មហាជនអាចនឹងស្គាល់ហើយ ផលិតករមានឈ្មោះបោះសម្លេង គឺលោក ហ៊ុយ យ៉ាឡេង ដែលធ្លាប់មានជីវិ.តកម្សត់កម្រជាមួយការងារផលិតកុនជាច្រើនឆ្នាំ ទម្រាំមានគេស្គាល់ច្រើន
រាជធានីភ្នំពេញ ៖ មហាជនអាចនឹងស្គាល់ហើយ ផលិតករមានឈ្មោះបោះសម្លេង គឺលោក ហ៊ុយ យ៉ាឡេង ដែលធ្លាប់មានជីវិ.តកម្សត់កម្រជាមួយការងារផលិតកុនជាច្រើនឆ្នាំ ទម្រាំមានគេស្គាល់ច្រើន។
ហើយកាលពីពេលថ្មីៗនេះ ផលិតករលោក ហ៊ុយ យ៉ាឡេង បានប្រកាសលក់ទ្រព្យសម្បត្តិចុងក្រោយរបស់លោក នោះគឺរថយន្តមួយគ្រឿងរបស់ខ្លួន ដើម្បីយកថវិកាមកផលិតស្នាដៃថ្មីមួយទៀត។ អ្វីដែលគួរឱ្យចាប់អារម្មណ៍បំផុតនោះ គឺលោក ហុយ យ៉ាឡេង បានបញ្ចេញសារច្បាស់ៗថា « ខ្ញុំមិនជឿថា ខ្ញុំក្រនឹងការផលិតភាពយន្តមួយជិវិ.តទេ»។
លោក ហ៊ុយ យ៉ាឡេង បានអះអាងយ៉ាងដូច្នេះថា «ទ្រពសម្បត្តិចុងក្រោយ ជីវិ.តបើមិនបានផលិតភាពយន្តស្មើនឹងស្លា.ប់ ប្រកាសលក់ឡានយកលុយថតភាពយន្ត បងប្អូនដែលបោះតង់ជួបខ្មោ.ចជួយខមិនប្រាប់ផង! ពេលនេះខ្ញុំកំពុងសរសេររឿង «ភ្នំខ្មោ.ច ៧យប់ ៧ថ្ងៃ» កាដូឆ្នាំថ្មី គ្មានអ្វីក្រៅពីចង់ផលិតភាពយន្តជូនបងប្អូនទស្សនាឡើយ ខ្ញុំនឹងខិតខំបង្ហាញឱ្យអស់នូវក្បាច់គុនលងថ្មីៗ ឆ្នាំ២០២៤ ជូនបងប្អូនមិនឱ្យខកចិត្តឡើយ»។
គួររំលឹកផងដែរថា នេះមិនមែនជាលើកទី១ទេ ដែលផលិតករខ្មែររូបនេះ ប្រកាសលក់ទ្រព្យសម្បត្តិ ដើម្បីបានប្រាក់មកផលិតភាពយន្ត។ កន្លងទៅ លោក ហុយ យ៉ាឡេង ក៏ធ្លាប់បានលក់ផ្ទះរបស់ខ្លួន និងយកប្រាក់ពីការលក់ផ្ទះទៅផលិតភាពយន្តខ្មែរ ដោយលោកពោលថា «អ្វីដែលលោកលះបង់ ព្រោះចង់ឃើញភាពយន្តខ្មែរមានការគាំទ្រច្រើន ហើយនាពេលនេះ លោកសុខចិត្តលក់ឡានបន្តទៀត ក្នុងការសម្រេចក្តីស្រមៃ ក៏ដូចជាអ្វីដែលលោកស្រឡាញ់នោះ»។
លោក ហ៊ុយ យ៉ាឡេង ជឿជាក់ថា តាមរយៈស្នាដៃរបស់លោកក្នុងការផលិតរឿងខាងលើ នឹងធ្វើអោយមហាជនជក់ចិត្តដិតអារម្មណ៍ ក៏ដូចជាជួយលើកតម្កើងកុនខ្មែរផងដែរ។
តាមរយៈបទសម្ភាសន៍ជាមួយសារព័ត៌មានកោះសន្តិភាព លោកបានអោយដឹងថា «ការលក់រថយន្តយកលុយក្នុងការផលិតកុន គឺជារឿងពិតសម្រាប់លោកដែលជាផលិតករ ពោលគឺកាលពីកន្លងទៅ លោកក៏ធ្លាប់លក់ផ្ទះយកលុយទៅផលិតភាពយន្តកុនផងដែរ»។
