ADផ្ទាំងផ្សព្វផ្សាយពាណិជ្ជកម្ម

Picture

ព្រះ​កាយ​ច័ន្ទ បានគ្រង​ម្កុដ Miss Grand ភ្នំពេញ និងប្រាប់ពីមូលហេតុនាំឲ្យនាងប្រកួត

3 អាទិត្យ មុន
  • ភ្នំពេញ

នៅ​ទីបំផុត​កម្មវិធី Miss Grand ភ្នំពេញ​បាន​ស្វែងរក​ម្ចាស់​ម្កុដ​ឃើញ​ហើយ​កាលពី​រាត្រី​ថ្ងៃ​ទី​០២ ខែកុម្ភៈ ឆ្នាំ​២០២៤ ដោយ​ក្នុង​នោះ​តារា​ពហុ​ជំនាញ ព្រះ​កាយ​ច័ន្ទ បាន​គ្រង​ម្កុដ​មួយ​នេះ ។…

នៅ​ទីបំផុត​កម្មវិធី Miss Grand ភ្នំពេញ​បាន​ស្វែងរក​ម្ចាស់​ម្កុដ​ឃើញ​ហើយ​កាលពី​រាត្រី​ថ្ងៃ​ទី​០២ ខែកុម្ភៈ ឆ្នាំ​២០២៤ ដោយ​ក្នុង​នោះ​តារា​ពហុ​ជំនាញ ព្រះ​កាយ​ច័ន្ទ បាន​គ្រង​ម្កុដ​មួយ​នេះ ។ ក្រោយ​ការ​ប្រកួត​យ៉ាង​ស្វិតស្វាញ​ជាមួយ​បេ​ក្ខ​នារី​ពេញ​ដោយ​សមត្ថភាព និង​រូប​សម្រស់​ជា​ច្រើន​រូប ព្រះ​កាយ​ច័ន្ទ បាន​បង្ហាញខ្លួន​ធ្វើ​បាន​យ៉ាង​ល្អ ដែល​អាច​ទាក់ទាញ​គណៈកម្មការ​សម្រេច​ជ្រើសរើស​រូប​នាង អោយ​គ្រង​ម្កុដ​នៅ​ក្នុង​ច​វគ្គ​ផ្តាច់​ព្រ័ត ។

ព្រះ​កាយ​ច័ន្ទ បាន​សម្តែង​ក្តី​រំភើប​រីករាយ​យ៉ាង​ខ្លាំង ក្នុង​ពេល​ដែល​នាង​មាន​ឪ​កាស​បាន​គ្រង​ម្កុដ Miss Grand ភ្នំពេញ សម្រាប់​ត្រៀមខ្លួន​ចូលរួម​ប្រកួត Miss Grand Cambodia២០២៤ នា​ពេល​ខាង​មុខ​នេះ ហើយ​នេះ​ក៏​ជា​ការ​សម្រេច​ជោគជ័យ​នូវ​ជំ​ហ៊ាន​ដំបូង​សម្រាប់​នាង​ក្នុង​ក្តី​ស្រមៃ​លើ​វិ​ថី​បវរកញ្ញា ។

ជា​ការ​កត់សម្គាល់​តារា​សម្តែង​នាង ព្រះ​កាយ​ច័ន្ទ បាន​បង្ហាញ​នូវ​មូលហេតុ​សំខាន់​ៗ​មួយ​ចំនួន​ដែល​នាង​បាន​សម្រេចចិត្ត​ដាក់​ពាក្យ​ចូលរួម​ប្រកួត​កម្មវិធី Miss Grand Cambodia ដែល​ជា​កម្មវិធី​មួយ​កំពុង​ល្បីល្បាញ និង​មាន​អ្នកមាន​សមត្ថភាព​ជា​ច្រើន​កំពុង​ចាប់អារម្មណ៍​ចូលរួម​ការ​ប្រកួតប្រជែង ។

