រាជធានីភ្នំពេញ ៖ ស្នងការដ្ឋានគរបាលខេត្តកំពត បានសាទរពីអ្នកលេងបណ្តាញសង្គមក៏ដូចជា អ្នកបើកបរក្រោយដាក់ស្លាកសញ្ញាកំណត់ល្បឿននៅតាមផ្លូវ និងប្រកាសចាត់ការចំពោះមន្ត្រីខ្លួនដែលធ្វើហួសដែនកំណត់ ។
យោងតាមបណ្តាញសង្គម របស់ស្នងការដ្ឋានខេត្តកំពត នៅថ្ងៃទី១៨ខែកុម្ភៈ ឆ្នាំ២០២៤ បានលើកឡើងយ៉ាងដូច្នេះថា ៖«ល្មមមើលឃើញទេបាទ នៅថ្ងៃទី 18.02.24 ស្លាកសញ្ញាកំណត់ល្បឿនបានយកទៅចាប់នៅតាមគោលដៅដែលបានកំណត់នៅពេលតម្លើងរួច ខ្ញុំ និងប្រាប់អំពីគោលដៅទាំងបីស្លាក ដែលបានតម្លើងក្នុងភូមិសាស្ត្រនីមួយៗ»។
ស្នងការរដ្ឋានបានលើកឡើងទៀតថា«នៅពេលចុះបាញ់ល្បឿនប្រសិន បើមន្ត្រីចរាចរណ៍របស់ខ្ញុំណាម្នាក់លបលួចបាញ់ល្បឿនពីក្នុងឡានពីក្នុងកម្ពោធព្រៃខុសពីគោលការណ៍ណែនាំរបស់ខ្ញុំ សូមថតអោយបានខ្ញុំ និងអនុវត្តវិន័យកងកម្លាំងនគរបាលជាតិ ចំពោះបុគ្គលដែលប្រព្រឹត្តខុស» ។
ក្រោយពីឃើញលោកស្នងការខេត្តកំពតបង្ហោះសារជាមួយរូបថតកំណត់ល្បឿន អ្នកលេងបណ្តាញសង្គមហ្វេសប៊ុកបានប្រកាសអបអរសាទរនឹងចង់ឃើញនៅតាមបណ្តាខេត្តនានាយកគំរូតាមខេត្តកំពតផងដែរ ៕
ចែករំលែកព័តមាននេះ