មនុស្សយើងម្នាក់ៗកាលណាយើងចេះរកចេះចាយ ប៉ុន្តែមិនចេះសន្សំ គឺដាច់ខាត យើងនឹង មានស្ថានភាពនៅតែក្រ ពោល គឺរកអីមិនចេះសល់ ។ ដូច្នេះសូមចំណាយពេលតាមដាន៨គន្លឹះនេះ ត្រឹមតែ៣ទៅ៤នាទីប៉ុណ្ណោះហើយអនុវត្តវា…
មនុស្សយើងម្នាក់ៗកាលណាយើងចេះរកចេះចាយ ប៉ុន្តែមិនចេះសន្សំ គឺដាច់ខាត យើងនឹង មានស្ថានភាពនៅតែក្រ ពោល គឺរកអីមិនចេះសល់ ។ ដូច្នេះសូមចំណាយពេលតាមដាន៨គន្លឹះនេះ ត្រឹមតែ៣ទៅ៤នាទីប៉ុណ្ណោះហើយអនុវត្តវា ។ ពេលនោះអ្នកអាចចេះសន្សំហើយ ។ ការសន្សំ គឺកាន់តែងាយស្រួលនៅពេលដែលយើងមានគម្រោង ហើយអនុវត្តវាតាមជំហាន ទាំងនេះ ។
ដើម្បីជាជំនួយនៅក្នុងការបង្កើតយន្តការការសន្សំសម្រាប់អ្នកផ្ទាល់កម្មវិធីលុយនៃសារព័ត៌មានកោះសន្តិភាព សូមណែនាំនូវជំហានទាំងនេះ ហើយយើងគិតថា វា គឺជាជំហានអាចជួយអ្នកបង្កើតយុទ្ធសាស្ត្រដ៏សាមញ្ញ និងជាក់ស្តែង ។ ដូច្នេះអ្នកអាចសន្សំបានសម្រាប់ គោលដៅរយៈពេលខ្លី និងរយៈពេលវែងតាមដែលអ្នកប្រាថ្នា ។
១ ធ្វើកំណត់ត្រាការចំណាយរបស់អ្នក
ជំហានដំបូង ដើម្បីចាប់ផ្តើមការសន្សំប្រាក់ គឺការស្វែងយល់ថា តើអ្នកចំណាយប៉ុន្មាន ។ តាមដានរាល់ការចំណាយរបស់អ្នកមានន័យថា រាល់កាហ្វេរបស់របរប្រើប្រាស់ក្នុងផ្ទះ និងព័ត៌មានជំនួយសាច់ប្រាក់ ព្រមទាំងប្រមូលវិក័យបត្រប្រចាំខែនានា ។ កត់ត្រាការចំណាយរបស់អ្នកតាមវិធីងាយៗដោយខ្មៅដៃ និងក្រដាស រួមទាំងសៀវភៅបញ្ជីផ្សេងៗ ។ ពេលអ្នកមានទិន្នន័យរបស់អ្នកហើយរៀបចំកត់ត្រាតាមប្រភេទនៃការចំណាយដូចជា ហ្គាស គ្រឿងទេស និងកម្ចីទិញផ្ទះ ។
២ បញ្ជ្រាបការសន្សំចូលក្នុងថវិការបស់អ្នក
ពេលអ្នកដឹងពីអ្វីដែលអ្នកចំណាយក្នុងមួយខែ អ្នកអាចចាប់ផ្តើមបង្កើតថវិកាសន្សំ ។ ថវិកា របស់អ្នកគួរតែបង្ហាញពីការចំណាយរបស់អ្នកទាក់ទងទៅនឹងប្រាក់ចំណូលរបស់អ្នក ។ ដូច្នេះអ្នកអាចរៀបចំផែនការចំណាយរបស់អ្នក និងកំណត់ការចំណាយលើស ។ អ្នកត្រូវប្រាកដថាកត្តានៃការចំណាយដែលកើតឡើងជាទៀងទាត់ ប៉ុន្តែមិនមែនរៀងរាល់ខែ ដូចជា ការថែទាំរថយន្តជាដើម ។ រួមបញ្ចូលទស្សនៈសន្សំនៅក្នុងថវិការបស់អ្នក ហើយមានបំណងរក្សាទុកចំនួនទឹកប្រាក់ដែលដំបូងមានអារម្មណ៍ស្រួលសម្រាប់អ្នក ពោល គឺការសន្សំតិចៗត្រឹមពី១៥ ទៅ ២០ ភាគរយនៃប្រាក់ចំណូលរបស់អ្នក ។
៣ ស្វែងរកវិធីកាត់បន្ថយការចំណាយ
ប្រសិនបើអ្នកមិនអាចសន្សំបានច្រើនតាមដែលអ្នកចង់បានទេ អ្នកអាចកំណត់រកអ្វីដែលមិនសំខាន់ដូចជា ការកម្សាន្ត និងការញ៉ាំអាហារនៅខាងក្រៅ ដែលអ្នកអាចចំណាយច្រើន ។ ស្វែងរកវិធី ដើម្បីសន្សំលើការចំណាយប្រចាំខែថេររបស់អ្នក ដូចជា ការស្វែងរកសកម្មភាពឥតគិតថ្លៃ ដើម្បីបម្រើការកម្សាន្ត ស្វែងរករបស់របរចាំបាច់ដែលលក់នៅពេលបញ្ចុះតម្លៃជាដើម ។
