ផ្លូវ១ខ្សែរងការខូចខាត និងបង្កការលំបាកដល់ពលរដ្ឋ និងសិស្សានុសិស្សធ្វើដំណើរ
- បន្ទាយមានជ័យ
ខេត្តបន្ទាយមានជ័យ ៖ ផ្លូវមួយខ្សែរងការខូចខាត ដោយសាររថយន្តធុនធំដឹកទំនិញ និងដឹកដី
ខេត្តបន្ទាយមានជ័យ ៖ ផ្លូវមួយខ្សែរងការខូចខាត ដោយសាររថយន្តធុនធំដឹកទំនិញ និងដឹកដី និងបង្កការលំបាកដល់ប្រជាពលរដ្ឋ និងសិស្សានុសិស្សធ្វើដំណើរ ។
ផ្លូវមួយខ្សែខាងលើស្ថិតក្នុងភូមិទួលប្រាសាទ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ប្រជាពលរដ្ឋបានប្រាប់ថា ផ្លូវ១ខ្សែដែលប្រើប្រាស់ក្នុងភូមិទួលប្រាសាទ កំពុងរងការខូចខាតបែកភក់ បង្កការលំបាកដល់ប្រជាពលរដ្ឋនិងសិស្សានុសិស្សពេលធ្វើដំណើរ ។ បើនៅរដូវវស្សាវិញ គឺបែកម៉ាំង តែបើនៅរដូវប្រាំងអាចទៅមកបាន ។ ផ្លូវខាងលើបានខូចខាតជាច្រើនឆ្នាំកន្លងមកហើយមិនឃើញអាជ្ញាធរធ្វើការជួសជុល និងកសាងនៅឡើយ។
ប្រជាពលរដ្ឋបានលើកឡើងថា ផ្លូវដែលខូចខាតខាងលើ គឺបណ្តាលមកពីរថយន្តដឹកដី និងក្រុមហ៊ុនក្រឡុកស៊ីម៉ុងត៍នៅក្បែរនោះបើកចេញ-ចូល ។
លោក គាត ហ៊ុល អភិបាលក្រុងប៉ោយប៉ែតបានបញ្ជាក់ថា ផ្លូវឆ្លងកាត់ភូមិទួលប្រាសាទខាងលើ លោកក៏បានដឹងថាខូចខាត និងបង្កការការលំបាកដល់ប្រជាពលរដ្ឋក្នុងមូលដ្ឋានចេញ-ចូល ហើយរយៈពេលកន្លងបានជួសជុល១ដងទៅ២កន្លងមកហើយ តែមិនទាន់កសាងឡើងវិញ តែមានគម្រោងហើយ អាចនៅរដូវប្រាំងនេះ និងកសាងជូន មិនអោយជួបការលំបាកទៀតឡើយ បើកសាងហើយ មានរថយន្តក្រុមហ៊ុនណាមួយបំផ្លាញផ្លូវ នឹងចាត់ការតាមច្បាប់ ៕
ចែករំលែកព័តមាននេះ