យ៉ាងណាមិញ មហាជនមួយចំនួនបានពោលថា «អ្វីដែលលោក ហុយ យ៉ាឡេង បាននិងកំពុងធ្វើ ដូចជា ប្រកាសលក់ផ្ទះយកលុយមកថតកុន និងថ្មីៗនេះលោកអះអាងថា លោកកំពុងតែលក់ឡាន ដើម្បីបានលុយយកថតកុនរឿងថ្មី គឺគ្រាន់តែជាយុទ្ធសាស្ត្រទីផ្សារប្រូម៉ូតរឿងភាពយន្តថ្មីរបស់លោកតែប៉ុណ្ណោះ ដូច្នេះមិនដឹងថា តើលោកពិតជាលក់ផ្ទះ ឬលក់ឡានពិតប្រាកដនោះទេ?»។
មហាជនខ្លះទៀតពោលថា «បើលក់ផ្ទះមែន ម៉េចមិនឃើញបង្ហាញឯកសារថាបានលក់ឱ្យនរណា ហើយបច្ចុប្បន្ននេះ លោកបានផ្ទះឯណាស្នាក់នៅ បើពិតជាលក់ផ្ទះយកលុយផលិតកុនមែននោះ»។
ឆ្លើយតបជាមួយនឹងការរិះគន់ខាងលើនេះ លោក ហ៊ុយ យ៉ាឡេង បាននិយាយដែរថា «តាមការពិត សង្គមនាពេលបច្ចុប្បន្ននេះ មានការដ្រាមាច្រើន ដូច្នេះចំពោះលោកពុំចេះ «ដ្រាមា» នោះទេ នេះគឺជារឿងពិតដែលលោកបានលក់ទ្រព្យសម្បត្តិ ដើម្បីបានលុយមកផលិតកុនថ្មីៗជាបន្តបន្ទាប់។ ចំពោះលោក ជីវិ.តតស៊ូរបស់លោកចំពោះវិស័យសិល្បៈប្រមាណជាជាង២០ឆ្នាំមកនេះ ពោលគឺលោកគ្មានបំណងអ្វីក្រៅពីការធ្វើឱ្យសិល្បៈមានភាពរីកសុះស្គាយ ក៏ដូចជាកុនខ្មែរមានការរីកចម្រើននោះឡើយ»។
លោក ហ៊ុយ យ៉ាឡេង បានបន្តថា កាលពីពេលកន្លងមក លោកផលិតបានរឿងជាច្រើនដែលទទួលបានការគាំទ្រច្រើន ក្នុងនោះមានដូចជា ៖ រឿង«ធ្មប់», រឿង«ដើម្បីកូន» និងរឿង«វិកលចរិត» ក៏ដូចជាខ្សែភាពបែបអប់រំជាច្រើនទៀតកាលពីកន្លងទៅ ដែលលោកបានផលិតនោះ។
ក្នុងនោះ លោកបន្តថា រឿងមួយលោកខាតធ្ងន់ជាងគេកាលពីកន្លងទៅ គឺរឿង «កូវីដ១៩» ដោយកាលនោះចំណាយទុន ៥០០០០ដុល្លារ តែបានមកវិញត្រឹមតែ៥០០០ដុល្លារតែប៉ុណ្ណោះ ហេតុដូច្នេះហើយ កាលនោះលោកក៏សម្រេចចិត្តលក់ផ្ទះរបស់លោកតែម្ដងទៅ។
គួរបញ្ជាកដែរថា លោក ហ៊ុយ យ៉ាឡេង នាពេលបច្ចុប្បន្ននេះ មានស្នាដៃចំនួន១៨រឿង ដែលសុទ្ធសឹងតែទទួលបានការគាំទ្រពីសំណាក់មហាជន ហើយលោកក៏ធ្លាប់ទទួលបានពានផ្សេងៗផងដែរ៕
អត្ថបទដោយ ៖ លីហួ គីមឆាយ
ចែករំលែកព័តមាននេះ