ភ្នំពេញ៖ សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បាន​ចេញអនុក្រឹត្យ បង្កើតក្រុមគ្រូពេទ្យថែទាំព្រះរាជសុខភាព ថ្វាយព្រះករុណា ព្រះមហាក្សត្រ និងសម្ដេចព្រះវររាជមាតា។ អនុក្រឹត្យ បង្កើតក្រុមគ្រូពេទ្យនេះ ត្រូវបានសម្តេចធិបតី ហ៊ុន ម៉ាណែត ចុះហត្ថលេខា​ កាលពីថ្ងៃទី៨ ខែវិច្ឆិកា ឆ្នាំ២០២៣ ហើយ​ត្រូវគេផ្សព្វផ្សាយ នៅល្ងាចថ្ងៃទី២៥ ខែមករា ឆ្នាំ២០២៤​។

ក្រុមគ្រូពេទ្យថែទាំ​ព្រះរាជសុខភាពថ្វាយ​ព្រះមហាក្សត្រ និងសម្តេចម៉ែ មានវេជ្ជបណ្ឌិតជំនាញៗ​ ចំនួន ៨រូប ដែលមានលោកសាស្ត្រាចារ្យ ឈាង រ៉ា រដ្ឋមន្ត្រីមន្ត្រីក្រសួងសុខាភិបាល ជាប្រធាន និងអនុប្រធាន ២រូប ព្រមទាំង​សមាជិក ៥រូប​។