើត» ។
សម្តេចនាយករដ្ឋមន្ត្រី បានអះអាងថា សម្តេចបានសង្កេតឃើញថា វិនិយោគិនបរទេសភាគច្រើន បានឃើញសក្តានុពលរបស់កម្ពុជា នឹងមានចំណាប់អារម្មណ៍ មកបណ្តាក់ទុន នៅកម្ពុជា ផងដែរ ។
សម្តេចបន្ថែមថា ក្នុងន័យនេះ ខ្ញុំសូមបញ្ជាក់ថា មានការផ្សព្វផ្សាយមួយចំនួន ហើយកន្លែងខ្លះ ក៏មានឆ្ងល់ ហើយកន្លែងខ្លះក៏មានការចំអកឌឺដង តែខ្ញុំតែងតែប្រើពាក្យថា យើងដើរទាក់ម៉ូយ។ ពាក្យនេះ គឺផ្តោតធំបំផុត ក្នុងការជំរុញសេដ្ឋកិច្ច និងការបង្កើនការងារ ជូនប្រជាពលរដ្ឋរបស់យើង ។
សម្តេចបានអះអាងថា ៖ «ខ្ញុំទទួលស្គាល់ថា ស្ថានភាពសេដ្ឋកិច្ចរបស់យើង មិនមែនល្អឥតខ្ចោះនោះទេ តែការបង្កើត និងការជួបប្រាស្រ័យទាក់ទងជាមួយវិស័យឯកជន យើយមិនបញ្ជាក់ថា គ្រប់ប្រទេសក្រុមហ៊ុន ដែលយើងជួបមកបណ្តាក់ទុនទាំងអស់នោះទេ ហើយយើងក៏កត់ស្គាល់ថា បង្កើតក្រុមហ៊ុនបង្កើតតែមួយថ្ងៃនោះទេ។ វាមិនអាចថា គេចាប់អារម្មណ៍ ហើយស្អែក ចេញរោងចក្រ៣ពាន់លានរោងចក្រ ហើយផលិតកង់ឡាន ផលិតម៉ូតូ ឬរថយន្តនៅទីនេះ នោះទេ» ។
សម្តេចបានបញ្ជាក់បន្ថែមថា នៅពេលនេះ ខ្ញុំគ្រាប់សុំបញ្ជាក់ថា ចំពោះអ្នកមានចម្ងល់ថា ហេតុអ្វី ដែលបានជានាយករដ្ឋមន្ត្រី ទៅក្រៅជួបតែក្រុមហ៊ុនវិស័យឯកជន។ តែហេតុអ្វីបានតែឃើញតែក្រុមហ៊ុនបិទទ្វារ អ៊ីចឹង ? ។
សម្តេចនាយករដ្ឋមន្ត្រីបានគូសបញ្ជាក់ថា ៖ «ចំណុចនេះ ខ្ញុំសូមបញ្ជាក់អំពីវឌ្ឍនភាពក្នុងរយៈពេល៦ខែ មកនេះ ថាពិតណាស់ យើងមិនអាចទៅធ្វើការទទួលអ្នកវិនិយោគម្តងមួយៗ ដូចជាការសម្ភោធព្រលានយន្តហោះ ឬដូចជាការហែឆៃយ៉ាំស្វាគមន៍កីឡាករយើង បានមេដាយមាសពីក្រៅប្រទេសនោះទេ។ ប៉ុន្តែបើយើងចង់ដឹងច្បាស់ពីព័ត៌មានវិនិយោគ យើងទៅឆែកនៅក្រុមប្រឹក្សាអភិវឌ្ឍន៍សេដ្ឋកិច្ចកម្ពុជា (CDC)» ។
ជាមួយគ្នានោះដែរ សម្តេចបានឲ្យដឹងថា កម្ពុជាគឺប្រទេសមួយ ដែលមានភាពទាក់ទាញមួយ ដែរក្នុងចំណោមបណ្តាប្រទេសផ្សេងៗ។ ដូច្នេះខ្ញុំសូមបញ្ជាក់ថា រយៈពេល៦ខែនេះ មានគម្រោងវិនិយោគថ្មី ចំនួន១៧៣ មកចុះបញ្ជីវិនិយោគនៅកម្ពុជា ដែលមានទំហំទឹកប្រាក់ជាង ៤ពាន់លានដុល្លារ ៕
ចែករំលែកព័តមាននេះ