ADផ្ទាំងផ្សព្វផ្សាយពាណិជ្ជកម្ម

Picture

ព្រឺ​សម្បុរ​! ក្រោយ​តារាចម្រៀង ជិន ចាន់​ធឿ​ន បក​ស្រាយ​ចម្រៀង​១​បទ​ដ៏​លន្លង់លន្លោច (​វី​ដេ​អូ​)

2 ខែ មុន
  • ភ្នំពេញ

បងប្អូន​មហាជន​អ្នក​ស្តាប់ នៅ​ចាំ​អតីត​តារាចម្រៀង អ្នកស្រី ជិន ចាន់​ធឿ​ន បាន​ទេ ដោយ​កាលពី​កន្លង​ទៅ អ្នកស្រី​ធ្លាប់​ជា​អតីត​បេក្ខភាព​ប្រឡង​ចម្រៀង​មួយ​រូប ដែល​ទទួល​បានការ​គាំទ្រ​យ៉ាង​ខ្លាំង​ទៅ​លើ​បទ

រាជធានី​ភ្នំពេញ ៖ បងប្អូន​មហាជន​អ្នក​ស្តាប់ នៅ​ចាំ​អតីត​តារាចម្រៀង អ្នកស្រី ជិន ចាន់​ធឿ​ន បាន​ទេ ដោយ​កាលពី​កន្លង​ទៅ អ្នកស្រី​ធ្លាប់​ជា​អតីត​បេក្ខភាព​ប្រឡង​ចម្រៀង​មួយ​រូប ដែល​ទទួល​បានការ​គាំទ្រ​យ៉ាង​ខ្លាំង​ទៅ​លើ​បទ «​ថ្ងៃស្អែក​ការ​បង​» ដោយ​ធ្វើ​អោយ​គណៈកម្មការ​លង់​នឹង​សម្លេង​របស់​អ្នកស្រី និង​បានអោយ​បេ​ក្ខ​នារី​រូប​នេះ ជាប់​ទៅ​វគ្គ​ជា​បន្តបន្ទាប់​។

ប្រាកដ​ណាស់ អតីត​បេក្ខភាព​នៃ​កម្មវិធី​ប្រឡង​ចម្រៀង​រូប​នេះ ត្រូវ​បាន​គេ​ស្គាល់​ថា គឺជា​តារាចម្រៀង​​មាន​ដង្ហើមវែង និង​ស្ទា​យ៍​នៃ​ការ​ច្រៀង​ពីរោះ​មួយ​បែប ដែល​ជា​ភាព​ប្លែក​របស់​ខ្លួន ម្ល៉េះ​ហើយ​កាលពី​ពេល​ថ្មី​ៗ​នេះ តារាចម្រៀង អ្នកស្រី ជិន ចាន់​ធឿ​ន បាន​ធ្វើ​អោយ​មហាជន​ស្លុង​អារម្មណ៍​ជា​ថ្មី​ម្តងទៀត តាម​រយៈ​បទ​ចម្រៀង​មួយ​បទ​ក្នុង​រឿង «​ម៉ែ​ក្រឡាភ្លើង​» ជា​បទ​ចម្រៀង​បែប​បំពេរ ធ្វើ​អោយ​ស្លុង​អារម្មណ៍​ក្នុង​សម្លេង ក៏​ដូច​ជា​អត្ថន័យ​នៃ​បទ​នេះ​ផង​ដែរ​។

គួរ​បញ្ជាក់​ដែរ​ថា តាម​រយៈ​បទ​មួយ​នេះ ពិតជា​មានការ​គាំទ្រ​ច្រើន ដោយ​ត្រឹមតែ​ប៉ុន្មាន​ថ្ងៃ​ប៉ុណ្ណោះ នៅ​ក្នុង​គណនី Tik Tok របស់​អ្នកស្រី គឺ​មាន​អ្នក​ទស្សនា​រហូត​ដល់ ១.៦​លាន​នាក់​មើល និង​ទទួល​បាន​កោតសរសើរ​ផង​ដែរ ក្រោយ​ពេល​បកស្រាយ​ចម្រៀង​មួយ​បទ​នេះ​។

តាម​រយៈ​បទ​សម្ភាសន៍​ជាមួយ​សារព័ត៌មាន​កោះសន្តិភាព តារាចម្រៀង​អ្នកស្រី ជិន ចាន់​ធឿ​ន បាន​ប្រាប់​អោយ​ដឹង​ថា «​ក្រោយ​ពេល​ដែល​បទ​ចម្រៀង​មួយ​នេះ​ផ្ទុះ មានការ​គាំទ្រ​ច្រើន​នោះ អ្នកស្រី​ពិតជា​សប្បាយ​រីករាយ​ជា​ខ្លាំង ដែល​អ្នកស្រី​បាន​ច្រៀង​ទៅ​មានការ​អារម្មណ៍ ក៏​ដូច​ជា​ការ​សរសើរ​ពី​មហាជន​នោះ​»​។

