ប្រទេសដែលមានកម្រិតជីវភាពខ្ពស់បំផុតនៅលើពិភពលោកគឺភាគច្រើននៅអឺរ៉ុប ប៉ុន្តែដោយ ឡែក ប្រទេសដែលក្រីក្របំផុតវិញ គឺសុទ្ធតែស្ថិតនៅទ្វីបអាហ្វ្រិកទាំងអស់ ។ យោងទៅតាមសេចក្តីរាយការណ៍របស់ទស្សនាវដ្តីហ្វប (Forbs) បានឲ្យដឹងថា ប្រទេសដែលអាចនិយាយថា…
ប្រទេសដែលមានកម្រិតជីវភាពខ្ពស់បំផុតនៅលើពិភពលោកគឺភាគច្រើននៅអឺរ៉ុប ប៉ុន្តែដោយ ឡែក ប្រទេសដែលក្រីក្របំផុតវិញ គឺសុទ្ធតែស្ថិតនៅទ្វីបអាហ្វ្រិកទាំងអស់ ។
យោងទៅតាមសេចក្តីរាយការណ៍របស់ទស្សនាវដ្តីហ្វប (Forbs) បានឲ្យដឹងថា ប្រទេសដែលអាចនិយាយថា មានជីវភាពក្រីក្របំផុតនោះ គឺមានស៊ូដង់ខាងត្បូង ប្រទេសប៊ូរុនឌី សាធារណៈរដ្ឋអាហ្វ្រិកកណ្តាល សូម៉ាលី និង សាធារណរដ្ឋប្រជាធិបតេយ្យកុងហ្គោ ។
ប្រភពដដែលបានអះអាងថា រង្វាស់នៃភាពក្រីក្រនេះ គឺផ្អែកទៅតាមសូចនាករសេដ្ឋកិច្ច ដែលវាស់វែងតម្លៃនៃទំនិញ និងសេវាកម្មដែលផលិតនៅក្នុងប្រទេសទាំងនោះ ។ បណ្តា ប្រទេសទាំងនោះស្ថិតនៅក្នុងស្ថានភាពដ៏ក្រីក្របំផុតនេះគឺដោយសារតែ អស្ថិរភាព នយោបាយ អំពើពុករលួយ កង្វះហេដ្ឋារចនាសម្ព័ន្ធ ក៏ដូចជាកង្វះការទទួលបានការអប់រំ និងការថែទាំសុខភាព ។
១-ប្រទេសស៊ូដង់ខាងត្បូង
ជាប្រទេសដែលមានទីតាំងភូមិសាស្ត្រគ្មានសមុទ្រ នៅភាគ កណ្តាលនៃទ្វីបអាហ្វ្រិក ដែលមានព្រំដែនជាប់ប្រទេស៥ តែភាគច្រើនសុទ្ធតែក្រីក្របំផុតដូចគ្នា ។ ប្រទេសនេះ ពលរដ្ឋសរុបជាង១២លាននាក់ ប៉ុន្តែពួកគេម្នាក់ៗមានប្រាក់ចំណូលត្រឹមតែ ៥១៥ ដុល្លារតែប៉ុណ្ណោះនៅក្នុងមួយឆ្នាំ ។
២-ប្រទេសប៊ូរុនឌី
ប៊ូរុនឌី ក៏ជាប្រទេសដែលមិនមានព្រំដែនជាប់សមុទ្រដែរ ហើយមានប្រជាពលរដ្ឋ សរុប ប្រមាណជា ជាង ១៣ លាននាក់ ។ ប្រទេសនេះ ជាប្រទេសដែលមានសេដ្ឋកិច្ចពឹងផ្អែក ខ្លាំងទៅលើកសិកម្ម ។ ដោយសារតែអំពើពុករលួយ និង សង្គ្រាម ប្រទេសនេះ ត្រូវបាន គេចាត់ទុកថា ជាប្រទេសដែលក្រីក្របំផុតទី២នៅលើពិភពលោក ។ ប្រជាជននៅក្នុងប្រទេសនេះ អាចរកបានប្រាក់ចំណូលនៅក្នុងម្នាក់ត្រឹមតែ ៨៩១ ដុល្លារ ប៉ុណ្ណោះនៅក្នុងមួយឆ្នាំ ។
