ការងារនៅលើពិភពលោកមានរាប់ពាន់ប្រភេទ ហើយសុទ្ធតែចាំបាច់សម្រាប់បំពេញតម្រូវការនានារបស់សង្គម ប៉ុន្តែនៅក្នុងចំណោមការងារទាំងនេះការងារដែលគេចាត់ទុកថា រកប្រាក់ចំណូលបានខ្ពស់ជាងគេបំផុតនោះ គឺមាន៩ ។ តើការងារទាំង៩នេះ មានអ្វីខ្លះទៅ? កម្មវិធីលុយនៃសារព័ត៌មានកោះសន្តិភាព សូមចែករំលែកដូចខាងក្រោម…
ការងារនៅលើពិភពលោកមានរាប់ពាន់ប្រភេទ ហើយសុទ្ធតែចាំបាច់សម្រាប់បំពេញតម្រូវការនានារបស់សង្គម ប៉ុន្តែនៅក្នុងចំណោមការងារទាំងនេះការងារដែលគេចាត់ទុកថា រកប្រាក់ចំណូលបានខ្ពស់ជាងគេបំផុតនោះ គឺមាន៩ ។
តើការងារទាំង៩នេះ មានអ្វីខ្លះទៅ? កម្មវិធីលុយនៃសារព័ត៌មានកោះសន្តិភាព សូមចែករំលែកដូចខាងក្រោម ៖
១.អ្នកបម្រើការផ្នែកវេជ្ជសាស្ត្រ មិនថា សង្គមត្រូវស្ថិតនៅក្នុងកាលៈទេសៈណាទេ សូម្បីតែនៅក្នុងអំឡុងពេលនៃការរីករាលដាលនៃមេរោគកូវីដ១៩ អ្នកដែលបម្រើការនៅក្នុងផ្នែកវេជ្ជសាស្ត្រ គឺត្រូវបានគេចាត់ទុកដាក់ជាអ្នកដែលមានតម្រូវការខ្ពស់ ហើយដូច្នេះបុគ្គលដែលបម្រើការនៅក្នុងផ្នែកសេវាកម្មនេះជាទូទៅតែងរកប្រាក់ចំណូលបានខ្ពស់បំផុត ។
២.នាយកប្រតិបត្តិសាជីវកម្ម មន្ត្រីប្រតិបត្តិ និងនាយកប្រតិបត្តិកំពូលនៃសាជីវកម្មធំៗត្រូវបានគេចាត់ទុក ដាក់គឺសុទ្ធតែជាក្រុមមនុស្សដែលអាចទទួលបានប្រាក់ខែច្រើន ។ ក្រៅពីមានប្រាក់ប្រចាំខែខ្ពស់ហើយនោះជាទូទៅពួកគេនៅទទួលបានកញ្ចប់ប្រាក់រង្វាន់ ហើយក្រៅពីនោះពួកគេក៏អាចទទួលបាន នូវចំណែកនៃភាគហ៊ុនផងដែរ ។
៣.អ្នកបម្រើការនៅផ្នែកហិរញ្ញវត្ថុ អ្នកជំនាញក្នុងវិស័យធនាគារវិនិយោគ ជាពិសេសអ្នកដែលមានមុខតំណែងកំពូលអាចទទួលបានប្រាក់ចំណូលខ្ពស់ ដោយឡែកអ្នកដែលមានមុខងារប្រតិបត្តិករក៏ជាទូទៅ មានកម្រិតប្រាក់បៀវត្សរ៍ និងប្រាក់កញ្ចប់ឧបត្ថម្ភក៏ដូចជាប្រាក់រង្វាន់ លើកទឹកចិត្តខ្ពស់ ជាងការងារដទៃទៀតផងដែរ ។
៤.ប្រតិបត្តិករផ្នែកបច្ចេកវិទ្យា ប្រធានផ្នែកបច្ចេកវិទ្យា ក៏ដូចជា ប្រធានផ្នែកព័ត៌មាន និងនាយកប្រតិបត្តិបច្ចេកវិទ្យាជាន់ខ្ពស់ផ្សេងទៀតសុទ្ធតែអាចរកកម្រៃបានយ៉ាងក្រាស់ក្រែល ។ ក្រៅពីថ្នាក់ដឹកនាំសម្រាប់ប្រតិបត្តិករ និងអ្នកផ្តល់សេវាកម្ម ក៏មានអាទិភាពខ្លាំងដែរ នៅពេលបច្ចុប្បន្ននេះ ប៉ុន្តែទៅអនាគតគេនៅមិនទាន់ដឹងនៅឡើយ ខណៈដែល មតិខ្លះថា ការងារសាមញ្ញខ្លះអាចនឹងជំនួសដោយ AI ។
