ADផ្ទាំងផ្សព្វផ្សាយពាណិជ្ជកម្ម

Picture

ទីបំផុត ! សឿ សុធារ៉ា ទទួលបានផ្ទះដើម្បីជ្រកកោនដូចបំណងហើយ

3 អាទិត្យ មុន
  • ភ្នំពេញ

រាជធានី​ភ្នំពេញ ៖ នៅ​ទីបំផុត តារា​សម្តែង​អ្នក​នាង សឿ សុធា​រ៉ា បាន​ទទួល​ផ្ទះ​ថ្មី​សម្រាប់​ជ្រកកោន​ដូច​បំណង​ហើយ បន្ទាប់​ពី​តារា​រូប​នេះ​បាន​រសាត់​ខ្លួន​ជាមួយនឹង​កូន​ៗ​ក្នុងផ្ទះ​ជួល​មួយ​កន្លែង​ជាមួយនឹង​ជីវភាព​ក្រលំបាក ក្រោយ​ពី​បាត់​មុខ​ពី​សិល្បៈ​អស់​មួយ​រយៈ និង​ជួប​រឿង​មិន​ល្អជា​បន្តបន្ទាប់…

រាជធានី​ភ្នំពេញ ៖ នៅ​ទីបំផុត តារា​សម្តែង​អ្នក​នាង សឿ សុធា​រ៉ា បាន​ទទួល​ផ្ទះ​ថ្មី​សម្រាប់​ជ្រកកោន​ដូច​បំណង​ហើយ បន្ទាប់​ពី​តារា​រូប​នេះ​បាន​រសាត់​ខ្លួន​ជាមួយនឹង​កូន​ៗ​ក្នុងផ្ទះ​ជួល​មួយ​កន្លែង​ជាមួយនឹង​ជីវភាព​ក្រលំបាក ក្រោយ​ពី​បាត់​មុខ​ពី​សិល្បៈ​អស់​មួយ​រយៈ និង​ជួប​រឿង​មិន​ល្អជា​បន្តបន្ទាប់ ។

ផ្ទះ​ថ្មី​ដែល​អ្នក​នាង សឿ សុធា​រ៉ា ទទួល​បាន​នា​ពេល​នេះ គឺ​ស្ថិត​ក្នុង​បុរី ម៉​ន ដា​នី ដែល​ជា​អំណោយ​សប្បុរសធម៌​ពី ឯកឧត្តម ខៀវ កា​ញ្ញា​រិ​ទ្ធ អតីតរដ្ឋមន្ត្រី​ក្រសួង​ព័ត៌មាន និង​លោក​ជំទាវ ក្រោយ​ពី​ឯកឧត្តម​បានឃើញ​ពី​ជីវិត​ដ៏​លំបាក​របស់​តារា​សម្តែង​រូប​នេះ ។

ក្នុង​បទ​សម្ភាសន៍​ជាមួយ​តារា​សម្តែង​លោក សា​វី​ន ហ្វី​លី​ព នោះ​អ្នក​នាង សឿ សុធា​រ៉ា បាន​លើក​ឡើង​ថា នា​ពេល​នេះ​នាង​ពិតជា​ទទួល​បាន​ផ្ទះ​ពី​គម្រោង ម៉​ន ដា​នី រួច​ហើយដោយ​គាត់​បាន​ប្តូរ​ពី​គម្រោង​២៩ ដែល​មិន​ទាន់​សាងសង់​ឲ្យ​មក​នៅ​គម្រោង​ទី​១៤ នេះ​វិញ ។

