តារាចម្រៀងកូនកាត់ ជេន នៅតែបន្តការសម្តែង និងច្រៀងរបស់ខ្លួនដដែល បើទោះបីជាតារារូបនេះ ទើបជួបហេតុការណ៍ឆេះត្រង់ក្បាលពោះរលា.កធ្ងន់ធ្ងរ ខណៈពេលកំពុងតែថតបទចម្រៀថ្មីរបស់នាងកាលពីពេលថ្មីៗនេះក៏ដោយ ។ តារាស្រីរូបនេះ
រាជធានីភ្នំពេញ ៖ តារាចម្រៀងកូនកាត់ ជេន នៅតែបន្តការសម្តែង និងច្រៀងរបស់ខ្លួនដដែល បើទោះបីជាតារារូបនេះ ទើបជួបហេតុការណ៍ឆេះត្រង់ក្បាលពោះរលា.កធ្ងន់ធ្ងរ ខណៈពេលកំពុងតែថតបទចម្រៀថ្មីរបស់នាងកាលពីពេលថ្មីៗនេះក៏ដោយ ។ តារាស្រីរូបនេះ បានចេញមុខបង្ហាញស្ថានភាពរបួសរបស់ខ្លួន ដែលរហូតមកដល់នាពេលនេះ គឺមានភាពល្អប្រសើរច្រើនហើយ ខណៈពេលនាងក៏បានបង្ហាញវត្តមានច្រៀងតាមឆាកតន្ត្រីឡើងវិញផងដែរ។
ស្រីស្អាត ជេន បានចេញជាវីដេអូឃ្លីបបង្ហោះនៅលើបណ្តាញសង្គម ដោយលើកឡើងថា «រហូតមកទល់ពេលនេះ របួសរបស់នាងបានជាសះស្បើយច្រើនហើយ សូមទស្សនិកជន និងអ្នកគាំទ្ររូបនាងទាំងអស់កុំមានការបារម្ភអី»។
នាងបញ្ជាក់ថា «បច្ចុប្បន្ន នាងកំពុងនៅតែខេត្តកំពត ដើម្បីចូលរួមច្រៀងក្នុងឆាកតន្ត្រីរបស់ក្រុមហ៊ុនស្រាបៀរមួយ»។
ទោះបីជាយ៉ាងណា ស្រីស្អាត ជេន (Jane) ក៏បានថ្លែងអំណរគុណដល់ទស្សនិកជនអ្នកគាំទ្ររូបនាងទាំងអស់ ដែលបារម្ភ ហើយឆាតមកសួរសុខទុក្ខនាង ក្រោយហេតុការណ៍បានកើតឡើង ។
ដោយឡែក តារាចម្រៀងលោក នីកូ ស្ថិតនៅក្នុងហេតុការណ៍ដែលបានកើតឡើងទៅលើ Jane នោះ ក៏បានបញ្ជាក់ជុំវិញរឿងរ៉ាវនេះដែរថា «នៅពេលឃើញភ្លើងឆេះ ខ្ញុំរត់ទៅឱបប្អូនភ្លាម។ ស្លុ.តណាស់! ព្រោះក្បាលពោះរលា.កខ្លាំង របកស្បែកមក។ ខ្ញុំសូមនិយាយពីមូលហេតុ គឺមុនថត ឈុតភ្ជាប់នឹងក្រដាស magic នេះ team work បានតេស្តដដែលៗរួចហើយ គឺឃើញថា វារលត់ភ្លាមរយៈពេល៣វិនាទី។ ប៉ុន្តែការឆាបឆេះធ្វើអោយមានបញ្ហា គឺឆាបឆេះចេញពីស្បៃ»។
លោកបញ្ជាក់ថា «ខ្ញុំបញ្ឃប់ការថតចោលភ្លាមៗ ទោះបីជាបទមួយនេះចំណាយពេលច្រើនក៏ដោយ ក៏ស្ថានភាពភ្លាមៗ សូម្បីតែខ្ញុំ និងជេន ក៏មិនដឹងដែរ វាមានការរលា.កខ្លាំង ព្រោះរយៈពេលនៃការឆេះ គឺខ្លី»។
លោកបន្តថា «បន្ទាប់ពីដោះឈុតចេញ គឺបាននាំទៅកាន់មន្ទីពេទ្យ ដើម្បីលាងរបួស ពេលនេះគឺ ជេន បានធូរស្បើយហើយ សូមអរគុណសម្រាប់ការបារម្ភ ហើយក៏សុំទោសមិត្តភក្កិ បងប្អូន ដែលមើលដឹងថា អ្នករត់ទៅឱ្បជេន គឺជាខ្ញុំ ខ្ញុំមិនបានឆ្លើយតបទេ ព្រោះម្សិលមិញ គឺខ្ញុំជាប់រវល់អត់បានកាន់ទូរស័ព្ទនោះទេ»៕
ចែករំលែកព័តមាននេះ