បុរសម្នាក់បានស្លា.ប់បា.ត់ប.ង់ ក្រោយពេលបញ្ជូនទៅដល់មន្ទីរពេទ្យ ចំណែកឯបុរសម្នាក់ទៀត រងរបួសធ្ងន់ ខណៈពេលជិះម៉ូតូតាមផ្លូវ ហើយត្រូវរថយន្តម៉ាកតាកូម៉ា ពាក់ផ្លាកលេខខេមរភូមិន្ទ បើកដោយ
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់បានស្លា.ប់បា.ត់ប.ង់ ក្រោយពេលបញ្ជូនទៅដល់មន្ទីរពេទ្យ ចំណែកឯបុរសម្នាក់ទៀត រងរបួសធ្ងន់ ខណៈពេលជិះម៉ូតូតាមផ្លូវ ហើយត្រូវរថយន្តម៉ាកតាកូម៉ា ពាក់ផ្លាកលេខខេមរភូមិន្ទ បើកដោយបុរសម្នាក់ទៀតទាំងស្ថានភាពស្រវឹង ក្នុងល្បឿនលឿន រួចបុ.ករះពីក្រោយម៉ូតូពេញទំហឹងតែម្ដង។ ស្រាប់តែភ្លាមៗនោះ ក៏មានជនឆ.ក់ឱកាសលើកយកម៉ូតូជនរងគ្រោះម៉ាកស្គុបពី ជិះទៅបាត់ ចំណែករថយន្តបង្ក និងអ្នកបើកត្រូវសមត្ថកិច្ចតាមឃាត់ខ្លួនបានភ្លាមៗ បង្កឲ្យមានការភ្ញាក់ផ្អើលកាលពីវេលាម៉ោង១០និង៣០នាទីយប់ ថ្ងៃទី១៤ ខែមករា ឆ្នាំ២០២៤ នៅចំណុចលើផ្លូវ៩២កែងផ្លូវ ភ្នំពេញហាណូយ ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
សេចក្តីរាយការណ៍បន្តថា ស.ពជនរងគ្រោះខាងលើមានឈ្មោះ រស់ កុសល ភេទប្រុស អាយុ២៧ឆ្នាំ មុខរបរអ្នករត់តុការ ស្នាក់នៅស្រុកស្អាង ខេត្តកណ្ដាល និងជនរងគ្រោះម្នាក់ទៀតមិនស្គាល់ឈ្មោះ ជិះម៉ូតូម៉ាកហុងដាស្គុបពី ពណ៌ស មិនចាំស្លាកលេខ (ត្រូវជនសង្ស័យលួ.ចទៅបាត់) ។
តាមប្រភពពីកន្លែងកើតហេតុ បានប្រាប់ឲ្យដឹងថា មុនកើតហេតុ គេឃើញជនរងគ្រោះ២នាក់ជិះម៉ូតូ២គ្រឿងផ្សេងគ្នា ដោយមួយគ្រឿងម៉ាកហុងដាស្គប់ពី ពណ៌ស មិនចាំស្លាកលេខ និងមួយគ្រឿងទៀតម៉ាកហុងដាប៊ីត ពណ៌ស ពាក់ផ្លាកលេខ កណ្តាល1AS-0435 ជិះស្របគ្នាតាមបណ្តោយផ្លូវលេខ៩២ ក្នុងទិសដៅពីកើតទៅលិច ក្នុងល្បឿនមធ្យម។
ប្រភពដដែលបន្តថា ខណៈពេលម៉ូតូទាំង២គ្រឿងខាងលើជិះមកដល់ចំណុចកើតហេតុ កែងនឹងផ្លូវភ្នំពេញហាណូយ ស្រាប់តែគេឃើញមានរថយន្តបង្កមួយគ្រឿង ម៉ាកតាកូម៉ា ពណ៌ស ពាក់ផ្លាកលេខ ខេមរភូមិន្ទ02 2-0035 បើកបរដោយបុរសម្នាក់ តាមបណ្តោយផ្លូវលេខ៩២ មកពីក្រោយ ស្របទិសគ្នាពីកើតមកលិច ក្នុងល្បឿនយ៉ាងលឿនទាំងស្ថានភាពស្រវឹងជោកជាំ រួចទៅបុ.ករះពីក្រោយម៉ូតូទាំង២គ្រឿងពេញទំហឹង បណ្ដាលឱ្យប៉ើងទៅមុខជាច្រើនម៉ែត្រ។
ប្រភពដដែលបន្តថា ភ្លាមៗនោះដែរ ពលរដ្ឋជិតខាងក៏នាំគ្នាទាក់ទងទៅរថយន្តសាមុយ មកដឹកជនរងគ្រោះទាំង២នាក់ទៅសង្គ្រោះភ្លាមៗ តែជាអកុសលបុរសរងគ្រោះម្នាក់ ដោយមានសភាពធ្ងន់ធ្ងរពេក ក៏បានដាច់ខ្យល់ស្លា.ប់ខណៈពេលបញ្ជូនដល់មន្ទីរពេទ្យតែម្តងទៅ ចំណែកបុរសម្នាក់ទៀតកំពុងតែសង្គ្រោះបន្ទាន់។ រីឯរថយន្តបង្កវិញ មិនព្រមឈប់ដោះស្រាយនោះទេ គឺព្យាយាមរត់គេចខ្លួន រហូតដល់ផ្លូវលំជិតមណ្ឌលកែប្រែឱកាសខ្ញុំ ក៏ត្រូវសមត្ថកិច្ចតាមឃាត់បានទាំងរថយន្ត និងអ្នកបើករថយន្ត រួចយកទៅប៉ុស្ដិ៍នគរបាលសង្កាត់ឃ្មួញ ហើយប្រគល់ឲ្យសមត្ថកិច្ចជំនាញ។ ដោយឡែកម៉ូតូម៉ាកស្កុបពី របស់ជនរងគ្រោះ ខណៈពេលគ្រោះថ្នាក់ចរាចរណ៍ ក៏ត្រូវបានជនឆ្លៀតឱកាសលួ.ចយកទៅបាត់តែម្ដង។
ក្រោយពេលកើតហេតុខាងលើ សមត្ថកិច្ចមូលដ្ឋានប៉ុស្តិ៍ភ្នំពេញថ្មី សហការជាមួយជំនាញចរាចរណ៍ខណ្ឌសែនសុខ បានចុះទៅដល់ពិនិត្យជុំវិញទីតាំងកើតហេតុ រួចក៏ទំនាក់ទំនងទៅមន្ត្រីជំនាញចរាចរណ៍ក្រុងបន្ត ដើម្បីចុះមកធ្វើការវាស់វែង និងធ្វើកំណត់ហេតុ រួចយករថយន្តបង្ក និងម៉ូតូជនរងគ្រោះទៅរក្សារទុក ដើម្បីរង់ចាំការដោះស្រាយនៅថ្ងៃក្រោយ។ ចំណែកស.ពជនរងគ្រោះត្រូវបានសមត្ថកិច្ចជំនាញ ធ្វើលិខិតប្រគល់ស.ពអោយក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