រាជធានីភ្នំពេញ ៖ តារាសម្តែងវ័យក្មេងនាង អាង សុជាតា បានប្រកាសឲ្យនារីម្នាក់ចេញមុខសុំទោសនាងជាសាធារណៈ បន្ទាប់ពីនារីរូបនោះបានយករូបភាពរបស់នាងទៅកាត់.តក្នុងរូបភាពមួយមិនសមរម្យ ហើយបង្ហោះនៅតាមបណ្តាញសង្គម ដែលធ្វើអោយប៉ះពាល់ដល់កិត្តិយសរបស់នាងយ៉ាងខ្លាំង ។
ស្រីស្អាត អាង សុជាតា បានបង្ហាញគណនី TIK TOK របស់នារីរូបនោះ មានឈ្មោះថា «sandydaos» ដែលបានយករូបភាពរបស់នាងមួយចំនួនទៅកាត់.តតាមបច្ចេកទេស filter ដោយភ្ជាប់ទៅការស្លៀកពាក់បង្ហាញដើមទ្រូងធំៗ រួចបង្ហោះជាសាធារណៈ នាំឲ្យមហាជនមួយចំនួនមានការភាន់ច្រឡំ ។ ហើយសកម្មភាពមួយនេះ បានធ្វើឲ្យស្រីស្អាត អាង សុជាតា ហាក់ក្តៅចុងច្រមុះ និងសម្តែងការមិនសប្បាយចិត្តឡើយ ត្បិតរូបនាងមិនបានធ្វើរឿងទាំងនេះឡើយ ក្នុងពេលនាងក៏បានប្រកាសឲ្យនារីម្នាក់នេះ ចេញមុខសុំទោសរូបនាងជាសាធារណៈនៅមុនពេលនាងអស់ការអត់ធ្មត់ ហើយនឹងមានវិធានការផ្លូវច្បាប់ ។
ស្រីស្អាត អាង សុជាតា បានបង្ហោះតាមបណ្តាញសង្គមថា «គ្មានពេលលេងសើចទេ ក្បា.លកញ្ចា.ស់អស់ហើយ កុំមកនិយាយថា លេងតាម filter កុំគិតថារកមុខមិនឃើញ គ្រាន់ប្រាប់ ដឹងខ្លួនចេញមកសុំទោស កុំអោយខ្ញុំដល់.ក»។
យ៉ាងណាម៉ិញ ក្រោយបញ្ចេញរឿងរ៉ាវខាងលើនេះជាសាធារណៈ មហាជន ជាពិសេសបណ្តាអ្នកគាំទ្រតារាសម្តែង អាង សុជាតា ជាច្រើនក៏នាំគ្នាសម្តែងការមិនសប្បាយដូចគ្នាផងដែរ និងបានចាត់ទុករឿងនេះ ជាការបំពុ.លសង្គម ក្នុងពេលដែលគេយល់ថា កន្លងមក តារាស្រីរូបនេះ មិនដែលស្លៀកពាក់សិ.ចស៊ីហួសហេតុនោះឡើយ បើទោះបីជាពេលនេះ នាងគឺជាតារាដែលមានឈ្មោះបោះសម្លេងម្នាក់ក៏ដោយ ។
ទោះបីជាយ៉ាងណា ពាក់ព័ន្ធបញ្ហាខាងលើនេះ កោះសន្តិភាពនៅមិនទាន់អាចសុំការបកស្រាយបន្ថែមពីតារាសម្តែងនាង អាង សុជាតា នៅឡើយទេ ក្នុងពេលដែលការសាកសួរមិនមានការឆ្លើយតប ។
ដោយឡែកម្តាយ អាង សុជាតា គឺអ្នកនាង ផាន់ ផាភួង បានអះអាងប្រាប់កោះសន្តិភាពតាមសារអេឡិចត្រូនិចថា «ចំពោះរឿងនេះ អ្នកនាងក៏មិនបានដឹងច្បាស់ដែរ ប៉ុន្តែកន្លងមក ក៏មានគេយករូបរបស់ សុជាតា ទៅលេងច្រើនដែរ ដោយនៅក្នុងនោះ មានមួយចំនួនក៏យកទៅលេងមិនសមរម្យដូចគ្នានេះដែរ» ។
អ្នកនាងបញ្ជាក់ថា «ក្រោយដឹងរឿងនេះ អាង សុជាតា ខឹងខ្លាំងណាស់ ព្រោះវាធ្វើឲ្យប៉ះពាល់កិត្តិយសយើងដែរ ដោយសារអ្នកខ្លះគាត់មិនដឹងថា យើងស្លៀកពាក់សិ.ចស៊ីបែបនេះ ទាំងដែលយើងមិនដែលធ្វើរឿងបែបនេះឡើយ»។
យ៉ាងណា បើតាមអ្នកនាង ផាភួង ថា «រហូតមកទល់នាពេលនេះ អ្នកនាងក៏មិនទាន់បានដឹងថា នារីម្នាក់នោះបានលុបរូបភាព និងចេញមុខសុំទោស អាង សុជាតា ហើយឬនៅដែរ? ព្រោះមួយរយៈនេះ រូបនាង និងកូនមានការងាររវល់រៀងៗខ្លួន»៕
ចែករំលែកព័តមាននេះ