ADផ្ទាំងផ្សព្វផ្សាយពាណិជ្ជកម្ម

Picture

អ្នក​នាង ខាត់ សុ​ឃី​ម ព្រម​ឈរឈ្មោះ​បោះ​ឆ្នោត​ធ្វើ​ជា​ប្រធាន​សមាគម​សិល្បករ​ខ្មែរ អាណត្តិ​ថ្មី

3 ខែ មុន

រាជធានី​ភ្នំពេញ ៖ ក្រោយ​ពី​អ្នក​នាង ច​ន ច័ន្ទ​ល​ក្ខិ​ណា ប្រកាស​បញ្ចប់​អាណត្តិ​របស់​ខ្លួន​ពី​ប្រធាន «​សមាគម​សិល្បករ​ខ្មែរ​» នា​ពេល​ថ្មី​ៗ​នេះ​រួច​មក គេ​ស​ង្គេ​ត​ឃើញ​នៅ​លើ​បណ្ដាញ​ទំនាក់ទំនង​សង្គម មាន​បងប្អូន​សិល្បករ​ជា​ច្រើន​នាក់…

រាជធានី​ភ្នំពេញ ៖ ក្រោយ​ពី​អ្នក​នាង ច​ន ច័ន្ទ​ល​ក្ខិ​ណា ប្រកាស​បញ្ចប់​អាណត្តិ​របស់​ខ្លួន​ពី​ប្រធាន «​សមាគម​សិល្បករ​ខ្មែរ​» នា​ពេល​ថ្មី​ៗ​នេះ​រួច​មក គេ​ស​ង្គេ​ត​ឃើញ​នៅ​លើ​បណ្ដាញ​ទំនាក់ទំនង​សង្គម មាន​បងប្អូន​សិល្បករ​ជា​ច្រើន​នាក់ បាន​បង្ហោះ​រូបភាព អម​ដោយ​ខ្លឹមសារ​គាំទ្រ តារា​ពហុ​ជំនាញ​អ្នក​នាង ខាត់ សុ​ឃី​ម ឲ្យ​ឈរឈ្មោះ​ធ្វើការ​បោះ​ឆ្នោត ធ្វើ​ជា​ប្រធាន​សមាគម សម្រាប់​អាណត្តិ​ថ្មី នៅ​ក្នុង​ឆ្នាំ​២០២៤​នេះ ។

បើ​យោង​តាម​ការ​បង្ហោះ​សារ​របស់​អ្នក​នាង ខាត់ សុ​ឃី​ម នៅ​យប់​ថ្ងៃ​ទី​១៦ កុម្ភៈ​នេះ​ថា ៖ «​សូម​ថ្លែង​អំណរ អរគុណ​ដល់ ឯកឧត្តម លោក​ជំទាវ លោក​ឧកញ៉ា បងប្អូន​មិត្ត​សិល្បៈ បងប្អូន​ទស្សនិកជន បណ្តាសារ​ព័ត៌មាន​ទាំងអស់ បង្ហោះ​សារ​គាំទ្រ​នាង​ខ្ញុំ ជា​ការ​លើកទឹកចិត្ត​ដ៏​ល្អ​របស់​បងប្អូន ហើយ នាង​ខ្ញុំ​ពិតជា​សប្បាយចិត្ត​មែនទែន ដែល​ប្អូន​ៗ​របស់ខ្ញុំ ក៏​ដូច​ជា​ទស្សនិកជន បាន​គាំទ្រ​នាង​ខ្ញុំ​ផង​ដែរ ។ រឿង​ឈរឈ្មោះ ជា​ប្រធាន​សមាគម​សិល្បករ​ខ្មែរ នាង​ខ្ញុំ​មិន​បានដឹង រឺ​ត្រៀម​ទុក​មុន ធ្វើ​នោះ​ទេ ប៉ុន្តែ​បើ​មានការ​គាំទ្រ នឹង​ទុកចិត្ត​ពី​បងប្អូន​សិល្បករ ទស្សនិកជន នាង​ខ្ញុំ​នឹង​គិតគូរ​ស្វែង​យល់​បន្ថែម​ចំពោះ​រឿង​នេះ ។ ដោយ​ក្តី​គោរព​ពី​នាង​ខ្ញុំ ខាត់ សុ​ឃី​ម​» ។