៥.ឧស្សាហកម្មកម្សាន្ត តារាសម្តែង អ្នកដឹកនាំរឿង និងផលិតករក្នុងឧស្សាហកម្មភាពយន្ត និងទូរទស្សន៍ដែលល្បី គឺអាចរកចំណូលបានយ៉ាងច្រើន ។ ជាពិសេសសម្រាប់គម្រោងដែលជោគជ័យមានការគាំទ្រច្រើន ប៉ុន្តែទោះបីជាយ៉ាងណាក៏ដោយក៏ភាគរយនៃអ្នកដែលជោគជ័យ គឺមានតិចនៅឡើយគ្រាន់តែថា អ្នកដែលជោគជ័យ គឺពិតជាលេចធ្លោរ ហើយការងារនេះមិនសូវជាស្មុគស្មាញខ្លាំងឡើយ ។
៦.អត្តពលិកអាជីព អត្តពលិកកំពូលក្នុងកីឡាដូចជា បាល់ទាត់ បាល់បោះ និងបាល់ទាត់ គឺសុទ្ធតែអាចទទួលបានប្រាក់ខែច្រើន និងកិច្ចព្រមព្រៀងដែលមានតម្លៃខ្លួនខ្ពស់ ។ សម្រាប់កម្ពុជាមកដល់ពេលនេះក៏មានអ្នកខ្លះមានជីវភាពធូធាររស់នៅសមរម្យក៏ដោយសារតែបានមូលដ្ឋានគ្រឹះពីអាជីពជាអត្តពលិកនេះផងដែរ ថ្មីត្បិតតែភាគរយវានៅតិចក៏ដោយចុះ ។
៧.វិជ្ជាជីវៈផ្នែកច្បាប់ មួយសំណុំនៃក្រុមការងារ ដែលរាប់ចាប់តាំងពីមេធាវី ព្រះរាជអាជ្ញារ ចៅក្រម ក្រឡាបញ្ជីជាដើម គឺសុទ្ធសឹងតែត្រូវបានគេចាត់ទុកដាក់ជាក្រុមដែលមានមុខមាត់ខ្ពស់ និងមានប្រាក់ចំណូលខ្ពស់នៅក្នុងសង្គម ។
៨.អ្នកបើកយន្តហោះ និងអ្នកត្រួតពិនិត្យចរាចរណ៍ផ្លូវអាកាស វិជ្ជាជីវៈអាកាសចរណ៍មួយចំនួន ជាពិសេសអ្នកដែលពាក់ព័ន្ធនឹងយន្តហោះពាណិជ្ជកម្មធំៗអាចផ្តល់ប្រាក់ខែខ្ពស់ និងប្រាក់ចំណូលច្រើន ។ ជំនាញនេះរងគ្រោះខ្លាំងសម័យកាលកូវីដ១៩ ពីឆ្នាំ២០២០ ដល់ ២០២២ ប៉ុន្តែឥឡូវនេះហាក់កំពុងតែវិលមករកទីតាំងកំពូលការងារ ដែលមានប្រាក់ចំណូលខ្ពស់វិញហើយ ។
៩.ទីប្រឹក្សាផ្នែកគ្រប់គ្រង ទីប្រឹក្សានៅក្នុងក្រុមហ៊ុនប្រឹក្សាផ្នែកគ្រប់គ្រងលំដាប់កំពូល តែងតែទទួលបានកម្រៃខ្ពស់សម្រាប់ជំនាញរបស់ពួកគេ ប៉ុន្តែមិនមែនគ្រប់គ្នាសុទ្ធតែអាចបានប្រាក់ចំណូលខ្ពស់ទាំងអស់ឡើយ ។ សរុបមកវិញ ការងារណាក៏ដោយវាសុទ្ធតែជាការងារសំខាន់ ហើយកុំតូចចិត្តនៅពេលដែល យើងរកបានការងារដែលមិនសូវមានប្រាក់ចំណូលខ្ពស់ ។
សូមកុំបោះបង់សេចក្តីសង្ឃឹម ហើយនិងការខំប្រឹងប្រែង ។ ប្រាក់ខែក៏ដូចជា ប្រាក់ចំណូលអាចផ្លាស់ប្តូរតាមពេលវេលា ហើយការងារដែលមានប្រាក់ខែខ្ពស់បំផុតអាចរងឥទ្ធិពលដោយនិន្នាការសេដ្ឋកិច្ច តម្រូវ ការឧស្សាហកម្ម និងកត្តាផ្សេងៗទៀត ។ លើសពីនេះទៀត ភាពខុសគ្នាក្នុងតំបន់អាច ដើរតួនាទីយ៉ាងសំខាន់ក្នុងកម្រិតប្រាក់ខែ ៕ ដោយៈ ស ផាត់
ចែករំលែកព័តមាននេះ