៤ កំណត់គោលដៅសន្សំ
មធ្យោបាយដ៏ល្អបំផុតមួយ ដើម្បីសន្សំប្រាក់ គឺការកំណត់គោលដៅ ។ ចាប់ផ្តើមដោយគិត អំពីអ្វីដែលអ្នកប្រហែលជាចង់សន្សំទាំងក្នុងរយៈពេលខ្លី និងរយៈពេលវែង ។ បន្ទាប់មកប៉ាន់ស្មានថា តើអ្នកត្រូវការប្រាក់ប៉ុន្មាន និងរយៈពេលដែលវាប្រហែលជាត្រូវចំណាយដើម្បីសន្សំវា។
៥ កំណត់អាទិភាពហិរញ្ញវត្ថុរបស់អ្នក
បន្ទាប់ពីពិនិត្យការចំណាយ និងប្រាក់ចំណូលរបស់អ្នក គោលដៅរបស់អ្នកទំនងជាមានឥទ្ធិពលបំផុតទៅលើរបៀបដែលអ្នកបែងចែកប្រាក់សន្សំរបស់អ្នក ។ ជាឧទាហរណ៍ ប្រសិនបើអ្នកដឹងថា អ្នកនឹងត្រូវការប្តូររថយន្តរបស់អ្នកក្នុងពេលដ៏ខ្លីខាងមុខនេះ អ្នកអាចចាប់ផ្តើមដកប្រាក់មួយចំណែកឥឡូវនេះ ប៉ុន្តែត្រូវប្រាកដថា រាល់សកម្មភាពវានឹងមិនប៉ះពាល់ដល់ផែនការរយៈពេលវែងរបស់អ្នក ។ ការរៀនពីរបៀបកំណត់អាទិភាពគោលដៅសន្សំរបស់អ្នកអាចផ្តល់ឱ្យអ្នកនូវគំនិតច្បាស់លាស់អំពីរបៀបបែងចែកប្រាក់សន្សំរបស់អ្នក ។
៦ ជ្រើសរើសយន្តការសន្សំឲ្យត្រឹមត្រូវ
វិធី និងរបៀបសន្សំក៏ត្រូវតែរិះគិតផងដែរ ហើយវិធីដែលត្រូវអនុវត្តអាចជាការបើកគណនី សន្សំមានរយៈពេលកំណត់ ឬក៏ជាការដកសាច់ប្រាក់ ដើម្បីទៅវិនិយោគ ។ ពេលខ្លះបើមាន លទ្ធភាពយើងអាចអនុវត្តទាំងព្រមក៏បាន ។ សូមក្រឡេកមើលដោយប្រុងប្រយ័ត្ននូវជម្រើសទាំងអស់ ហើយពិចារណាសមតុល្យអប្បបរមា ថ្លៃសេវា អត្រាការប្រាក់ ហានិភ័យ និងថា តើអ្នកនឹងត្រូវការប្រាក់ប៉ុន្មានឆាប់ៗនេះ ។ ដូច្នេះអ្នកអាចជ្រើសរើសយន្តការដែលនឹងជួយអ្នកសន្សំបានល្អបំផុតសម្រាប់គោលដៅរបស់អ្នក ។
៧ ការរក្សាទុកដោយស្វ័យប្រវត្តិ
ធនាគារស្ទើរតែទាំងអស់ផ្តល់ជូននូវសេវាការផ្ទេរប្រាក់ដោយស្វ័យប្រវត្តិរវាងគណនីចរន្ត និងគណនីសន្សំរបស់អ្នក ។ អ្នកអាចជ្រើសរើសនៅពេលណា ប៉ុន្មាន និងគណនីដែលត្រូវផ្ទេរប្រាក់ ឬសូម្បីតែបំបែកប្រាក់បញ្ញើដោយផ្ទាល់របស់អ្នក ដើម្បីឱ្យផ្នែកនៃប្រាក់បៀវត្សរ៍នីមួយៗចូលទៅក្នុងគណនីសន្សំរបស់អ្នកដោយផ្ទាល់ ។
៨ តាមដានការសន្សំរបស់អ្នក
ពិនិត្យមើលថវិកា និងវឌ្ឍនភាពរបស់អ្នកជារៀងរាល់ខែ ។ ការពិនិត្យជាទៀតទាត់នេះវានឹង ជួយអ្នកមិនត្រឹមតែប្រកាន់ខ្ជាប់នូវផែនការសន្សំផ្ទាល់ខ្លួនរបស់អ្នកប៉ុណ្ណោះទេ ប៉ុន្តែថែមទាំង កំណត់ និងដោះស្រាយបញ្ហាបានយ៉ាងឆាប់រហ័សផងដែរ ។ ការយល់ដឹងពីរបៀបសន្សំប្រាក់ ថែមទាំងអាចជំរុញអ្នកឱ្យស្វែងរកវិធីបន្ថែមទៀតដើម្បីសន្សំ និងសម្រេចគោលដៅរបស់អ្នកបានលឿនជាងមុន ៕ ដោយៈ ហេង ចេស្តារ
ចែករំលែកព័តមាននេះ