ជាមួយ​គ្នា​នេះ មានការ​ចែករំលែក​បន្តបន្ទាប់ ដោយ​គាំទ្រ​ឲ្យ​តារា​ពហុ​ជំនាញ ខាត់ សុ​ឃី​ម ធ្វើ​ជា​ប្រធាន​សមាគម​ថ្មី​នេះ ក្រោម​ហេតុផល​ថា អ្នក​នាង ខាត់ សុ​ឃី​ម ស្រឡាញ់​រាប់អាន​ស្មើ​ៗ​គ្នា​មិន​លំអៀង​។ មិន​ខុស​ពី​គេ មានចិត្ត​អភិរក្ស និង​អភិវឌ្ឍន៍​សិល្បៈ វប្បធម៌​ខ្មែរ យ៉ាង​ពិតប្រាកដ​។ សមត្ថភាព បទ​ពិសោធន៍​ច្រើន​ឆ្នាំ ទៅ​លើ​ជំនាញ​សិល្បៈ ច្រើន​ទម្រង់ ។​ល​។

ជុំវិញ​ការ​គាំទ្រ​ឲ្យ​អ្នក​នាង ខាត់ សុ​ឃី​ម ឈរឈ្មោះ​នេះ បន្ទាប់​ពី​អ្នក​នាង ច​ន ច័ន្ទ​ល​ក្ខិ​ណា បាន​ប្រកាស​នៅ​លើ​បណ្តាញ​សង្គម​កាលពី​ថ្ងៃ​ទី​១៣ ខែកុម្ភៈ ថា ក្នុង​នាម​សមាគម​សិល្បករ​ខ្មែរ នាង​ខ្ញុំ​មាន​កិត្តិយស​សូម​គោរព​ជម្រាប​ជូន​លោក​ជំទាវ​ម៉ែ ហ៊ុន ស៊ី​ណាត និង​បងប្អូន​សិល្បករ​-​សិល្ប​ការិនី ក៏​ដូច​ជា​សាធារណជន​ទាំងអស់ មេត្តា​ជ្រាប​ថា យោង​តាម​លក្ខន្តិកៈ​របស់​សមាគម​សិល្បករ​ខ្មែរ ដែល​ទទួលស្គាល់​ដោយ​ក្រសួងមហាផ្ទៃ ការ​បោះ​ឆ្នោត​ជ្រើសរើស​ប្រធាន​សមាគម​មាន​អាណត្តិ​៥​ឆ្នាំ​ម្ដង ។

ដោយឡែក សម្រាប់​អាណត្តិ​នាង​ខ្ញុំ​ចាប់ផ្ដើម​ពី​ថ្ងៃ​ទី​០៧ ខែកក្កដា ឆ្នាំ​២០១៧ រហូត​មក​ដល់​ពេល​នេះ មាន​រយៈពេល​ជាង​៦​ឆ្នាំ​ហើយ ។ នោះ​ក៏​ព្រោះតែ​ឆ្នាំ​ទី​៥ ដែល​ត្រូវ​បោះ​ឆ្នោត គឺជា​ពេលវេលា​កំពុង​មាន​វិបត្តិ​ធ្ងន់ធ្ងរ​នៃ​ជំងឺ​កូ​វី​ដ​-១៩ រាជរដ្ឋាភិបាល​មិន​អនុញ្ញាត​ឱ្យ​មានការ​ជួបជុំ​ឡើយ ទើប​ថ្នាក់ដឹកនាំ​របស់​សមាគម​សម្រេច​ពន្យារពេល​បោះ​ឆ្នោត​អាណត្តិ​ថ្មី រហូត​មក​ដល់​បច្ចុប្បន្ន ។

ទោះបីជា​យ៉ាងណា សមាគម​កំពុងធ្វើការ​ជាមួយ​ស្ថាប័ន​ដែល​ពាក់ព័ន្ធ ដើម្បី​រៀបចំ​ការ​បោះ​ឆ្នោត​អាណត្តិ​ថ្មី​នៅ​ក្នុងឆ្នាំនេះ ហើយ​សមាគម​សូម​ស្វាគមន៍​យ៉ាង​កក់ក្ដៅ​ចំពោះ​រៀមច្បង​សិល្បករ និង​បងប្អូន​សិល្បករ សិល្ប​ការិនី​ទូទៅ ដែល​មាន​បំណង​ចង់​ឈរឈ្មោះ​បោះ​ឆ្នោត ដើម្បី​បន្ត​ដឹកនាំ​សមាគម​សិល្បករ​ខ្មែរ​ក្នុង​អាណត្តិ​ថ្មី​ឱ្យ​កាន់តែ​រីក​ចម្រើន​សំដៅ​គាំពារ​ដល់​សិល្បករ​គ្រប់​ទម្រង់​ជា​ពិសេស​សិល្បករ​ចាស់ជរា មាន​ពិការ​ភាព និង​មាន​ជីវភាព​ខ្វះខាត​ជាដើម​។ សូម​គោរព​អរគុណ​ដល់​ថ្នាក់ដឹកនាំ និង​បងប្អូន​សិល្បករ​ទាំងអស់ ដែល​បាន​គាំទ្រ​រូប​នាង​ខ្ញុំ​កន្លង​មក ៕

អត្ថបទសរសេរ ដោយ