អ្នក​នាង​បញ្ជាក់​ថា តាម​រយៈ​ផ្ទះ​មួយ​ខ្នង​នេះ អ្នក​នាង​សូម​ថ្លែងអំណរគុណ​ជូន​ចំពោះ​ឯកឧត្តម ខៀវ កា​ញ្ញា​រិ​ទ្ធ និង​លោក​ជំទាវ​ដែល​បាន​ជួយ​ឧបត្ថម្ភ​នូវ​ទឹកប្រាក់​ផ្ទាល់ខ្លួន​ចំនួន​២​ម៉ឺន​ដុល្លារ សម្រាប់​ទិញ​ផ្ទះ​នេះ ហើយ​ក៏​សូម​អរគុណ​ដល់​តារា​សម្តែង​លោក សា​វី​ន ហ្វី​លី​ព ដែល​តែងតែ​យកចិត្តទុកដាក់​ជួយ​ផ្សព្វផ្សាយ​ពី​ជីវិត​ដ៏​លំបាក​របស់​នាង​ជា​បន្តបន្ទាប់ ។

នាង​បន្ថែម​ថា តាម​រយៈ​ការ​ផ្សព្វផ្សាយ​នេះ ហើយ​ដែល​ធ្វើ​ឲ្យ​សប្បុរសជន​នានា​បាន​ជួយ​ឧបត្ថម្ភ​ដល់​រូប​នាង ដើម្បី​ដោះស្រាយ​ជីវភាព​ដែល​នាង​ស្ទើរតែ​គ្មាន​អ្វី​ទាំងអស់ ជា​ពិស​សេស គឺ​ការ​ចូលរួម​ជួយ​ធ្វើបុណ្យ​ស​.​ព​ម្តាយ ឪពុក​របស់​នាង​នា​ពេល​កន្លង​មក ។

ជា​ការ​កត់​ស​ម្កាល់ តារា​សម្តែង​អ្នក​នាង សឿ សុធា​រ៉ា បាន​ប្រែ​ក្លាយជា​តារា​ធ្លាប់​មាន​រូប​សម្រស់​ស្រស់​ផូរផង់ មក​ស្រអាប់​ពណ៌ បន្ទាប់​ពី​នាង​បាន​ធ្លាក់ខ្លួន​ផុង​ក្នុង​បំណុល​លក់​ទ្រព្យសម្បត្តិ លែងលះ​ស្វាមី និង​ឪពុក​ម្តាយ​ទទួល​មរណៈ ដែល​បង្ខំ​ឲ្យ​នាង​បាត់​មុខ​ពី​សិល្ប​អស់​ជា​ច្រើន​ឆ្នាំ ។

ក្រោយ​ជួប​រឿង​អកុសល​ជា​បន្តបន្ទាប់​អ្នក​នាង សឿ សុធា​រ៉ា ក៏​បាន​រស់នៅ​ក្នុង​ជីវិតរ​សាត់អណ្តែត​នៅ​ក្នុងផ្ទះ​ជួល​មួយ​កន្លែង នៅ​ឯ​ជាយក្រុង​ភ្នំពេញ ដោយ​ក្នុង​មួយ​ខែ​នាង​ត្រូវ​ចំណាយ​ថ្លៃ​ជួល​នេះ​ប្រមាណ​១៥០​ដុល្លារ ។

ទោះជា​យ៉ាងណា​ក្រោយ​ពេល​ដែល សឿ សុធា​រ៉ា បាន​ទទួល​ផ្ទះ​មួយ​ខ្នង​ដែល​ជា​កម្ម​សិទ្ធ​ផ្ទាល់ខ្លួន​នា​ពេល​នេះ មហាជន ជា​ពិសេស​បណ្តា​អ្នកគាំទ្រ​រូប​នាង​បាន​សម្តែង​ការ​អបអរសាទរ និង​បង្ហាញ​ក្តី​រំពឹង​ថា តារា​សម្តែង​ស្រី​រូប​នេះ​នឹង​មាន​ពន្លឺជីវិត​ជា​ថ្មី​ឡើង​វិញ និង​ខិតខំ​ប្រឹងប្រែង​តស៊ូ​ក្នុង​ជីវិត​បន្ត​ទៀត ដើម្បី​ជួយ​មើលថែ​កូន​ៗ​ដែល​កំពុង​នៅ​វ័យក្មេង​នៅឡើយ ៕

អត្ថបទសរសេរ ដោយ

កែសម្រួលដោយ