បេក្ខភាព Miss Preteen Cambodia 2023 ល្អ ហួស ត្រូវបាននារីម្នាក់ធ្វើការប្រមា.ថមើលងា.យដោយប្រើពាក្យសម្តីចំៗទៅលើការស្លៀកពាក់របស់នាង ដែលបានស្លៀកទៅចូលរួមក្នុងកម្មវិធីនៃការប្រគំតន្ត្រីមួយកាលពីពេលថ្មីៗនេះ ។ ដោយនារីម្នាក់គិតថា
រាជធានីភ្នំពេញ ៖ បេក្ខភាព Miss Preteen Cambodia 2023 ល្អ ហួស ត្រូវបាននារីម្នាក់ធ្វើការប្រមា.ថមើលងា.យដោយប្រើពាក្យសម្តីចំៗទៅលើការស្លៀកពាក់របស់នាង ដែលបានស្លៀកទៅចូលរួមក្នុងកម្មវិធីនៃការប្រគំតន្ត្រីមួយកាលពីពេលថ្មីៗនេះ ។ ដោយនារីម្នាក់គិតថា ការស្លៀកពាក់របស់ស្រីស្អាត ល្អ ហួស នាពេលនោះ គឺហាក់មិនសមរម្យ ហើយពាក់អាវវាលពេក។ មិនត្រឹមតែប៉ុណ្ណោះនារីរូបនោះក៏ធ្វើការចែកចាយរូបភាពរបស់ ល្អ ហួស រួចភ្ជាប់សំណេរមួយឃ្លាបង្ហោះនៅលើបណ្តាញសង្គម ដោយប្រើប្រាស់ពាក្យសម្តីមើលងា.យ និងមិនសមរម្យមួយចំនួនមកលើស្រីស្អាត ល្អ ហួស ផងដែរ។
នារីម្នាក់ដែលមានគណនីហ្វេសប៊ុកឈ្មោះថា «Chanbopha phol» បានបង្ហោះសារដោយភ្ជាប់ជាមួយរូបភាពរបស់ស្រីស្អាត ល្អ ហួស ថា «មិនខ្វះពេលសិ.ចស៊ីទេ ហើយអាយុប៉ុណ្ណឹង១៤ឆ្នាំ ប្រញាប់ពាក់វាលដោះម៉េស ម៉េចចង់បានប្តីមែន មិនសមភ្នែកទេនាងឣើយ ចឹងពាក់ឣាវធ្វើឣី ជាខ្មែរមិនមែនបរទេសទេ ហេតុអ្វីមិនចេះបិទបាំងខ្លះទៅ? បើសម្រស់ស្ឣាតហើយ ចឹងធ្វើចរិតមារយាទឲ្យល្ឣថ្លៃថ្នូរផង នាងម៉េចអាងខ្លួនកូនអ្នកមាន ធ្វើឣីក៏បានសមតាមចិត្ត»។
តាមរយៈការបញ្ចេញមតិពីនារីខាងលើនេះ ធ្វើឱ្យមហាជនជាច្រើននាក់សម្តែងការមិនសប្បាយឡើយ ហើយម្នាក់ៗបានធ្វើការស្តីបន្ទោសយ៉ាងខ្លាំងមកលើនារីរូបនេះ ដោយពួកគេយល់ថា ការរិះគន់នេះមិនសមហេតុផលឡើយ ត្បិតការស្លៀកពាក់មួយឈុតរបស់ស្រីស្អាត ល្អ ហួស នេះ គឺមិនជាសិ.ចស៊ីលើសលួសនោះឡើយ។
ដោយឡែក ក្រោយឃើញការបញ្ចេញមតិពីនារីខាងលើនេះមក ស្រីស្អាត ល្អ ហួស ក៏បានសម្តែងការមិនពេញចិត្តផងដែរ ខណៈពេលនាងចាត់ទុកការលើកឡើងពីនារីរូបនោះ គឺពិបាកនឹងទទួលយកខ្លាំងណាស់ ។
បន្ទាប់មក ស្រីស្អាត ល្អ ហួស ក៏បានបង្ហោះសារតាមគណនីហ្វេសប៊ុករបស់ខ្លួនថា «នាងខ្ញុំ ទើបតែបញ្ចប់ការងារបញ្ចូលសំឡេង ហើយក៏ឃើញអ្នកមីងស៊ែរ ដៀ.លរូបនាងខ្ញុំ មើលងា.យនាងខ្ញុំ គ្រប់បែបយ៉ាង តើនាងខ្ញុំខុសអ្វី?។ នាងខ្ញុំពិតជាពិបាកទទួលយកខ្លាំងណាស់»។
