តារាបង្ហាញម៉ូដលោក ឯម រៀម បានរំលឹកឡើងវិញនូវស្នាដៃរបស់លោក ពេជ្រ ភិរុណ បានសាងស្នាដៃឡើងក្នុងនាមជាអ្នកច្នៃម៉ូដកម្ពុជាដំបូងគេ ដែលនាំហូល និងសូត្រខ្មែរយកទៅបង្ហាញនៅលើឆាកអន្តរជាតិកាលពីជាង២០ឆ្នាំមុន មុនពេលលោក
រាជធានីភ្នំពេញ ៖ តារាបង្ហាញម៉ូដលោក ឯម រៀម បានរំលឹកឡើងវិញនូវស្នាដៃរបស់លោក ពេជ្រ ភិរុណ បានសាងស្នាដៃឡើងក្នុងនាមជាអ្នកច្នៃម៉ូដកម្ពុជាដំបូងគេ ដែលនាំហូល និងសូត្រខ្មែរយកទៅបង្ហាញនៅលើឆាកអន្តរជាតិកាលពីជាង២០ឆ្នាំមុន មុនពេលលោកបានទទួលមរណភាពកាលពីពេលថ្មីៗនេះ ។
ជាមួយនឹងរូបភាពការដើរម៉ូដដែលច្នៃម៉ូដដោយលោក ពេជ្រ ភិរុណ កាលពីអំឡុងឆ្នាំ២០០០ បានបង្ហោះលើបណ្តាញសង្គមរបស់លោក ឯម រៀម ដោយភ្ជាប់ជាមួយនឹងសារបញ្ជាក់ថា «ឆ្នាំ២០០០ បង ពេជ្រ ភិរុណ ជាអ្នកច្នៃម៉ូដដំបូងគេ នៃប្រទេសកម្ពុជា ដែលនាំយកហូល និងសូត្រខ្មែរទៅបង្ហាញនៅលើឆាកអន្តរជាតិ គឺប្រទេសបាំង ពេលនោះខ្ញុំ ឯម រៀម បានដើរបង្ហាញស្នាដៃរបស់គាត់ដែរ ដូចឃើញក្នុងរូបទាំងនេះ»។
ដោយឡែកលោក ឯម រៀម ក៏បានបញ្ជាក់បន្ថែមតាមរយៈវីដេអូឃ្លីបថា «ជាធម្មតា នៅប្រទេសបារាំង គេតែងតែរៀបចំដោយហៅអ្នកច្នៃម៉ូដមកពីគ្រប់បណ្តាប្រទេសនានានៅលើពិភពលោករៀងរាល់២ឆ្នាំម្តង ហើយអំឡុងឆ្នាំ២០០០នោះ លោកក៏បានចេញទៅដើរម៉ូដ ដោយគាប់ជួបលោក ពេជ្រ ភិរុណ ក៏បានទៅជាមួយគ្នា»។
លោកបន្តថា «អំឡុងពេលនោះ លោក ពេជ្រ ភិរុណ បាននៅពីក្រោយឆាករៀបចំម៉ូដដែលច្នៃដោយហូល និងសូត្រខ្មែរ ដើម្បីឲ្យតារាបង្ហាញម៉ូដ រួមទាំងរូបលោកផងដែរ សម្រាប់ដើរបង្ហាញនៅលើឆាកអន្តរជាតិ»។
លោកបន្ថែមថា «ការច្នៃម៉ូដរបស់លោក ពេជ្រ ភិរុណ នាពេលនោះ គឺមានការចាប់អារម្មណ៍ និងពេញនិយមយ៉ាងខ្លាំងពីសំណាក់ទស្សនិកជនអន្តរជាតិ ហើយក៏មានការចុះផ្សាយនៅលើបណ្តាញសារព័ត៌មានបរទេសផងដែរ»។
លោក ឯម រៀម បានលើកឡើងបន្ថែមថា «លោកមិនបានជាប់សាច់ឈា.មអ្វីជាមួយនឹងលោក ពេជ្រ ភិរុណ នោះឡើយ ប៉ុន្តែអ្វីដែលលោកបានបង្ហាញខាងលើនេះ គឺលោកគ្រាន់តែចង់រំលឹកអនុស្សាវរីយ៍ក្នុងនាមលោកក៏ជាអ្នកដើរឲ្យលោក ពេជ្រ ភិរុណ មួយរូបដែរ។ ហើយមកទល់បច្ចុប្បន្ននេះ លោកក៏បានចេញច្នៃម៉ូដនេះមួយចំណែកក៏ដោយសារលោក ពេជ្រ ភិរុណ នេះដែរ» ។
គួររំលឹកថា អតីតតារាសម្ដែងភាពយន្តដ៏ល្បីឈ្មោះ លោក ពេជ្រ ភិរុណ គឺជាតារាភាពយន្តខ្មែរនាអំឡុងទសវត្សឆ្នាំ៨០-៩០ បានទទួលមរណភាពកាលពីថ្ងៃទី២៦ ខែវិច្ឆិកា ឆ្នាំ២០២៣ ដោយសារជំងឺលើសសម្ភាធឈា.ម និងជំងឺមួយចំនួនទៀត ។ ក្នុងវ័យប្រមាណជាង៦០ឆ្នាំ លោក ពេជ្រ ភិរុណ ចាកចេញពីអាជីពសម្ដែងប្រហែល២០ឆ្នាំ ដោយលោកបានចាប់យកអាជីពជាអ្នកច្នៃមូដសម្លៀកបំពាក់ និងកាត់ដេរសម្លៀកបំពាក់នៅផ្ទះរបស់លោកម្ដុំផ្សារចាស់ រាជធានីភ្នំពេញ ។
គួររំលឹកទៀតថា ៖ ស្លុ.តចិត្ត! លោក ឯម រៀម ប្រកាសដំណឹងមរណភាពតារាសម្តែងជើងចាស់ ពេជ្រ ភិរុណ ៕
ចែករំលែកព័តមាននេះ