ADផ្ទាំងផ្សព្វផ្សាយពាណិជ្ជកម្ម

Picture

រដ្ឋបាល​ស្រុក​ត្រពាំង​ប្រាសាទ រៀបចំ​ប្រ​ណា​ង​ទូក​«​ង​» ជា​លើក​ដំបូង​ក្នុង​ប្រវត្តិសាស្ត្រ (​វី​ដេ​អូ​)

8 ខែ មុន
  • ឧត្តរមានជ័យ

នេះ​ជា​លើក​ដំបូង​ហើយ​ក្នុង​ប្រវត្តិសាស្ត្រ ដែល​ពុំ​ធ្លាប់​កើត​មាន ដោយ​ក្រុម​អាជ្ញា​ធរ​នៅ​ស្រុក​ត្រពាំង​ប្រាសាទ និង​ដឹកនាំ​រដ្ឋបាល​ស្រុក​ដោយ​លោក ហាំ​ង ម៉េ​ង ជា​អភិបាលស្រុក​ត្រពាំង​​ប្រាសាទ រួម​ជាមួយ​ក្រុមប្រឹក្សា​ស្រុក

ខេត្តឧត្តរមានជ័យ ៖ នេះ​ជា​លើក​ដំបូង​ហើយ​ក្នុង​ប្រវត្តិសាស្ត្រ ដែល​ពុំ​ធ្លាប់​កើត​មាន ដោយ​ក្រុម​អាជ្ញា​ធរ​នៅ​ស្រុក​ត្រពាំង​ប្រាសាទ និង​ដឹកនាំ​រដ្ឋបាល​ស្រុក​ដោយ​លោក ហាំ​ង ម៉េ​ង ជា​អភិបាលស្រុក​ត្រពាំង​​ប្រាសាទ រួម​ជាមួយ​ក្រុមប្រឹក្សា​ស្រុក មន្ត្រីរាជការ ប្រជាពលរដ្ឋ និង​អាជីវករ បាន​រៀបចំ​កម្មវិធី​ប្រណាំងទូក «​ង​» នៅ​ទល់មុខ​ប្រាសាទខ្នា​ចា​រ្យ ហៅ​វត្ត​ត្រពាំង​ប្រាសាទ ស្ថិត​នៅ​ភូមិ​ត្រពាំង​ប្រាសាទ ឃុំ​ត្រពាំង​ប្រាសាទ ស្រុក​ត្រពាំង​ប្រាសាទ ខេត្តឧត្តរមានជ័យ​។

ការ​ប្រណាំងទូក «​ង​» នេះ រៀបចំ​ឡើង​មាន​រយៈពេល​២​ថ្ងៃ គឺ​ចាប់ពី​ថ្ងៃ​ទី​៤ ដល់​ថ្ងៃ​ទី​៥ ខែវិច្ឆិកា​ឆ្នាំ​២០២៣ ក្រោម​វត្តមាន​ឯកឧត្ដម នៅ សំ តំណាងរាស្ត្រ​មណ្ឌល​ខេត្តឧត្តរមានជ័យ ដោយ​មានការ​ចូលរួម​ពី​អភិបាលរង​ខេត្ត​តំណាង​ឲ្យ​ឯកឧត្តម ប៉ែន កុសល អភិបាលខេត្ត​ឧត្តរមានជ័យ ក្រម​ប្រឹក្សា​ខេត្ត ស្ថាប័ន​មន្ទីរ និង​កងកម្លាំងប្រដាប់អាវុធ ព្រមទាំង​មាន​ប្រជាពលរដ្ឋ​មក​ទស្សនា​ប្រមាណ​ជាង​១​ម៉ឺន​នាក់​។