ពាក់ព័ន្ធរឿងរ៉ាវនារីម្នាក់ប្រមា.ថមើលងា.យ ស្រីស្អាត ល្អ ហួស នោះ ម្ដាយរបស់ ល្អ ហួស គឺអ្នកស្រី ដេនីក្វាន់ ក៏បានប្រាប់ឱ្យដឹងដែរថា «ក្នុងនាមនាងខ្ញុំជាម្ដាយ នឹងមានចំណាត់ការទៅតាមផ្លូវច្បាប់ ព្រោះរឿងនេះប៉ះពាល់ដល់អារម្មណ៍កូនស្រីខ្ញុំខ្លាំងណាស់ កូនស្រីខ្ញុំ ល្អ ហួស មិនទាន់គ្រប់អាយុនោះទេ»។
ចំណែកនារីម្នាក់មានឈ្មោះក្នុងហ្វេសប៊ុកថា «Oun Van» ត្រូវជាបងរបស់នារីរូបនោះ ក៏បានឆាតទៅម្ដាយរបស់ស្រីស្អាត ល្អ ហួស ផងដែរ ដោយបានប្រាប់ថា «ខាងប្អូនសុំទោសបងជាខ្លាំង បងមានចិត្តបុណ្យ ទាំងចិត្តល្អតាំងពីដើមមក សុំទោសខាងបងជាខ្លាំង ខាងប្អូនអត់ទេ បងមានចិត្តបុណ្យ មានចិត្តមេត្តាករុណាដល់ប្អូនឱ្យប្អូន ខ្ញុំលុបចោលហើយ និងផុសសុំទោសបង»។
យ៉ាងណាម៉ិញ ក្រោយឃើញការបង្ហោះនូវរឿងរ៉ាវខាងលើនេះ មហាជន ជាពិសេសបណ្តាអ្នកគាំទ្របាននាំគ្នាចូលទៅធ្វើការខំមិនពីក្រោម ដោយម្នាក់ៗបានលើកទឹកចិត្តស្រីស្អាត ល្អ ហួស ឲ្យបន្តភាពរឹងមាំសម្រាប់ការប្រកួតនាពេលខាងមុខ និងកុំចាប់អារម្មណ៍ពីអ្វីដែលនារីខាងលើនេះបានសរសេរ ។
ជាការកត់សម្គាល់ប៉ុន្មានឆ្នាំចុងក្រោយនេះ ស្រីស្អាត ល្អ ហួស ត្រូវបានគេកត់សម្គាល់ពីសមត្ថភាព សិល្បៈពហុជំនាញ ទាំងបុរាណ និងសម័យ របាំ ច្រៀង សម្ដែង និងការបង្ហាញម៉ូដ។ ហើយនាងក៏បានឈានទៅដល់ការប្រកួតកម្មវិធីសម្រស់មួយ រហូតទទួលបានមកុដថែមទៀតផង ។
ចំពោះទេពកោសល្យសិល្បៈវិញ ស្រីស្អាត ល្អ ហួស មានសមត្ថភាពផ្នែកសិល្បៈខាងរបាំបុរាណខ្មែរ ដោយនាងអាចរាំរបាំបុរាណខ្មែរបានចំនួន៧របាំយ៉ាងស្អាត និងស្ទាត់ជំនាញ ដូចជា ៖ របាំអប្សរា, របាំថ្វាយព្រះពរ, របាំជូនពរ, របាំនារីជាជួរ, របាំឈួយឆាយ, របាំភួងនារី និងរបាំនាគបួងសួង។
មិនត្រឹមតែប៉ុណ្ណោះ ស្រីស្អាត ល្អ ហួស កំពុងតែទទួលបានការបង្វឹកពីគ្រូដើរបង្ហាញម៉ូដដ៏ល្បីល្បាញក្នុងរយៈពេលនេះរហូតដល់៦ឆ្នាំក្រោយ ខណៈពេលក្តីស្រមៃរបស់ស្រីស្អាតម្នាក់នេះ គឺចង់ក្លាយជាបវរកញ្ញាតំណាងឱ្យប្រទេសកម្ពុជានាពេលអនាគត ៕
ចែករំលែកព័តមាននេះ