អត់ខ្វល់ពាក្យចា.ក់ដោត! តារាល្បី លី ប៊ីងប៊ីង វ័យ៥១ឆ្នាំ បន្តសោយសុខជីវិតនៅលីវ
ចិន ៖ តារាសម្ដែង និងជាតារាចម្រៀងដ៏ល្បីរបស់ប្រទេសចិន កញ្ញា លី ប៊ីងប៊ីង (Li Bingbing) បាន
ចិន ៖ តារាសម្ដែង និងជាតារាចម្រៀងដ៏ល្បីរបស់ប្រទេសចិន កញ្ញា លី ប៊ីងប៊ីង (Li Bingbing) បាន
ចិន ៖ តារាសម្ដែង និងជាតារាចម្រៀងដ៏ល្បីរបស់ប្រទេសចិន កញ្ញា លី ប៊ីងប៊ីង (Li Bingbing) បាននិយាយថា កញ្ញាកំពុងរីករាយយ៉ាងខ្លាំងនឹងជីវិតនៅលីវក្នុងអាយុ៥១ឆ្នាំ ដោយពណ៌នាថា «ពេញលេញ និងសេរីភាព»។ កញ្ញាបានចែករំលែកការយល់ដឹងអំពីជីវិតក្នុងកិច្ចសម្ភាសនាពេលថ្មីៗនេះ ជាមួយទស្សនាវដ្ដីចិន Marie Claire ដែលចេញផ្សាយក្នុងខែកុម្ភៈ។
កញ្ញា លី បានកាត់បន្ថយការចូលរួមសម្ដែងក្នុងរយៈពេលប៉ុន្មានឆ្នាំចុងក្រោយនេះ ដើម្បីយកពេលសោយសុខនឹងជីវិតនៅលីវរបស់កញ្ញា ខណៈពេលវេលាត្រូវបានបែងចែករវាងចំណង់ចំណូលចិត្តក្នុងការជិះស្គី ការហ្វឹកហាត់កីឡាជាច្រើនជំនួយដល់រាងកាយ និងសម្រស់ ការរៀនភាសាអង់គ្លេស ការចិញ្ចឹមបីបាច់កូន២នាក់របស់ប្អូនស្រីកញ្ញា ជាពិសេសការចំណាយពេលវេលាជាមួយឪពុកម្ដាយ និងការគ្រប់គ្រងទំនួលខុសត្រូវនៅក្រុមហ៊ុនកម្សាន្តដែលសហការជាមួយប្អូនស្រីកញ្ញា។
កញ្ញានិយាយថា ការខិតខំប្រឹងប្រែងរួមគ្នាជាមួយប្អូនស្រីនាំមកនូវអារម្មណ៍រីករាយ និងពេញលេញដល់ជីវិត។ កញ្ញាចាត់ទុកកូនរបស់ប្អូនស្រីដូចជាកូនកញ្ញាផ្ទាល់ ហើយបានដើរតួដល់ការចិញ្ចឹមបីបាច់ពួកគេផងដែរ។ លី អះអាងថា កញ្ញាផ្តល់ខ្លាំងយ៉ាងសំខាន់លើចំណងគ្រួសារ រក្សាទំនាក់ទំនងជិតស្និទ្ធជាមួយឪពុកម្ដាយ និងធានាថា ទាំងអស់គ្នារីករាយដំណើរជីវិតដ៏គួរឱ្យចងចាំជាមួយគ្នា។ ទាក់ទងរឿងជីវិតអាពាហ៍ពិពាហ៍ លី ប្រកាន់យកវិធីសាស្ដ្រមួយថា «បើបានជួបមនុស្សត្រឹមត្រូវ អ្នកនឹងធ្លាក់នៅក្នុងអន្លង់ស្នេហ៍ ប៉ុន្តែបើលែងត្រូវគ្នា បើមិនសប្បាយចិត្ត ក៏បែកគ្នា»។
ដោយទទួលស្គាល់ដំណើរការនៃភាពចាស់ដែលជៀសមិនរួច លី នៅតែមិនភ័យខ្លាច ដោយផ្តោតលើការថែទាំផ្ទាល់ខ្លួនជំនួសវិញ។ នៅពេលកញ្ញាអបអរពិធីបុណ្យចូលឆ្នាំថ្មី ឆ្នាំ ២០២៤ លី បានបង្ហាញពីបំណងចង់ពង្រឹងការយល់ដឹងខ្លួនឯងឱ្យកាន់តែស៊ីជម្រៅ និងយកឈ្នះលើបញ្ហាប្រឈមផ្ទាល់ខ្លួន ក៏ដូចជាស្វែងរកសុភមង្គលក្នុងភាពស្មោះត្រង់ចំពោះខ្លួនឯង។ លី ទទួលស្គាល់ថា ខ្លួនជាអ្នកឆ្លុះបញ្ចាំងខ្លួនឯង និងប្រយ័ត្នប្រយែងក្នុងការដើរខុសផ្លូវ បើទោះបីជាកញ្ញាយល់ថា គឺជាដំណើរការយឺតក៏ដោយ ប៉ុន្តែ លី មានអារម្មណ៍ថាមានការកើនឡើងនៃភាពរឹងមាំក្នុងដំណើរជីវិតរបស់កញ្ញា។
ជាមួយនឹងអាជីពរយៈពេល៣ទស្សវត្សរ៍កន្លងមក កញ្ញា លី ប៊ីងប៊ីង ទទួលការសរសើរជាច្រើនទាំងក្នុងភាពយន្តចិន និងអន្តរជាតិ សម្រាប់តួនាទីកញ្ញានៅក្នុងខ្សែភាពយន្តល្បីៗ ដូចជា Seven Years, Waiting Alone, The Knot, The Message, Zhong Kui: Snow Girl and the Dark Crystal និង The Meg ជាដើម ។ ផ្សេងពីឧស្សាហកម្មភាពយន្តចិន លី ក៏បានបង្កើតភាពល្បីល្បាញក្នុងភាពយន្តហូលីវូដជាមួយនឹងការបង្ហាញខ្លួនដ៏គួរឱ្យកត់សម្គាល់ក្នុងរឿងដូចជា The Meg, Transformers: Age of Extinction និង Resident Evil 5 ជាដើម។
យ៉ាងណាមិញ បើទោះបីជាកញ្ញាសម្រេចបានជោគជ័យដ៏ច្រើនយ៉ាងណាក៏ដោយ ប៉ុន្តែ លីគ នៅតែមានការប្រុងប្រយ័ត្នយ៉ាងខ្លាំងចំពោះជីវិតផ្ទាល់ខ្លួន ដោយគ្រាន់តែទទួលស្គាល់ជាសាធារណៈនូវទំនាក់ទំនងស្នេហាជាមួយនឹងអ្នកជំនួញជនជាតិចិនម្នាក់ ដែលបានបញ្ចប់កាលពីឆ្នាំ ២០២១៕ (ប្រភព ៖ VnExpress)
ចែករំលែកព័តមាននេះ