ក្នុង​នាម​ជា​បេក្ខភាព​មួយ​រូប​សម្រាប់​ការ​ប្រកួត Miss Grand Cambodia តំបន់​ភ្នំពេញ ព្រះ​កាយ​ច័ន្ទ បាន​បញ្ជាក់​ថា មូលហេតុ​ដែល​នាង​សម្រេច​ដាក់​ពាក្យ​ប្រឡង​ក្នុង​កម្មវិធី​ខាងលើ​នេះ គឺ​ដោយសារ​នាង​ជឿជាក់​ទៅ​លើ​សមត្ថភាព​ដែល​នាង​មាន ជា​ពិសេស​នាង​ក៏​ចង់​ត្រួសត្រាយ​ផ្លូវ​សម្រាប់​កូនសិស្ស​ដែល​នាង​កំពុង​បង្រៀន​ដែល​មាន​បំណង​បង្ហាញ​សមត្ថភាព​លើ​ឆាក​អន្តរជាតិ ។

ព្រះ​កាយ​ច័ន្ទ បាន​អះអាង​ថា កន្លង​មក​នាង​បានឃើញ​បេក្ខភាព​កម្ពុជា​ដែល​បាន​ចូលរួម​ប្រកួត Miss Grand គឺ​មិនសូវ​ទទួល​បាន​ជោគជ័យ​ឡើយ បើ​ទោះបីជា​បេក្ខភាព​របស់​យើង​មាន​រូប​សម្រស់ និង​សមត្ថ​ភាពល្អ​ក៏​ដោយ ។

មូលហេតុ​នេះ គឺជា​ការ​ជម្រុញ​ចិត្ត​របស់​នាង​ឲ្យ​ចូលរួម​ប្រកួត​ក្នុង​កម្មវិធី​មួយ​នេះ ដោយសារ​តែ​នាង​ក៏​ដឹង​ពី​សមត្ថភាព​ខ្លួនឯង សម្រាប់​កម្មវិធី​ដែល​គេ​ចង់បាន គឺ​មាននៅ​ក្នុង​ខ្លួន​របស់​នាង​ទាំងអស់ ។ នាង​បន្ថែម​ថា ប្រ​សិន​ក្នុង​ករណី​ដែល​នាង​អាច​ទៅ​បាន​ហើយ តែ​មិន​អាច​ទទួលលទ្ធផល​ណាមួយ​ទៀត​នោះ នាង​នឹង​បានដឹង​ថា កម្មវិធី​នេះ​គេ​ចង់បាន​បែប​ណា ហើយ​នោះ​ជា​បទ​ពិសោធន៍​ថ្មី​មួយទៀត​សម្រាប់​នាង ។

នាង​បញ្ជាក់​ថា ការ​ចូលរួម​ប្រកួត​របស់​នាង​ទៀត​សោត​ន៍ គឺជា​ការ​ត្រួសត្រាយ​ផ្លូវ​សម្រាប់​កូនសិស្ស​របស់​នាង ព្រោះ​បច្ចុប្បន្ន​កូនសិស្ស​របស់​នាង​ទទួល​បាន​ជោគជ័យ​នៅ​ក្នុង​ថ្នាក់​ជាតិ តែ​សម្រាប់​ឆាក​អន្តរជាតិ​នោះ គឺ​មិន​ទាន់​ឡើយ ហេតុនេះ​នាង​នឹង​នាំ​យក​បទ​ពិសោធន៍​មួយ​នេះ​មក​បង្ហាញ​សិស្ស​របស់​នាង ប្រសិនបើ​នាង​មានឱកាស​បាន​ឈាន​ជើង​ដល់​ឆាក​អន្តរជាតិ ។

សម្រាប់​ការ​ដាក់​ពាក្យ​ប្រឡង​ក្ន​ង​កម្មវិធី​ខាងលើ ព្រះ​កាយ​ច័ន្ទ បាន​ប្រកាស​ពី​ការ​តាំងចិត្ត​របស់​នាង​ថា នាង​ដាក់​ពាក្យ​ប្រ​គួ​ត Miss Grand Cambodia ហើយ​បើ​នាង​មិន​បាន​ជាប់​ទៅ​ប្រ​គួ​ត​នៅ Miss Grand International ទេ នាង​សុំ​មិន​ទៅ​ប្រកួត​ក្នុង​កម្មវិធី​ផ្សេង​នោះ​ទេ អគុណ​ដែល​បងប្អូន​គ្រាំ​ទ្រ នាង​នឹង​មិន​ធ្វើ​ឲ្យ​បងប្អូន​អស់សង្ឃឹម​ឡើយ នាង​នឹង​ព្យាយាម​បន្ថែម​ដើម្បី​កម្ពុជា ៕

អត្ថបទសរសេរ ដោយ

កែសម្រួលដោយ