រាជធានីភ្នំពេញ ៖ កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បង្ក្រាបកន្លែងលេងល្បែងស៊ីសងខុសច្បាប់ និងឃាត់ខ្លួនជនសង្ស័យចំនួន០៧នាក់ ពាក់ព័ន្ធបើកលេងល្បែងស៊ីសងខុសច្បាប់ (ចាក់ភ្នាល់ JOKER តាមប្រព័ន្ធអនឡាញ) ។…
រាជធានីភ្នំពេញ ៖ កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បង្ក្រាបកន្លែងលេងល្បែងស៊ីសងខុសច្បាប់ និងឃាត់ខ្លួនជនសង្ស័យចំនួន០៧នាក់ ពាក់ព័ន្ធបើកលេងល្បែងស៊ីសងខុសច្បាប់ (ចាក់ភ្នាល់ JOKER តាមប្រព័ន្ធអនឡាញ) ។
បើតាមស្នងការដ្ឋាននគរបាលរាជធានីភ្នំពេញ បានអោយដឹងនៅថ្ងៃទី១៤ ខែវិច្ឆិកា ឆ្នាំ២០២៣នេះថា ដោយបានការអនុញ្ញាតពីព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ នៅវេលាម៉ោង១៤និង២៥នាទី ថ្ងៃទី១១ ខែវិច្ឆិកា ឆ្នាំ២០២៣ កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ដឹកនាំដោយលោកវរសេនីយ៍ឯក ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ និងលោកឧត្តមសេនីយ៍ត្រី លី ប៊ុនអេង ស្នងការរង ទទួលដឹកនាំការិយាល័យ ចុះបង្ក្រាបទីតាំងបើកកន្លែងលេងល្បែងស៊ីសងខុសច្បាប់ និងលេងល្បែងស៊ីសងខុសច្បាប់ (ចាក់ភ្នាល់ JOKER តាមប្រព័ន្ធអនឡាញ) និងឃាត់ខ្លួនជនសង្ស័យចំនួន០៧នាក់ ប្រព្រឹត្តនៅចំណុចផ្ទះគ្មានលេខ ផ្លូវបេតុង ភូមិទ្រា៤ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ។
វត្ថុតាងចាប់យក ៖ សារធាតុញៀនប្រភេទមេតំហ្វេតាមីន ចំនួន០៦ កញ្ចប់តូចមាន ទម្ងន់ ០,៣៤ក្រាម, កុំព្យូទ័រ ឡេបថប ម៉ាកហ្វុយជីតស៊ុយ ពណ៌ខ្មៅ, ដុំវ៉ាយហ្វាយ ពណ៌ស, ទូរសព្ទចំនួន០៧គ្រឿង, ប្រាក់រៀលចំនួន ១០០,០០០រៀល, សៀវភៅកត់ត្រា ចំនួនទឹកប្រាក់មួយចំនួន ។
បច្ចុប្បន្ន ជនសង្ស័យ និងវត្ថុតាងខាងលើ កម្លាំងការិយាល័យ កសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី ៕
ចែករំលែកព័តមាននេះ