ក្នុង​នោះ ទូក «​ង​» ចូលរួម​ប្រណាំង មាន​ដូច​ជា ៖ ទូក​របស់​រដ្ឋបាល​ស្រុក តំណាង​ស្ថាន​ប័ន​យោធា មក​ពី​រដ្ឋបាល​ឃុំ​ចំណុះ​ឲ្យ​ស្រុក និង​ទូក​របស់​អាជីវករ​ក្នុងស្រុក ដែល​បាន​រៀបចំ​ប្រណាំង​នៅ​បរិវេណ​ត្រពាំង​ប្រាសាទខ្នារ​ចា​រ្យ ហើយ​មានការ​ដឹកនាំ​ពី​សំណាក់​លោក ហាំ​ង ម៉េ​ង អភិបាលស្រុក​ត្រពាំង​ប្រាសាទ ដោយ​បាន​ផ្តួចផ្តើម​ជីក​កកាយ​បឹង​ប្រវត្តិសាស្ត្រ មាន​ទំហំ​ទទឹង​២០០​ម៉ែត្រ បណ្តោយ​៧០០​ម៉ែត្រ នៅ​ទល់មុខ​ប្រាសាទខ្នា​ចា​រ្យ បង្កើត​ជាទី​លាន​ប្រណាំងទូក «​ង​» ដែល​ជា​កេរ្តិ៍​ដំណែល​របស់​ដូនតា​តាំងពី​យូរលង់​ណាស់​មក​ហើយ ដើម្បី​ជីក​ស្តារ​កកាយ​បឹង​ប្រវត្តិសាស្ត្រ រួច​រៀបចំ​ពិធី​ធ្វើ​ទីលាន​ប្រណាំងទូក «​ង​» នៅ​ស្រុក​ត្រពាំង​ប្រាសាទ ដែល​ពុំ​ធ្លាប់​កើត​មាននៅ​ក្នុង​រដ្ឋបាល​ស្រុក​មួយ​នេះ​។

លោក ហាំ​ង ម៉េ​ង អភិបាលស្រុក​ត្រពាំង​ប្រាសាទ បាន​ថ្លែងអំណរគុណ​ដល់​កងកម្លាំងប្រដាប់អាវុធ មន្ត្រីរាជការ ប្រជាពលរដ្ឋ អាជីវករ និង​សប្បុរសជន ដែល​បាន​ចូលរួម​ជា​ថវិកា និង​សម្ភារៈ​ផ្សេង​ៗ ព្រមទាំង​តំណាំង​អង្គភាព​ស្ថាប័ន​នានា រដ្ឋបាល​ភូមិ​-​ឃុំ បាន​រៀបចំ​ដឹកនាំ​យក​ទូក​មក​ចូលរួម​ប្រឡងប្រណាំង​ស្វែងរក​ជើងឯក​ទូក «​ង​» ប្រចាំ​ស្រុក​ត្រពាំង​ប្រាសាទ ដែល​ធ្វើ​ឲ្យ​កម្មវិធី​ដំណើរការ​បាន​យ៉ាង​ល្អ​។

ជាមួយ​គ្នា​នោះ​ដែរ លោក​អភិបាលស្រុក​ក៏​សំណូមពរ​ដល់​ប្រជាពលរដ្ឋ​មក​ចូលរួម​ទស្សនា និង​អាជីវករ​លក់ដូរ សូម​ឱ្យ​ថែរក្សា​សណ្ដាប់ធ្នាប់ អនាម័យ​នៅ​ជុំវិញ​បរិវេណ​ទីតាំង​ប្រណាំងទូក «​ង​» នេះ ដើម្បី​រក្សា​សោ​ភ័​ណ្ឌ​ភាព បរិស្ថាន​ស្អាត មាន​អនាម័យ​ក្នុងស្រុក​របស់​យើង ដើម្បី​ឱ្យ​មាន​ភាព​ស្រស់​ស្អាត​។

សូម​បញ្ជាក់​ថា ក្នុង​ការ​ប្រណាំងទូក «​ង​» ស្វែងរក​ជើងឯក​នេះ​ដែរ គឺ​បាន​ទៅ​លើ​ទូក «​ប្រាសាទខ្នា​ចា​រ្យ​សែន​ជ័យ​បារមី​យាយ​ម៉ៅ​» ដែល​ជា​ទូក​របស់​រដ្ឋបាល​ស្រុក​ត្រពាំង​ប្រាសាទ ទទួល​បាន​ពាន​លេខ​១ ឧបត្ថម្ភ​ទឹកប្រាក់​១​លាន​២​សែន​រៀល​, លេខ​២ បាន​ទៅ​លើ​ទូក «​ក្រុម​យុវជន​ស្រុក​ត្រពាំង​ប្រាសាទ​» ទទួល​បាន​ពាន និង​ឧបត្ថម្ភ​ទឹកប្រាក់​៨០​ម៉ឹ​ន​រៀល និង​លេខ​៣ បាន​ទៅ​លើ​ទូក​មក​ពី​ឃុំ​ត្រពាំង​ប្រាសាទ ទទួល​បាន​ពាន និង​ឧបត្ថម្ភ​ទឹកប្រាក់​៦០​ម៉ឺន​រៀល​។ លើស​ពី​នោះ​គឺជា​រង្វាន់​លើកទឹកចិត្ត​៕

អត្ថបទសរសេរ ដោយ

កែសម្រួលដោយ