អាមេរិកជាប្រទេសមហាអំណាចលេខមួយនៅលើពិភពលោក ប៉ុន្តែអាមេរិកមិនមែនជាប្រទេសដែលមានថ្លៃជីវភាពខ្ពស់ជាងគេឡើយ ។
ក្នុងមួយខែពលរដ្ឋអាមេរិកចំណាយត្រឹមតែជាង១.៩០០ដុល្លារប៉ុណ្ណោះ ខណៈដែលនៅប្រទេស៥ទៀតចាយលុយរហូតដល់ជាង៥ពាន់ដុល្លារក្នុងមួយខែ ។ តាមស្ថិតិដែលបានចេញផ្សាយដោយ World Population Review បានឲ្យដឹងថា ប្រទេសដែលជាប់ជាប្រទេសដែលមានថ្លៃជីវភាពខ្ពស់ជាងគេនៅលើពិភពលោកទាំង៥ រួមមានម៉ូណាកូ កោះខេមេន ស្វីស អៀឡង់ និង លីចតេន
ស្ទីន ។
ប្រភពដដែលបានអះអាងថា ដើម្បីអាចរស់នៅក្នុងប្រទេសនេះបាន នៅក្នុងមួយខែគឺត្រូវរកលុយឲ្យបានរហូតដល់ទៅពី២.៣០០ ទៅ៣.៧០០ដុល្លារ បើមិនដូច្នេះទេ គឺពិតជាពិបាក ។
១-ម៉ូណាកូ (Monaco) ៖ ម៉ូណាកូជាប្រទេសដែលមានតម្លៃជីវភាពថ្លៃជាងគេបំផុតនៅលើកពិភពលោក ជាប់លំដាប់ថ្នាក់លេខ១ ដោយនៅក្នុងមួយខែពលរដ្ឋនៅក្នុងប្រទេសនេះ ត្រូវការចំណាយថ្លៃជីវភាព រហូតដល់ទៅជា៣.៧០០ដុល្លារ ។ ប្រទេសនេះ ជាប្រទេសតូចបំផុតមួយនៅលើពិភពលោក ដែលមានទីតាំងស្ថិតនៅទ្វីបអឺរ៉ុប ដោយមានផ្ទៃដីប្រមាណជា ២,០២ គីឡូម៉ែត្រ និង មាន ប្រជាពលរដ្ឋត្រឹមតែ៣៦.០០០នាក់ប៉ុណ្ណោះ ។
២-កោះខេមែន (Cayman Islands)៖ ស្ថិតនៅលំដាប់ថ្នាក់ទី២ ក្នុងចំណោមគោលដៅដ៏ប្រណិត និងថ្លៃជីវភាពថ្លៃជាងគេទី២នៅ លើពិភពលោក ។ ការចំណាយប្រចាំខែរបស់បុគ្គលម្នាក់ៗនៅក្នុងដែនកោះមួយនេះ គឺនៅក្នុងរង្វង់ប្រមាណជា២.៨០០ដុល្លារ។ កោះនេះ គឺជាប្រជុំកោះដែលស្ថិតនៅក្រោមការគ្រប់គ្រង របស់ចក្រភពអង់គ្លេស ដែលមានទីតាំងស្ថិតនៅ ទ្វីបអាមេរិកខាងជើង មានផ្ទៃដី ២៦៤ គីឡូ ម៉ែត្រការ៉េ និង មានប្រជាពលរដ្ឋសរុបប្រមាណជា៧ម៉ឺននាក់ ។
៣-ប្រទេសស្វីស (Switzerland) ៖ ជាប្រទេសឯករាជ្យ និងអព្យាក្រិតបំផុតមួយនៅលើពិភពលោក ប៉ុន្តែក៏ស្ថិតនៅជាប្រទេស ដែលមានថ្លៃជីវភាពខ្ពស់ជាងគេបំផុតមួយផងដែរ ។ នៅក្នុងឋានៈជាប្រទេសសន្តិភាព និង សន្តិសុខល្អដាច់គេនៅលើពិភពលោក តម្លៃជីវភាពរស់នៅរបស់ពលរដ្ឋនៅក្នុងប្រទេសនេះ នៅក្នុងម្នាក់មួយខែត្រូវចំណាយរហូតដល់ទៅ២.៥០០ ដុល្លារអាមេរិក។
៤-អៀរឡង់(Ireland) ៖ ប្រទេសដែលមានទីតាំងស្ថិតនៅតាមបណ្តោយឆ្នេរសមុទ្រអាត្លង់ទិកភាគខាងជើងពោលគឺស្ថិតនៅភាគពាយ័ព្យនៃទ្វីបអឺរ៉ុប ប្រទេសនេះ ត្រូវបានគេដឹងថា ជាប្រទេសដែលមាន តម្លៃ ជីវភាពខ្ពស់លំដាប់ទី៤ ។ ដើម្បីអាចរស់នៅសមរម្យនៅក្នុងប្រទេសនេះ បុគ្គលម្នាក់ៗត្រូវរក ប្រាក់ចំណូលជាមធ្យមឲ្យបានរហូតដល់ទៅ ២.៣០០ ដុល្លារនៅក្នុងមួយខែ ។
៥-លីចតេនស្ទីន(Liechtenstein) ៖ ស្ថិតនៅចន្លោះប្រទេសអូទ្រីសនិងស្វីស ប្រទេសលីចតេនស្ទីន ជាប្រទេសដែលពលរដ្ឋត្រូវ ចំណាយថ្លៃជីវភាពខ្ពស់ជាងគេលំដាប់ទី៥នៅលើពិភពលោក ។ ប្រទេសនេះមានផ្ទៃដីត្រឹមតែ ១៦០ គីឡូម៉ែត្រការ៉េ និង ប្រជាពលរដ្ឋជិត ៤ ម៉ឺននាក់ប៉ុណ្ណោះ ប៉ុន្តែនៅក្នុងមួយខែពលរដ្ឋម្នាក់ ត្រូវចំណាយដល់ទៅ ជាង២.៣០០ ដុល្លារ។ ដោយ ៖ ស ផាត់
ចែករំលែកព័តមាននេះ