លោក ពូទីន ជំរុញគ្រួសាររុស្ស៊ីយកកូនច្រើនបន្ថែមទៀត ដើម្បីប្រយោជន៍ប្រទេសជាតិ
រុស្ស៊ី ៖ ប្រធានាធិបតីរុស្ស៊ី លោក វ្ល៉ាដឺមៀ ពូទីន (Vladimir Putin) កាលពីថ្ងៃទី១៥ ខែកុម្ភៈ ឆ្នាំ២០២៤
រុស្ស៊ី ៖ ប្រធានាធិបតីរុស្ស៊ី លោក វ្ល៉ាដឺមៀ ពូទីន (Vladimir Putin) កាលពីថ្ងៃទី១៥ ខែកុម្ភៈ ឆ្នាំ២០២៤
រុស្ស៊ី ៖ ប្រធានាធិបតីរុស្ស៊ី លោក វ្ល៉ាដឺមៀ ពូទីន (Vladimir Putin) កាលពីថ្ងៃទី១៥ ខែកុម្ភៈ ឆ្នាំ២០២៤ កន្លងទៅ បានថ្លែងថា គ្រួសាររុស្ស៊ី ត្រូវតែបង្កើតកូនយ៉ាងហោចណាស់២នាក់ សម្រាប់ប្រយោជន៍ដល់ការរស់រានមានជីវិតរបស់ជនជាតិរស្ស៊ី ហើយ៣នាក់ ឬច្រើនជាងនេះ ដើម្បីអភិវឌ្ឍ និងការរីកចម្រើនដល់ប្រទេសជាតិ។
លោក ពូទីន បានប្រាប់កម្មករនៅឯរោងចក្រផលិតរថក្រោះមួយកន្លែង នៅក្នុងតំបន់ភូមិសាស្ត្រអ៊ុយរ៉ាល់ (Ural) ថា កុមារ២នាក់ក្នុង១គ្រួសារគឺជាចំនួនអប្បបរមា ដែលប្រជាជននៃប្រទេសរុស្ស៊ីត្រូវរក្សាអត្តសញ្ញាណរបស់ពួកគេ។ លោកបានថ្លែងថា «បើយើងចង់រស់រានមានជីវិតជាក្រុមជនជាតិ ដែលរស់នៅក្នុងប្រទេសរុស្ស៊ី យើងត្រូវតែមានកូនយ៉ាងហោចណាស់២នាក់»។
បុរសខ្លាំងរុស្ស៊ីរូបនេះ បានបន្តទៀតថា «ប្រសិនបើគ្រួសារនីមួយៗមានកូនតែម្នាក់ នោះចំនួនប្រជាជននឹងថយចុះ។ ហើយដើម្បីពង្រីក និងអភិវឌ្ឍប្រទេសជាតិ អ្នកត្រូវមានកូនយ៉ាងហោចណាស់៣នាក់»។ លោក ពូទីន ប្រកាសខ្លួនឯងថា គឺជាអ្នកគាំទ្រនៃតម្លៃប្រពៃណី ដោយផ្អែកលើសង្គមគ្រួសារ ប្រទេសជាតិ និងជំនឿគ្រិស្តអូស្សូដក់ (Orthodox Christian)។
ប្រទេសរុស្ស៊ី បានទទួលរងនូវការថយចុះចំនួនប្រជាជនបន្តិចម្តងៗ ចំនួន២ទសវត្សកន្លងមកហើយ ខណៈដែលប្រទេសមួយនេះ ក៏កំពុងទទួលរងគ្រោះការបាត់បង់ជីវិតមនុស្សយ៉ាងច្រើននៅក្នុងសង្គ្រាម ដែលមិនត្រូវបានបង្ហាញតួលេខ ចាប់តាំងពីការផ្ទុះសង្គ្រាមជាមួយនឹងអ៊ុយក្រែនអស់ពេលជិត២ឆ្នាំកន្លងមកនេះ។ ស្របពេលមនុស្សរាប់សែននាក់ផ្សេងបានភៀសខ្លួនចេញពីប្រទេសកំណើត ដើម្បីគេចចេញពីសង្គ្រាម បូករួមនឹងការភ័យខ្លាចការកោះហៅចូលបម្រើក្នុងជួរកងទ័ព។
យោងតាមការិយាល័យស្ថិតិរដ្ឋរុស្ស៊ីបានប៉ាន់ប្រមាណចំនួនប្រជាជនចំនួន ១៤៦.៤លាននាក់ នៅដើមឆ្នាំ ២០២៣ ដែលធ្លាក់ចុះពីជិត ១៤៩លាននាក់ កាលពី២០ឆ្នាំមុន ប៉ុន្តែកើនឡើងពីកម្រិតទាបប្រហែល ១៤៣លានចន្លោះពីឆ្នាំ ២០០៧ និង ២០១២៕ (ប្រភព ៖ Reuters)
ចែករំលែកព័តមាននេះ