៣-សាធារណរដ្ឋអាហ្វ្រិកកណ្តាល
ប្រទេសនេះ ក៏ជាប្រទេសគ្មានព្រំដែនជាប់សមុទ្រផងដែរ ប៉ុន្តែពលរដ្ឋភាគច្រើនពឹងផ្អែក លើវិស័យកសិកម្មដើម្បីចិញ្ចឹមគ្រួសារ ។ ប្រទេសដែលមាន ប្រជាជនជាង ៥ លាននាក់នេះ គឺត្រូវបានហែកហួរដោយសង្គ្រាមស៊ីវិលផងដែរ។ ប៉ុន្តែទោះបីជាយ៉ាងណាពលរដ្ឋនៅ ក្នុងប្រទេសនេះនៅក្នុងម្នាក់អាចរកប្រាក់ចំណូលគ្រាន់បើជាងពលរដ្ឋនៅ ស៊ូដង់ខាងត្បូង និង ប៊ូរុនឌី ដោយម្នាក់អាចរកប្រាក់ចំណូលបាន ប្រមាណជា ១.១៣០ ដុល្លារដែរនៅក្នុងមួយឆ្នាំ ។
៤-ប្រទេសសូម៉ាលី
ប្រទេសនេះ ជាប្រទេសដែលសណ្តូកតាមបណ្តោយឆ្នេរសមុទ្រវែងជាងគេនៅអាហ្វ្រិក ដោយមានប្រជាជនសរុប១៧លាននាក់ ដូច្នេះស្ថានភាពសេដ្ឋកិច្ចនិងឱកាសពាណិជ្ជកម្មក៏ប្រសើរ ជាប្រទេសទាំងបីខាងលើ ប៉ុន្តែសង្គ្រាមជាហេតុផលដែលធ្វើអោយ ប្រទេសនេះជាប្រទេស ដែលក្រីក្របំផុតទី៤ ដោយពលរដ្ឋម្នាក់មានចំណូល ត្រឹម ១.៣៧០ដុល្លារនៅក្នុងមួយឆ្នាំ ។
៥-សាធារណរដ្ឋប្រជាធិបតេយ្យកុងហ្គោ
ប្រទេសនេះ ជាប្រទេសដែលមានប្រជាជនច្រើន គឺរហូតដល់ទៅជាង១១២លាននាក់ ហើយជាប្រទេសធំទីពីរនៅអាហ្វ្រិក ។ ប្រទេសនេះ មានស្ថានភាពជាប្រទេសក្រីក្របំផុតទី៥ ក៏ដោយ សារតែហេតុផលនៃសង្គ្រាមផងដែរ ។ ពលរដ្ឋម្នាក់នៅក្នុងប្រទេសនេះនៅក្នុងមួយឆ្នាំអាច រក ប្រាក់ចំណូលបានជាង១.៤៧០ដុល្លារនៅក្នុងមួយឆ្នាំ ។ ជាសរុបមកវិញ ប្រទេសទាំង៥ខាងលើនេះ ប្រជាជនមានជីវភាពលំបាកខ្លាំង។
ងាកមកកម្ពុជាយើងវិញ ប្រទេសកម្ពុជាបានក្លាយជាប្រទេសមានប្រាក់ចំណូលមធ្យមកម្រិតទាប ចាប់តាំងពីឆ្នាំ២១៥មក ហើយកម្ពុជារំពឹងថា នឹងមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ខាងមុខ៕ ដោយ៖ស ផាត់
ចែករំលែកព័តមាននេះ