លោកនេតាន់យ៉ាហ៊ូ ថា អ៊ីស្រាអែលនឹងការពារសន្តិសុខនៅហ្គាហ្សា ក្រោយសង្គ្រាម
សង្គ្រាមអ៊ីស្រាអែលនិងហាម៉ាស់ ៖ នាយករដ្ឋមន្ត្រីអ៊ីស្រាអែលថ្លែងកាលពីថ្ងៃទី៦វិច្ឆិកាថា ប្រទេសរបស់
សង្គ្រាមអ៊ីស្រាអែលនិងហាម៉ាស់ ៖ នាយករដ្ឋមន្ត្រីអ៊ីស្រាអែលថ្លែងកាលពីថ្ងៃទី៦វិច្ឆិកាថា ប្រទេសរបស់លោកនឹងទទួលខុសត្រូវជាសាកលលើសន្តិសុខនៅជ្រោយហ្គាហ្សា សម្រាប់រយៈពេលមួយមិនកំណត់ បន្ទាប់ពីសង្គ្រាមជាមួយក្រុមហាម៉ាស់ត្រូវបញ្ចប់ ហើយលោកបដិសេធជាថ្មីលទ្ធភាពនៃបទឈប់ បាញ់គ្នា។
ឆ្លើយតបសំនួររបស់ទូរទស្សន៍ABC NEWS ស្ដីពីថា តើនរណាជាអ្នកដឹកនាំហ្គាហ្សាក្រោយសង្គ្រាម លោកបេនចាមីននេតាន់យ៉ាហ៊ូឆ្លើយថា យើងចង់បានពួកអ្នកដែលមិនបន្តដើរតាមផ្លូវរបស់ក្រុមហាម៉ាស់។ អ៊ីស្រាអែលនឹងរ៉ាប់រងក្នុងរយៈពេលមិនកំណត់មួយ ការទទួលខុសត្រូវទូទៅលើសន្តិសុខនៅហ្គាហ្សា។ បែបនេះព្រោះតែយើងមើលឃើញអ្វីដែលនឹងកើតមាន ពេលដែលយើងមិនគ្រប់គ្រងសន្តិសុខនោះ។ ពេលយើងមិនទទួលខុសត្រូវខាងសន្តិសុខនេះ នោះយើងនឹងជួបជាថ្មីការលេចចេញនៃវិបត្តិភ័យមួយរបស់ក្រុមហាម៉ាស់ ក្នុងកម្រិតមួយដែលយើងនឹកស្មានមិនដល់។
ក្នុងបទសម្ភាន៍ជាមួយទូរទស្សន៍នោះលោកនេតាន់យ៉ាហ៊ូបានបដិសេធជាថ្មី គំនិតនៃបទឈប់បាញ់គ្នាមួយនៅជ្រោយហ្គាហ្សា ដោយគ្មានការដោះលែងបណ្ដាចំណាប់ខ្មាំងដែលចាប់ដោយពួកហាម៉ាស់ ពេលវាយលុកចូលអ៊ីស្រាអែលកាលពីថ្ងៃទី៧តុលាដែលនាំឲ្យផ្ទុះជម្លោះ។ លោកនិយាយថានឹងមិនមានបទឈប់បាញ់គ្នាជាទូទៅនៅហ្គាហ្សាឡើយបើដរាបណាគ្មានការដោះលែងចំណាប់ខ្មាំងទេនោះ៕
ចែករំលែកព័តមាននេះ