អតីត​បេក្ខជន​ចម្រៀង Cambodian Idol រដូវ​កាល​ទី​៣ ដែល​មានស្រុក​កំណើត​នៅ​ស្រុក​ស្អាង នៃ​ខេត្តកណ្តាល​រូប​នេះ បាន​បន្ត​ថា «​បទ «ម៉ែ​ក្រឡាភ្លើង​» ដែល​អ្នកស្រី​បាន​ច្រៀង​នេះ អ្នកស្រី​មាន​អារម្មណ៍​ថា ព្រឺ​សម្បុរ ដូច​ជា​មហាជន​អ​ញ្ចឹ​ង​ដែរ ដោយ​សាច់ និង​ចម្រៀង​មួយ​បទ​នេះ គឺ​ស៊ីគ្នា ហើយនឹង​ល្អមើល​ផង​ដែរ​»​។

អ្នកស្រី ជិន ចាន់​ធឿ​ន បាន​បន្ត​ថា «​តាម​រយៈ​បទ​មួយ​នេះ អ្នកស្រី​បាន​ហាត់​សម​ត្រឹម​៣​ថ្ងៃ​ប៉ុណ្ណោះ ដោយ​អ្នកស្រី​អាច​ចេះ​ចាំ និង​ច្រៀង​បាន​។ បទ​មួយ​នេះ អ្នកស្រី​យល់​ថា ត្រូវការ​ដង្ហើមវែង ហើយ​ក៏​មាន​ភាព​លំបាក​ច្រើន​ចំពោះ​អ្នកស្រី​ផង​ដែរ ដោយសារ​ត្រូវ​អូស​សម្លេង​អោយ​វែង​ដែល​ជា​សម្លេង​ខ្មោច ដូចដែល​មហាជន​បាន​ស្តាប់​ដោយ​អារម្មណ៍​ដ៏​ព្រឺព្រួច​នោះ​»​។

តាម​រយៈ​ចម្រៀង​នេះ អ្នកស្រី យល់​ថា «​បទ​មួយ​នេះ​គឺ​ល្អ​ចំពោះ​អត្ថន័យ ព្រោះថា ទោះបីជា​ម៉ែ​ស្លា​.​ប់​ទៅ​ជា​ខ្មោច​ក៏​ដោយ ក៏​ម៉ែ​នៅ​តែ​នឹក​ដល់​កូន គិតដល់​កូន នេះ​ហើយ​ជា​ទំហំ​ទឹកចិត្ត​របស់​ម្តាយ​គ្រប់​រូប​នៅ​លើ​ផែនដី​នេះ​»​។

បើ​ងាក​មក​ពី​ជីវិត​នៃ​ការ​ប្រឡូក​ក្នុង​វិស័យ​សិល្បៈ​ប្រមាណ​ជា​៥​ឆ្នាំ​មកនេះ អ្នកស្រី​បាន​ប្រាប់​អោយ​ដឹង​ដែរ​ថា «​កាលពី​កន្លង​ទៅ អ្នកស្រី​មាន​ជីវភាព​មួយ​ពុំ​សូវ​ប្រសើរ​នោះ​ឡើយ ហើយ​នា​ពេល​នេះ អាច​ថា​រៀង​គ្រាន់បើ​បន្តិច ដូច​ជា​ការ​ច្រៀង​នៅ​តាម​អក​កេស អក​កា​ដង់ និង​បាន​ទៅ​ច្រៀង​នៅ​តាម​បណ្តា​ប្រទេស​ផ្សេង​ៗ​ផង​ដែរ ដូច​ជា ៖ អា​ល្លឺ​ម៉​ង់ បារាំង អឺរ៉ុប និង​ស្វី​ស​ជាដើម​»​។

ជា​ចុង​ក្រោយ តារាចម្រៀង​អ្នកស្រី ជិន ចាន់​ធឿ​ន ពិតជា​អរគុណ​ខ្លាំង​ណាស់​ចំពោះ​ការ​គាំទ្រ​នូវ​សម្លេង​របស់​អ្នកស្រី​ផង ក៏​ដូច​ជា​បទ​ដែល​អ្នកស្រី​បាន​បកស្រាយ​ផង​៕ ដោយ ៖ លី​ហួ គី​ម​ឆាយ

អត្ថបទសរសេរ ដោយ

កែសម្រួលដោយ