រាជធានីភ្នំពេញ ៖ ក្នុងនាមជាអ្នកសិល្បៈរួមជំនាន់ តារាសម្តែង៣ដួង គឺអ្នកនាង កែវ ពេជ្រ ពិសី, ដាញ់ ម៉ូនីកា និង សារ៉ាយ សក្កណា បានបង្ហាញវត្តមានដ៏កម្ររួមគ្នាចូលរួមពិធីបុណ្យស.ព៧ថ្ងៃឪពុករបស់អ្នកនាង សឿ សុធារ៉ា ដែលធ្វើឡើងកាលពីថ្ងៃទី៩ ខែមករា ឆ្នាំ២០២៤ម្សិលម៉ិញនេះ ។
ការចូលរួមពីតារាសម្តែងទាំង៣ដួងខាងលើនេះ ត្រូវបានគេចាត់ទុកថា គឺជាការផ្តល់កម្លាំងចិត្តដ៏សំខាន់សម្រាប់អ្នកនាង សឿ សុធារ៉ា ដែលកំពុងជួបទុក្ខធំ ដោយត្រូវបា.ត់ប.ង់អ្នកមានគុណ ក៏ដូចជាការរាប់អានមិនអាចភ្លេចគ្នាក្នុងគ្រាលំបាក ក្នុងពេលអ្នកនាង សឿ សុធារ៉ា កំពុងតែខ្វះខាតលើជីវភាព ជាមួយនឹងការទទួលមើលថែកូនចំនួន២នាក់នៅក្នុងបន្ទុកផងដែរ។
ក្នុងពេលទៅចូលរួមពិធីខាងលើនេះតារាសម្ដែង កែវ ពេជ្រពិសី, ដាញ់ ម៉ូនីកា និង សារ៉ាយ សក្កណា ម្នាក់ៗបានសម្តែងការសោកស្តាយ និងចូលរួមរំលែកទុក្ខចំពោះអ្នកនាង សឿ សុធារ៉ា ចំពោះការបា.ត់ប.ង់អ្នកមានគុណនាពេលនេះ ហើយជាពិសេសនោះ ម្នាក់ៗក៏បានលើកទឹកចិត្តដល់អ្នកនាង សឿ សុធារ៉ា ឲ្យមានភាពរឹងមាំ ក្រោកឈរជាថ្មីសម្រាប់បីបាច់ថែរក្សាកូនទាំងពីរ ។
អ្នកនាង កែវ ពេជ្រពិសី បានបង្ហោះសារនោលើបណ្តាញសង្គមថា «ថ្ងៃនេះ នាងខ្ញុំ និងប្អូនស្រីដាញ់ ម៉ូនីកា ប្អូនស្រី សារាយ សក្កណា បានទៅចូលរួមពិធីបុណ្យស.ព៧ថ្ងៃលោកឪពុករបស់អ្នកនាង សឿ សុធារ៉ា។ យើងខ្ញុំទាំង៣នាក់ សូមចូលរួមរំលែកទុក្ខ និងសូមចូលរួមផ្ដល់កម្លាំងចិត្តដល់ ធារ៉ា ដែលជាមិត្តសិល្បៈរួមជំនាន់ សូមរឹងមាំឡើង ដើម្បីកូនៗជាទីស្រឡាញ់របស់យើង… ស៊ូស៊ូ ក្រោយភ្លៀងមេឃគង់តែស្រឡះ»។
គួរបញ្ជាក់ថា ឪពុករបស់អ្នកនាង សឿ សុធារ៉ា បានទទួលមរណភាពកាលពីវេលាម៉ោង៥និង៣៥នាទីល្ងាច នាថ្ងៃទី៣ ខែមករា ឆ្នាំ២០២៤ នៅផ្ទះបងស្រីរបស់អ្នកនាង ស្ថិតក្នុងបុរីមួយកន្លែង ដោយសារមានជំងឺផ្លូវចិត្តធ្ងន់ធ្ងរ និងជំងឺប្រចាំកាយមួយចំនួនទៀត ។
អ្នកនាង សឿ សុធារ៉ា បានគូសបញ្ជាក់ថា «មុនមរណភាពឪពុករបស់នាងនាពេលនេះ កាលពីកន្លះឆ្នាំមុន ឪពុករបស់នាងក៏ធ្លាប់ចូលសម្រាកព្យាបាលនៅមន្ទីរពេទ្យរុស្ស៊ីបានចំនួន១សប្តាហ៍ ក្នុងបន្ទប់ ICU បន្ទាប់ពីឪពុករបស់នាងជួបប្រទះនូវជំងឺបា.ក់ទឹកចិត្ត និងជំងឺប្រចាំកាយមួយចំនួនទៀត»។
អ្នកនាង សឿ សុធារ៉ា បានបញ្ជាក់បន្តថា «យ៉ាងណាម៉ិញ អ្នកនាងស្ទើរមិនជឿទេថា ឪពុករបស់នាងឆាប់ទទួលមរណភាពបែបនេះឡើយ ដោយសារកន្លងទៅថ្មីៗ ឪពុករបស់អ្នកនាងអាចនិយាយបាន និងពិសារអ្វីបានធម្មតា បើទោះបីជាបច្ចុប្បន្ននេះ ឪពុកនាងមានវ័យ៨០ឆ្នាំក៏ដោយ»។
គួរបញ្ជាក់ទៀតថា សម្រាប់ជាដឹងគុណឪពុកខ្លួននោះ អ្នកនាង សឿ សុធារ៉ា ក៏បានសម្រេចកោរសក់ជាថ្មីម្តងទៀត ដែលនេះគឺជាការកោរសក់លើកទី២ហើយសម្រាប់រូបនាង បន្ទាប់ពីអ្នកនាងធ្លាប់បានកោរសក់ម្តង ក្រោយពីមរណភាពម្តាយកាលពីអំឡុងឆ្នាំ២០២២ ។
គួររំលឹកថា ៖ ក្តុ.កក្តួ.ល! អ្នកនាង សឿ សុធារ៉ា សម្រេចកោរសក់ជាថ្មី ក្រោយឪពុកទទួលមរណភាព (វីដេអូ) ៕
ចែករំលែកព័តមាននេះ