ADផ្ទាំងផ្សព្វផ្សាយពាណិជ្ជកម្ម

Picture

សម្តេច​ធិ​បតី ចាត់​ទុក​វិស័យ​ឯកជន ជា​កម្លាំង​ស្នូល​ក្នុង​ការ​អភិវឌ្ឍ​ប្រទេស

1 ខែ មុន

រាជធានី​ភ្នំពេញ ៖ សម្តេច​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី​កម្ពុជា បាន​គូសបញ្ជាក់​ថា គោលដៅ​អភិវឌ្ឍ​របស់​រាជរដ្ឋាភិបាល អាណត្តិ​ទី​៧ គឺ​នៅ​តាម​មូលដ្ឋាន​ជា​គ្រឹះ​មួយ​សំខាន់…

រាជធានី​ភ្នំពេញ ៖ សម្តេច​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី​កម្ពុជា បាន​គូសបញ្ជាក់​ថា គោលដៅ​អភិវឌ្ឍ​របស់​រាជរដ្ឋាភិបាល អាណត្តិ​ទី​៧ គឺ​នៅ​តាម​មូលដ្ឋាន​ជា​គ្រឹះ​មួយ​សំខាន់ ហើយ​វិស័យ​ឯកជន​ជា​កម្លាំង​ស្នូល ក្នុង​ការ​អភិវឌ្ឍ​ប្រទេស ។

សម្តេច​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី​កម្ពុជា បាន​គូសបញ្ជាក់​ថា គោលដៅ​អភិវឌ្ឍ​របស់​រាជរដ្ឋាភិបាល ក្នុង​អាណត្តិ​ទី​៧ ក៏​ដួច​ជា​នៅ​ពេល​ខាង​មុខ​នេះ ធ្វើការ​អភិវឌ្ឍ​នៅ​តាម​មូលដ្ឋាន ដែល​ជា​គ្រឹះ​មួយ​សំខាន់​ណាស់ ។

ថ្លែង​ក្នុង​ពិធី​សម្ពោធ​ដាក់​ឱ្យ​ប្រើប្រាស់​ជា​ផ្លូវការ “​អគារ តេ​ជោ​សែន​” និង “​បិទ​សន្និបាត​បូក​សរុប​លទ្ធផល​ការងារ​ឆ្នាំ​២០២៣ និង​លើក​ទិស​ដៅ​ការងារ​ឆ្នាំ​២០២៤ របស់​ក្រសួង​ឧស្សាហកម្ម វិទ្យាសាស្ត្រ បច្ចេកវិទ្យា និង​នវានុវត្តន៍​” នា​រសៀល​ថ្ងៃ​ទី​២១ កុម្ភៈ ឆ្នាំ​២០២៤ នៅ​ក្រសួង​ឧស្សាហកម្ម យ៉ាង​ដូច្នេះ​ថា ៖ «​គោលនយោបាយ​របស់​រាជរដ្ឋាភិបាល នៅ​អាណត្តិ​ទី​៧​នេះ ការ​ពង្រឹង​នៅ​មូលដ្ឋាន​សម្រាប់​ការ​អភិវឌ្ឍ ដែល​ជា​មូលដ្ឋាន​គ្រឹះ ហើយ​គោលដៅ​របស់​គឺ​ជំរុញ​សេដ្ឋកិច្ច ប្រកបដោយ​ចីរភាព និង​ភាព​ធន់ បង្កើត​ការងារ​ឲ្យ​បាន​ច្រើន​។ នេះ​ជា​គោលដៅ​របស់​រាជ​រដ្ឋ​ភិ​បាល អាណត្តិ​ទី​៧ និង​អាណត្តិ​បន្តបន្ទាប់​ទៀត គឺ​វា​អស់​ត្រឹម​នឹង​ហើយ​» ។

សម្តេច​ធិ​បតី នាយក​រដ្ឋមន្ត្រី បាន​បន្ត​ថា បាន​ធ្វើ​ឲ្យ​ប្រទេស​មួយ​រីក​ចម្រើន ទៅ​ជា​ប្រទេស​អ្នកមាន ទាល់តែ​ចំណូល​របស់​ប្រជាពលរដ្ឋ​កើន​ដល់​កម្រិត​មួយ​។ អ៊ីចឹង​រដ្ឋ គ្មាន​ថវិការ​ចែក​ជូន​ហោប៉ៅ​ប្រជាពលរដ្ឋ​នោះ​ទេ ក្រៅពី​ការ​បង្កើន​ការងារ ហើយ​ការងារ​នោះ ជា​អាច​ទាញ​ផល​ចំណូល​បាន​ខ្ពស់ ទើប​មាន​និរន្តរ៍ភាព ។

សម្តេច​នាយក​រដ្ឋមន្ត្រី បន្ថែម​ថា គ្រឹះ នៃ​សេដ្ឋកិច្ច និង​រចនាសម្ព័ន្ធ នៃ​សេដ្ឋកិច្ច​របស់​យើង ពឹងផ្អែក​លើក​វិស័យ​ឯកជន​ច្រើន ដែល​ជា​កម្លាំង​ស្នូល ហើយ​ក្នុង​វិស័យ​ឯកជន​នោះ គឺ​សហគ្រាស​តែ​ម្តង ហើយ​យើង​ត្រូវ​ទទួលស្គាល់​វិស័យ​មីក្រូ​។ នៅ​ប្រទេស​អ្នកមាន គេ​ទទួលស្គាល់​៩៥ ភាគរយ គឺជា​ក្រុមហ៊ុន​ទាំងអស់ នៃ​ប្រទេស​នេះ មីក្រូ (​ក្រុមហ៊ុន​ធន់​តូច និង​មធ្យម​)​។

ជាមួយ​គ្នា​នោះ​ដែរ សម្តេច​នាយក​រដ្ឋមន្ត្រី លើក​ឡើង​ថា សម្តេច​រំពឹង​រយៈពេល​១០ ទៅ​៣០​ឆ្នាំ​ទៀត ប្រទេស​កម្ពុជា​គ្រប់​ដណ្តប់ ទៅ​ដោយ​ក្រុមហ៊ុន​ធំ​ៗ នោះ​ទេ ៕

អត្ថបទសរសេរ ដោយ

កែសម្រួលដោយ