ADផ្ទាំងផ្សព្វផ្សាយពាណិជ្ជកម្ម

Picture

សម្តេច​ធិបតី ហ៊ុន ម៉ាណែត ​និងលោកជំទាវ​បណ្ឌិត ពេជ ចន្ទមុន្នី នឹងអញ្ជើញជាអធិបតី​ដ៏ខ្ពង់ខ្ពស់ក្នុងពិធីបើកពិធីបុណ្យសមុទ្រ នៅកែប នាល្ងាចថ្ងៃ២​ធ្នូ ​

2 ខែ មុន
  • ភ្នំពេញ

ភ្នំពេញ៖ ខេត្តកែប នឹងធ្វើជាម្ចាស់ផ្ទះរៀបចំពិធីបុណ្យសមុទ្រ លើកទី១០ ជុំទី៣ រយៈពេល ៣ថ្ងៃ ចាប់ពីថ្ងៃទី១-៣ ខែធ្នូ ឆ្នាំ២០២៣​។…

ភ្នំពេញ៖ ខេត្តកែប នឹងធ្វើជាម្ចាស់ផ្ទះរៀបចំពិធីបុណ្យសមុទ្រ លើកទី១០ ជុំទី៣ រយៈពេល ៣ថ្ងៃ ចាប់ពីថ្ងៃទី១-៣ ខែធ្នូ ឆ្នាំ២០២៣​។ ដោយឡែក​ ពិធីបើកផ្លូវការនៃពិធីបុណ្យសមុទ្រ នៅខេត្តកែប ឆ្នាំនេះ នឹងធ្វើឡើង នៅល្ងាចថ្ងៃសៅរ៍ ទី២ ខែធ្នូ ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់​សម្តេចធិបតី ហ៊ុន ម៉ាណែត និងលោកជំទាវភរិយា ពេជ ច័ន្ទមុន្នី។

​ពិធីបុណ្យ​សមុទ្រ នៅខេត្តកែប ៣ថ្ងៃនេះ នឹងមានការតាំងពិព័រណ៌សមិទ្ធផលនានា គម្រោងអភិវឌ្ឍតំបន់ឆ្នេរ និងផលិតផលខ្មែរនៅក្នុងតំបន់, ឆាកតន្ត្រី, សួនបង្ហោះខ្លែង, ទីតាំងបង្ហោះគោម និងទីកន្លែងបញ្ចាំងកុន ជាដើម។​

​ពិធីបុណ្យសមុទ្រ ប្រចាំឆ្នាំ នៅកម្ពុជា ចាប់ផ្តើមធ្វើឡើងដំបូង នៅឆ្នាំ២០១១ ចាប់តាំងពីតំបន់​ឆ្នេរសមុទ្រ​ដ៏ស្រស់ស្អាតរបស់​កម្ពុជា ត្រូវបានបញ្ចូលជាសមាជិកពេញសិទ្ធិរបស់ក្លឹបឆ្នេរសមុទ្រ ដែលស្អាតបំផុត លើសកលលោក ក្នុងអង្គមហាសន្និបាតលើកទី៧ កាលពីថ្ងៃទី២៦ ខែឧសភា ឆ្នាំ២០១១ នៅទីក្រុងតូបាកូតា នៃប្រទេសសេណេហ្គាល់។

ចាប់តាំងពីពេលនោះមក ​កម្ពុជាបានរៀបចំព្រឹត្តិការណ៍បុណ្យសមុទ្រ ជារៀងរាល់ឆ្នាំ ដែលធ្វើឡើងវិលជុំ នៅតាមខេត្តបណ្តោយឆ្នេរសមុទ្រទាំង ៤ គឺខេត្តព្រះសីហនុ ខេត្តកែប ខេត្តកំពត និងខេត្តកោះកុង​៕

អត្ថបទសរសេរ ដោយ

កែសម្រួលដោយ